Join with Health.com.kh on Telegram

ខាងក្រោមនេះ យើងខ្ញុំនឹងបង្ហាញអ្នកពីវិធីក្នុងការប្រយ័ត្នពីការប្រើកង្ហារទឹកក្នុងរដូវក្តៅ។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

  1. នៅពេលដែលអ្នកប្រើកង្ហារទឹកក្នុងរដូវក្តៅ អ្នកមិនគួរបាញ់ទឹកនោះមកត្រូវអ្នកច្រើនទេ ដោយគួរតែបាញ់ត្រឹមពី40%-60%បានហើយ ព្រោះបើទឹកនោះបាញ់ចេញមកខ្លាំងពេក នឹងធ្វើឲ្យអ្នកផ្តាសាយ កើតហឺត ហើយប្រព័ន្ធការពាររាងកាយអ្នកក៏ធ្លាក់ចុះផងដែរ។
  2. អ្នកមិនគួរប្រើទឹកម៉ាស៊ីនចាក់ចូលទៅក្នុងកង្ហារទឹកនោះទេ ព្រោះទឹកនោះអាចធ្វើឲ្យបរិយាកាសប្រែជាកង្វក់ ដោយអាចធ្វើឲ្យសុខភាពអ្នកទ្រុឌទ្រោមទៅៗ ពេលដែលប្រើក្នុងរយៈពេលយូរ។
  3. អ្នកគួរតែផ្លាស់ប្តូរទឹកក្នុងកង្ហារនោះ និងលាងសម្អាតជាញឹកញាប់ ព្រោះបើអ្នកមិនសម្អាត នោះពេលដែលអ្នកត្រូវខ្យល់ និងទឹកនៃកង្ហារនោះយូរ នឹងធ្វើឲ្យសុខភាពអ្នកកើតមានបញ្ហា។ ដូចនេះ អ្នកគួរតែផ្លាស់ប្តូរទឹកជារៀងរាល់ថ្ងៃ ហើយសម្អាតម្តងក្នុងមួយអាទិត្យ។
  4. អ្នកមិនគួរប្រើកង្ហារទឹកនេះចំនួន២៤ម៉ោងក្នុងមួយថ្ងៃទេ ព្រោះប្រើយូរពេក នឹងធ្វើឲ្យខូចសួតអ្នក។ ដូចនេះ អ្នកគួរតែបើកបង្អួត ប្រើកង្ហារធម្មតាខ្លះ ទើបមិនធ្វើឲ្យសុខភាពអ្នកជួបនឹងគ្រោះថ្នាក់៕ (អាន:ថ្នាំងងុយគេង ពេលអ្នកគួរប្រើ)