Beta-blocker គឺជាថ្នាំមួយប្រភេទដែលត្រូវបានគេប្រើប្រាស់ដើម្បីព្យាបាលជំងឺលើសសម្ពាធឈាម បេះដូងលោតខុសធម្មតា ថប់អារម្មណ៍ និងជំងឺផ្សេងៗទៀត។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថ្នាំនេះមានយន្តការណ៍បញ្ឈប់ឥទ្ធិពលរបស់សារធាតុ Epinephrine (Adrenaline) ដើម្បីធ្វើឲ្យបេះដូងលោតយឺតជាងមុន និងបញ្ចុះសម្ពាធឈាមបាន។ អាហារ រុក្ខជាតិឬសឈើ និងថ្នាំបំប៉ុនខ្លះក៨អាចមានឥទ្ធិពលជាថ្នាំ Beta-blocker នេះដែរ ហើយវានឹងបញ្ចុះសម្ពាធឈាមតាមបែបធម្មជាតិតែម្តង។ តើវាមានអ្វីខ្លះទៅ៖
អាហារ
១. អង់ទីអុកស៊ីដង់
ផ្លែឈើ បន្លែ និងអាហារប្រភេទរុក្ខជាតិភាគច្រើនផ្ទុកទៅដោយអង់ទីអុកស៊ីដង់ ដែលដើរតួនាទីយ៉ាងសំខាន់មួយក្នុងការបង្ការការរលាក និងបញ្ចុះសម្ពាធឈាមផង។ ការស្រាវជ្រាបាននិយាយថា ការញ៉ាំអាហារផ្ទុកសារធាតុអង់ទីអុកស៊ីដង់ដូចជា បន្លែ និងផ្លែឈើស្រស់ អាចជួយបញ្ចុះសម្ពាធឈាមបាន។
២. L-arginine
L-arginine គឺជាអាស៊ីតអាមីណេមួយប្រភេទដែលអាចជួយផលិតជា Nitric Oxide (NO) ជំរុញដល់ការរីកធំរបស់សរសៃឈាម និងបញ្ចុះសម្ពាធឈាមបាន។ ប្រភពនៃសារធាតុនេះមានដូចជា សាច់បក្សី គ្រាប់ផ្លែឈើ បន្លែពណ៌បៃតងជាដើម។
៣. ប៉ូតាស្យូម
ការដែលមានកម្រិតប៉ូតាស្យូមក្នុងរបបអាហារគ្រប់គ្រាន់អាចជួយថែរក្សាសម្ពាធឈាមឲ្យនៅទាបបាន។ មនុស្សភាគច្រើនអាចទទួលបានប៉ូតាស្យូមគ្រប់គ្រាន់ពីរបបអាហារដែលមានតុល្យភាពដូចជា ចេក ត្រី ដំឡូងបារាំងជាដើម។
ឬសឈើ
៤. ខ្ទឹមស
ខ្ទឹមសមានប្រវត្តយូរណាមកហើយថាជាអង់ទីអុកស៊ីដង់ និងសារធាតុប្រឆាំងការរលាកយ៉ាងខ្លាំង ហើយវាក៏ត្រូវបានគេរកឃើញថាអាចព្យាបាលការលើសសម្ពាធឈាម និងជំងឺបេះដូងដែរ។ ការសិក្សាជាច្រើនបានឲ្យដឹងថា ខ្ទឹមសអាចបញ្ចុះសម្ពាធឈាមបាន ដោយសារតែមានលក្ខណៈដូចគ្នានឹង Beta-blocker ចឹងដែរ។
ថ្នាំបំប៉ន
៩. អាស៊ីតខ្លាញ់អូមេហ្គាបី
អាស៊ីតខ្លាញ់ប្រភេទនេះគឺជាប្រភេទ Polyunsaturated ដែលត្រូវបានគេរកឃើញថា មានប្រយោជន៍ខ្លាំងដល់សុខភាពបេះដូង និងសុខភាពផ្សេងៗទៀត។ វាអាចបញ្ចុះសម្ពាធឈាម បន្ថយការកកឈាម រំលាយខ្លាញ់ដែលកកនៅសរសៃឈាម និងការរលាក។ អាស៊ីតខ្លាញ់អូេមហ្គាបីក៏ជួយបន្ថយអាការៈថប់អារម្មណ៍ផងដែរ។
១០. CoQ10
នេះគឺជាសារធាតុដ៏សំខាន់មួយដែលដើរតួនាទីលើការផលិតថាមពល និងការពារអង់ទីអុកស៊ីដង់។ ការចុះទាបនៃសារធាតុមួយនេះត្រូវបានគេរកឃើញថា ជាប់ទាក់ទងនឹងជំងឺជាច្រើន រួមទាំងបេះដូងផងដែរ។ ការសិក្សាបានឲ្យដឹងថា ថ្នាំបំប៉នប្រភេទ CoQ10 អាចជួយពង្រឹងដល់សុខភាពសម្ពាធឈាមលើសត្វកណ្តុរដែលលើសឈាម។
១១. ម៉ាញ៉េស្យូម
ជាតិរ៉ែមួយនេះសំខាន់ក្នុងដំណើរការណ៍នៃការរំលាយអាហារ ជាពិសេសអាចប្រើប្រាស់សម្រាប់ការកន្ត្រាក់របស់សាច់ដុំ និងគ្រប់គ្រងប្រព័ន្ធសរសៃប្រសាទ។ (អាន:ថ្នាំងងុយគេង ពេលអ្នកគួរប្រើ)ការសិក្សាមួយរកឃើញថា ការចុះទាបនៃម៉ាញ៉េស្យូមក្នុងឈាម អាចនាំឲ្យលើសសម្ពាធឈាមបាន៕