ត្រប់វែងត្រូវបានគេស្គាល់ថាជាបន្លែមានរសជាតិប្លែកមួយ ហើយក៏ជាទីពេញនិយមសម្រាប់ប្រជាជនខ្មែរយើងដែរ ព្រោះវាជាបន្លែមានគ្រប់រដូវកាល។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដូច្នេះតើអ្នកមានដឹងទេថា ជីវជាតិក្នុងត្រប់វែងនេះមានប្រយោជន៍ខ្លាំងប៉ុណ្ណាចំពោះសុខភាពមនុស្សយើង?
បន្ថយកូឡេស្តេរ៉ុលក្នុងឈាម
ត្រប់វ៉ែងមានសារធាតុ Chlorogenic Acid ដ៏សំខាន់ ដែលត្រូវបានគេស្គាល់ថាមាននាទីលុបបំបាត់រ៉ាឌីកាលសេរីដ៏ខ្លាំងក្លាបំផុត។ សារធាតុមួយនេះក៏ជួយកាត់បន្ថយកូឡេស្តេរ៉ុលអាក្រក និងដើរតួនាទីប្រឆាំងនឹងវីរុស មហារីក និងមេរោគបានច្រើនទៀតផង។
ជាចំណីរបស់ខួរក្បាល
ចំពោះសម្បករបស់ត្រប់វែងមានសារធាតុ Nasunin ដែលត្រូវបានគេស្គាល់ថាជាអង់ទីអុកស៊ីដង់ដ៏ខ្លាំងក្លាមួយដែលជួយការពារាតិខ្លាញ់ដែលមានក្នុងភ្នាសកោសិកាខួរក្បាលកុំឲ្យខូចខាតដោយសាររ៉ាឌីកាលសេរី។ ការសិក្សាក៏បានបង្ហាញថា សារធាតុមួយនេះចូលរួមក្នុងលំហូរឈាមទៅខួរក្បាល និងទប់ស្កាត់ការរលាកសរសៃប្រសាទ។ វាក៏ជួយបង្ការជំងឺទាក់ទងនឹងបញ្ហាផ្លូវចិត្ត និងជួយពង្រឹងដល់ការចងចាំបានដែរ។
ជំងឺមហារីក
ត្រប់វែងមានសារធាតុ Polyphenols ដែលត្រូវបានគេរកឃើញថាជំរុញដល់ប្រសិទ្ធភាពប្រឆាំងនឹងមហារីក។ សារធាតុ Chlorogenic Acid និង Anthocyanins ដើរតួនាទីជាសារធាតុប្រឆាំងការរលាកផង និងអង់ទីអុកស៊ីដង់ផង។ (អាន:ថ្នាំងងុយគេង ពេលអ្នកគួរប្រើ)
វាជួយការពាររាងកាយពីការខូចខាតដោយសាររ៉ាឌីកាលសេរី ដែលបង្ការកុំឲ្យលូតលាស់ចេញជាដុំសាច់ និងកោសិកាមហារីករាលដាល។ វានឹងជំរុញឲ្យកោសិការមហារីកឆាប់ស្លាប់ និងភ្ញោចដល់អង់ស៊ីមច្រោះជាតិពុលក្នុងកោសិកានោះតែម្តង៕