កាលពីអត្ថបទមុនយើងខ្ញុំបានប្រាប់អ្នកពីរឿងមួយចំនួនដែលអាចធ្វើឲ្យកូនអ្នកឆាប់ភ័យបាន។ ដូចនេះថ្ងៃនេះយើងខ្ញុំនឹងប្រាប់អ្នកពីវិធីនៃការលួងកូនក្រោយពេលដែលគេភ័យរួច។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- ប្រសិនជាកូនអ្នកភ័យ អ្នកគួរតែយកដៃអ្នកគោះខ្នង ឬវ៉ៃខ្នងកូនថ្មមៗ ឬអង្អែរគេក៏បានដែរ នោះវាអាចធ្វើឲ្យកូនមានអារម្មណ៍ស្ងប់មកវិញបាន។
- នៅពេលដែលគេភ័យខ្លាចភ្លាម អ្នកត្រូវតែពរ ហើយនិយាយជាមួយគេភ្លាម ទោះបីជាគេស្តាប់មិនយល់ពីអ្វីដែលអ្នកនិយាយក៏ដោយ ប៉ុន្តែគេអាចដឹងពីអារម្មណ៍ដែលអ្នកបានយកចិត្តទុកដាក់ចំពោះគេ និងបារម្ហពីគេ។
- អ្នកក៏អាចពរគេ ហើយស្ទាបក្បាលរបស់កូនថ្នមៗដែរ ដើម្បីឲ្យគេមានអារម្មណ៍សុវត្ថិភាព និងស្ងប់។
- អ្នកក៏អាចប្តូររបៀបពរកូនក៏បានដែរ នោះវាក៏អាចជួយកូនឲ្យមានអារម្មណ៍ស្ងប់ដូចគ្នា ហើយមិនភ័យដូចមុនឡើយ។
- ជួនកាលមកពីកូនខ្វះជាតិកាលស្យូម នោះវាក៏អាចធ្វើឲ្យកូនឆាប់មានអារម្មណ៍ភ័យដូចគ្នា ដូចនេះអ្នកត្រូវតែប៉ូវកាលស្យូមឲ្យកូនបានគ្រប់គ្រាន់។
- ប្រសិនជាកូនមានទម្លាប់គេងៗភ័យ ហើយភ្ញាក់ មុនពេលដែលកូនចូលគេង អ្នកត្រូវតែចាក់បទចម្រៀងដែលមានភាពទន់ភ្លន់ឲ្យកូនស្តាប់ ហើយមិនត្រូវឲ្យគេដាក់ដៃនៅលើទ្រូងឡើយ។ បើកូនគេងៗស្រាប់តែភ្ញាក់ អ្នកអាចក្តាប់ដៃរបស់គេ ឬវ៉ៃខ្នងរបស់គេថ្នមៗ នោះគេនឹងអាចបន្តគេងទៀតហើយ៕ (អាន:ថ្នាំងងុយគេង ពេលអ្នកគួរប្រើ)