បាឡុងយក្សពណ៌លឿងរូប កូនក្មេងខឹងឡាំប៉ា ដែលតំណាងឱ្យ រូបលោក ដូណាល់ ត្រាំ នឹងត្រូវគេ បង្ហោះជិតសភាអង់គ្លេស អំឡុងដំណើរ ទស្សនកិច្ចរយៈពេលបីថ្ងៃរបស់ប្រធានាធិបតី សហរដ្ឋអាមេរិករូបនេះទៅ កាន់ប្រទេសអង់គ្លេសនៅសប្តាហ៍ក្រោយ។
លោក សាឌីក ខាន់ (Sadiq Khan) ចៅហ្វាយក្រុងឡុងដ៍បានអនុញ្ញាតឱ្យក្រុមអ្នកតវ៉ាប្រឆាំង លោក ដូណាល់ ត្រាំ បង្ហោះបាឡុងមាន ឈ្មោះថា ”ទារក ត្រាំ” (Trump Baby) ដែលមានកម្ពស់៦ម៉ែត្រនេះ។
បាឡុងនេះនឹងត្រូវបង្ហោះពី លើសំណុចសួនច្បារទីលានសភា Parliament Square Gardens រយៈពេល២ ម៉ោង នៅព្រឹកថ្ងៃសុក្រទី១៣ ខែកក្កដា។
គេយល់ថា ការធ្វើបែបនេះអាចនឹងធ្វើ ឱ្យមានភាពតានតឹងកាន់តែខ្លាំងជុំវិញ ដំណើរទស្សនកិច្ចនេះ ព្រោះកន្លងមក លោកដូណាល់ ត្រាំ និងលោក សាឌីក ខាន់ ធ្លាប់បានប៉ះទង្គិចពាក្យសម្តីគ្នាម្តង ហើយម្តងទៀតទាក់ទាញបញ្ហាភេរវកម្ម និងសហគមន៍មូស្លីមនៅក្នុងទីក្រុងឡុងដ៍ ៕
ប្រភព៖ rasmeinews.com