ម្ទេសគឺជា បន្លែម្យ៉ាងដែលយើងសុទ្ធតែដឹងថាមានរសជាតិហឹរខ្លាំងដោយ អ្នកខ្លះគ្រាន់តែហូប មួយផ្លែ ហឹរទឹកភ្នែករលីងរលោង បាយលែងឆ្ងាញ់បាត់ទៅហើយ កុំថាឡើយដល់បួនដប់ផ្លែនោះ។
ទោះជាយ៉ាងណា សម្រាប់អ្នកដែលស្ម័គ្រចិត្តចូលរួមការប្រកួតហូបម្ទេសត្រឹមបួនដប់ផ្លែ ប្រាកដជាគ្មានបញ្ហាទេ ពីព្រោះពួកគេសុទ្ធតែជាជើងខ្លាំងខាងហូបម្ទេស។
មនុស្សជាច្រើនបានប្រមូលផ្តុំគ្នានៅខេត្តហ៊ូណាន ប្រទេសចិនភាគខាងត្បូងកាលពីរសៀលថ្ងៃសៅរ៍ ចុងសប្តាហ៍កន្លងទៅនេះ ដើម្បីចូលរួមការប្រកួតហូបម្ទេសប្រចាំឆ្នាំ។
បេក្ខជនដែលចូលរួមប្រកួតត្រូវចុះត្រាំក្នុងទឹក ដែលមានសុទ្ធតែម្ទេសក្តៅឆួល ៤០ អង្សាសេ។ ជាលទ្ធផលនៃការប្រកួត បុរសម្នាក់នៅមូលដ្ឋានឈ្មោះ ថាង សួយហួយ (Tang Shuaihui) បានហូបម្ទេសអស់ ៥០ ផ្លែក្នុងរយៈពេលមួយនាទី ហើយក៏បានឈ្នះការប្រកួតប្រចាំឆ្នាំនេះ ប៉ុន្តែទម្រាំតែឈ្នះ មិនដឹងជាក្រហល់ក្រហាយប៉ុណ្ណាទេ៕
ប្រភព៖ rasmeinews.com