Join with Health.com.kh on Telegram

មនុស្សគ្រប់គ្នាដឹងហើយថាការពាក់ស្បែកជើងកែងខ្ពស់ និងការហាត់ប្រាណខ្លាំងក្លាពេកអាចមានផលអាក្រក់ចំពោះសន្លាក់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តើអ្នកមានដឹងទេថាមានសកម្មភាពជាច្រើនផ្សេងទៀតដែលអាចប៉ះពាល់ដល់សន្លាក់អ្នកដែរទេ ហើយអ្នកប្រហែលជាអាចធ្វើដោយមិនដឹងខ្លួនផង។ ខាងក្រោមនេះខ្ញុំនឹងបង្ហាញអំពីទម្លាប់មួយចំនួនដែលអាចនាំឲ្យប៉ះពាល់យ៉ាងខ្លាំងដល់សន្លាក់ ឬបើសិនជាសន្លាក់នោះមានបញ្ហាស្រាប់ វាកាន់តែធ្ងន់ធ្ងរថែមទៀតដូចជាមានជំងឺសន្លាក់ Rheumatoid Arthritis ជាដើម។ 

របៀបរស់នៅបែបស៊ីដេកៗ

ការដែលមានទម្លាប់អង្គុយ ឬគេងយូរៗពិតជាមិនល្អសោះសម្រាប់សុខភាពសន្លាក់។ នេះដោយសារតែរបត់ឈាមរត់ទៅសន្លាក់ត្រូវបានកាត់បន្ថយ ជាពិសេសនៅពេលអ្នកគ្មានការធ្វើសកម្មភាពច្រើន ដូច្នេះជីវជាតិ និងអុកស៊ីសែនដែលត្រូវទៅចិញ្ចឹមកន្លែងនោះក៏ត្រូវបានថយចុះដែរ។ 

ជក់បារី

ក្នុងផ្សែងបារីមានសារធាតុគីមី និងគ្រោះធ្នាក់ច្រើនណាស់សម្រាប់កោសិកាគ្រាប់ឈាម និងអាចបំផ្លាញសរសៃឈាមបានទៀតផង។ ហេតុដូច្នេះហើយ សន្លាក់អ្នកប្រហែលជាមិនមានការផ្គត់ផ្គង់អុកស៊ីសែន និងជីវជាតិដែលដឹកនាំដោយឈាមនោះបានគ្រប់គ្រាន់ឡើយ។ អ្នកជំនាញនិយាយទៀតថា ការជក់បារីអាចនឹងកាត់បន្ថយប្រសិទ្ធភាពរបស់ថ្នាំព្យាបាលជំងឺរលាកសន្លាក់ប្រភេទ Rheumatoid Arthritis ទៀតផង។ 

ស្រ្តេសគ្រប់ពេល

ការរលាកអាចបណ្តាលឲ្យសន្លាក់ទៅជាឈឺចាប់ និងហើមបាន ហើយស្រ្តេសក៏អាចជាផ្នែកមួយអុចដល់ការរលាកក្នុងខ្លួនបានដែរ។ ហេតុដូច្នេះហើយយកល្អគួរតែធ្វើយ៉ាងប្រើវិធីសាស្រ្តគ្រប់គ្រងស្រ្តេសឲ្យបានល្អបំផុតទៅបើសិនជាអ្នកមិនចង់ឈឺសន្លាក់ទេ។ ការហាត់ក្បាច់យូហ្គា ម៉ាស្សា ស្តាប់ចម្រៀង និងការគូគំនូរគឺជាសកម្មភាពបន្ថយស្រ្តេសយ៉ាងល្អ។ 

ការស្ពាយកាបូបធ្ងន់ៗពេក

ពិតណាស់ ការដែលមានយករបស់សំខាន់ៗតាមខ្លួនជាប់រហូតគឺជារឿងមួយល្អខ្លាំងណាស់។ ប៉ុន្តែកាបូបស្ពាយដែលមានឥវ៉ាន់ធ្ងន់ៗច្រើនមិនត្រឺមតែផ្តល់ផលអាក្រក់ដល់សន្លាក់ នៅកញ្ចឹកក និងស្មាទេ តែក៏ឈឺដល់ខ្នងទៀតផង។ 

មិនញ៉ាំអាហារសម្បូរជាតិកាលស្យូមនិងវីតាមីន D

ទាំងកាលស្យូម និងវីតាមីន D មានសារៈសំខាន់ណាស់សម្រាប់ឆ្អឹង និងសន្លាក់មានភាពរឹងមាំ និងសុខភាពល្អ។ ហេតុដូច្នេះហើយ សន្លាក់អ្នកអាចនឹងពិបាកវិញបើសិនជាអ្នកមិនព្រមញ៉ាំអាហារណាសម្បូរជីវជាតិទាំងពីរនេះ។ ឧទាហរណ៍ អាហារសម្បូរជាតិកាលស្យូមមាននៅក្នុងទឹកដោះគោ ត្រី សណ្តែកសៀង និងបន្លែពណ៌បៃតង។ ចំណែកឯផ្សិត ត្រីសម្បូរជាតិខ្លាញ់ ស៊ុត និងថ្លើមគោគឺសម្បូរជាតិវីតាមីន D។ 

បន្តឡើងទម្ងន់

ការដែលមានទម្ងន់ធាត់ជ្រុលគឺជារឿងពិបាកមួយសម្រាប់សន្លាក់ទ្រទម្ងន់តែម្តង ជាពិសេសសន្លាក់កែងជោះង ជង្គង់ ត្រគៀក និងចង្កេះ។ នរណាក៏ដឹងដែរថា​ ការធាត់ជ្រុលគឺជារឿងមួយដែលអាចផ្តល់ផលអាក្រក់ចំពោះសុខភាពទូទៅទាំងអស់តែម្តង។ ការជ្រើសរើសរបបអាហារត្រឹមត្រូវ និងការហាត់ប្រាណទៀងទាត់អាចជួយបំបាត់បញ្ហាឡើងទម្ងន់បាន។ 

គេងមិនបានស្រួលនៅពេលយប់

កាលពីចំណុចមុនខ្ញុំបាននិយាយរួចហើយថា ស្រ្តេសអាចប៉ះពាល់ដល់សន្លាក់ តែចាប់តាំងពីការគេងមិនបានគ្រប់គ្រាន់គឺជាផ្នែកមួយរបស់ស្រ្តេសមក ការគេងមិនបានសោះក៏អាចនាំឲ្យសន្លាក់មានបញ្ហាហើម និងឈឺចាប់បានដែរ។ (អាន:ថ្នាំងងុយគេង ពេលអ្នកគួរប្រើ)ដូច្នេះបើសិនជាអ្នកជួបបញ្ហាគេងមិនលក់ចាប់ពី មួយសប្តាហ៍ឡើងទៅហើយ វាគួរតែដល់ពេលពិគ្រោះជាមួយគ្រូពេទ្យដើម្បីស្វែងរកដំណោះស្រាយហើយ៕