ទឹកខ្មេះផ្លែប៉ោម ៥មីលីលីត្រអាចដោះស្រាយរមាស់ស្បែក និងស្បែកក្បាលបាន

តើអ្នកកំពុងតែជួបបញ្ហាបែកញើសច្រើននៅខែចែត្រនេះដែរទេ? ដូច្នេះស្បែកអ្នកក៏ងាយនឹងរលាកផងដែរ។ ជាមួយនឹងអាការៈរមាស់ស្បែក និងស្បែកក្បាលដែលមិនត្រឹមតែផ្តល់ភាពអាម៉ាស និងគ្មានផាសុកភាពនោះទេ តែអ្នកក៏នឹងត្រូវការចំណាយច្រើនសម្រាប់ការព្យាបាលផងដែរ។ យ៉ាងណាមិញ ករណីខ្លះ សារធាតុគីមីច្រើនតែនាំឲ្យបញ្ហាដែលត្រូវព្យាបាលនោះកាន់តែធ្ងន់ធ្ងរជាងមុនដែរ។ ហើយបើសិនជាអញ្ជឹងមែន អ្នកគួរតែសាកល្បងរបស់ធម្មជាតិ ជាពិសេសទឹកខ្មេះផ្លែប៉ោមសិនទៅ។ 

ទឹកខ្មេះផ្លែប៉ោមគឺជារបស់ព្យាបាលបែបធម្មជាតិមួយដែលអាចដោះស្រាយបញ្ហាជាច្រើនដូចជា ធ្មេញលឿង អង្គែរស្បែកក្បាល ធំក្លិនឃ្លៀក និងសម្រកទម្ងន់ទៀតផង។ ទោះបីជាយ៉ាងណាក៏ដោយ មិនមានមនុស្សច្រើនដឹងថា វាអាក៏អាចជួយដោះស្រាយបញ្ហារមាស់ស្បែក​និងស្បែកក្បាលឡើយ។ ផលិតផលមួយនេះមានសារធាតុ Citric Acid ដែលជាអាស៊ិតធម្មជាតិអាចបំបាត់ការលូតលាស់បាក់តេរី និងបង្កាការបង្ករោគ និងរមាស់ស្បែកបាន។ វាក៏ដើរតួនាទិជាសារធាតុប្រឆាំងនឹងមេរោគដ៏ខ្លាំងក្លាផងដែរ។ មួយវិញទៀត វានឹងទៅកាត់បន្ថយការប្រឈមនឹងការបង្ករោគដោយបាក់តេរី ឬមេរោគផ្សិតដោយសារតែបែកញើសច្រើនដែរ។ 

របៀបប្រើប្រាស់

រមាស់ស្បែក

ចូរលាយទឹកខ្មេះផ្លែប៉ោម មួយមីលីលីត្រទៅក្នុងទឹកធម្មតា ១០មីលីលីត្រ ហើយលាយវាឲ្យសព្វ។ ចូរយកដុំសម្លីមួយជ្រលួកក្នុងល្បាយនេះ ហើយយកវាទៅលាបលើកន្លែងដែលរមាស់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែបើសិនជាអ្នកមានអារម្មណ៍ថារមាស់ពេញខ្លួនវិញនោះ អ្នកអាចលាយទឹកខ្មេះផ្លែប៉ោមមួយពែង ជាមួយនឹងទឹកមួយធំពេញ ហើយងូតតែម្តងទៅ។ 

រមាស់ស្បែកក្បាល

ចូរលាងស្បែកក្បាលជាមួយទឹកធម្មតា ហើយជូតវាឲ្យស្ងួតសិន។ ចូរលាយទឹកខ្មេះផ្លែប៉ោម ៥មីលីលីត្រជាមួយទឹកធម្មតា ៥មីលីលីត្រដូចគ្នា ហើយដាក់វាទៅក្នុងដប់បាញ់ទឹក។ បន្ទាប់មកអ្នកអាចបាញ់ ឬយកវាទៅលាបលើស្បែកក្បាល ហើយទុកចោល ១៥នាទី ចាំលាងជម្រូះជាមួយសាប៊ូ។ (អាន:ថ្នាំងងុយគេង ពេលអ្នកគួរប្រើ)ចូរធ្វើបែបនេះមួយថ្ងៃរំលងមួយថ្ងៃដើម្បីទទួលបានលទ្ធផលដ៏ល្អបំផុត៕