បណ្តាអ្នកបើកបរមានការភ្ញាក់ផ្អើលយ៉ាងខ្លាំង នៅពេលពួកគេប្រទះឃើញគោសម្បុរត្នោត ខ្ចីមួយក្បាលនៅក្នុងឃ្លុបក្រោយ នៃរថយន្តគ្រួសារកាលពីពេលថ្មីៗនេះ។
ប៉ូលិសតំបន់សៅ វ៉េលស៍ (South Wales) បានបើកការស៊ើបអង្កេតជាបន្ទាន់ ក្រោយពីរថយន្ត Volkswagen Passat ពណ៌ខៀវខ្ចីដែលដឹកគោខាងលើត្រូវគេប្រទះឃើញនៅជិតប្រ៊ីតថុន ហ្វឺរី (Briton Ferry) តំបន់សៅ វ៉េលស៍។
អ្នកនាំពាក្យប៉ូលិសបាននិយាយថា សមត្ថកិច្ចបានបើកការស៊ើបអង្កេតលើករណីនេះហើយ ហើយកំពុងពិចារណាថា តើត្រូវចាត់វិធានការបែបណាទៅលើអ្នកបើកបរ។
អ្នកនាំពាក្យដដែលបានគូសបញ្ជាក់បន្ថែមទៀតថា “មធ្យោបាយដឹកជញ្ជូនសត្វកសិដ្ឋានធំបែបនេះ គឺជាទង្វើដែលមិនអាចទទួលយកបានជាដាច់ខាត”៕
ប្រភព៖ rasmeinews.com