តើអ្នកគួរតែចៀសវាងការញ៉ាំអាហារអ្វីខ្លះទៅក្រោយពីហាត់ប្រាណរួច? ការជ្រើសរើសអាហារទទួលទានឲ្យត្រឹមត្រូវក៏អាចជារឿងពិបាកដែរចំពោះរឿងនេះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះគឺជាអាហារមួយចំនួនដែលអ្នកគួរតែពិចារណាញ៉ាំ និងគួរញ៉ាំក្រោយពីហាត់ប្រាណរួច។
អាហារគួរចៀសវាង
អាហារសម្បូរខ្លាញ់
ចូរផ្អាកការញ៉ាំគ្រាប់ធញ្ញជាតិ ប្រេង អាហារឆាឬចៀន និងគ្រាប់សណ្តែកដីក្រោយពីហាត់ប្រាណរួច។ ខ្លាញ់គឺជាអាហារមួយប្រភេទដែលត្រូវការចំណាយពេលរំលាយយូរ ហើយវាក៏ពន្យាពេលការដឹកនាំជីវជាតិដែលសាច់ដុំត្រូវការច្រើនដែរ។
អាហារលឿន
បឺហ្គឺអាចជារបស់បន្ទាប់ដែលអ្នកត្រូវការញ៉ាំហើយក្រោយពីហាត់ប្រាណរួច ដើម្បីបំបាត់ភាពឃ្លានបានភ្លាមៗ ប៉ុន្តែអ្វីដែលអ្នកគួរធ្វើគឺចៀសឲ្យឆ្ងាយវិញ។ ខណៈពេលដែលអ្នកឃ្លានញ៉ាំរបស់ប្រៃៗក្រោយពីហាត់ប្រាណ ការជ្រើសរើសអាហារលឿននឹងមិនល្អសម្រាប់បំបាត់ភាពឃ្លានទេ។
ភេសជ្ជៈផ្លែឈើ និងហ្គាស
មែនហើយអ្នកនឹងស្រេកទឹកក្រោយពីហាត់ប្រាណរួច ប៉ុន្តែមិនខ្វល់អ្នកធ្វើយ៉ាងម៉េចឡើយ តែកុំជំនួសជាតិទឹកដែលបាត់បង់ជាមួយនឹងភេសជ្ជៈមានជាតផ្អែមអី រួមទាំងភេសជ្ជៈមានជាតិផ្អែមសម្រាប់អ្នកលេងក៏ឡាក៏ដោយ។ ការញ៉ាំភេសជ្ជៈបែបនេះអាចពិបាកដល់អ្នកដែលកំពុងតែចង់ស្រកទម្ងន់ ដោយសារតែវាបន្ថយឥទ្ធិពលនៃសង្វាក់រំលាយអាហារក្នុងខ្លួន។ យ៉ាងណាមិញ អ្នកអាចញ៉ាំភេសជ្ជៈកីឡាបាននៅពេលដែលហាត់ប្រាណបែកញើសខ្លាំង ដើម្បីជំនួសអេឡិចត្រូលីត្រដែលបាត់បង់។ ប៉ុន្តែដើម្បីបំបាត់ការស្រេកទឹក បង្គ្រប់ជាតិទឹក និងបង្គ្រប់អេឡិចត្រូលីត្រដែលបាត់បង់ យកល្អគួរតែញ៉ាំត្រឹមទឹកធម្មតា និងផ្លែចេកដែលសម្បូរជាតិប៉ូតាស្យូម។
សាច់ក្រហម
អ្នកជំនាញខាងកាយសម្ព័ន្ធ ច្រើនតែណែនាំ ឲ្យចៀសវាងសាច់ជាប់ខ្លាញ់។ ខ្លាញ់ប្រភេទនេះត្រូវបានគេចាត់ទុកថា Saturated Fat ដែលផ្ទុកទៅដោយមុខងារសង្វាក់រំលាយអាហារយឺត។ ម៉្យាងវិញទៀត វាត្រូវបានគេរកឃើញថា មិនអាចផ្តល់មុខងារល្អដល់សុខភាពឡើងក្រោយពីហាត់ប្រាណរួច។
អាហារហិរ
អាហារហិរតែងតែពិបាករំលាយ។ ក្រោយហាត់ប្រាណរួច រាងកាយត្រូវការរបស់ទាំងឡាយណាដែលងាយស្រួលរំលាយ ផ្អែមតិចតួច ប្រូតេអ៊ីនតិចតួច ដើម្បីបង្កើនជាតិស្ករក្នុងឈាមឡើងវិញ ព្រមទាំងថាមពលដែលបាត់បង់។
អាហារដែលគួរញ៉ាំក្រោយពីហាត់ប្រាណរួច
ផ្លែចេក
ភេសច្ជៈដែលមានជាតិស្ករច្រើនគឺមិនត្រូវបានណែនាំឲ្យញ៉ាំក្រោយហាត់ប្រាណរួចឡើយ តែបើសិនជាអ្នកចូលចិត្តផ្លែឈើ វាពិតជារឿងសំណាងមួយ ព្រោះអ្នកអាចញ៉ាំផ្លែចេកបានក្រោយពីហាត់ប្រាណរួច។ (អាន:ថ្នាំងងុយគេង ពេលអ្នកគួរប្រើ) ផ្លែចេកសម្បូរទៅដោយកាបូអ៊ីដ្រាត និងប៉ូតាស្យូម ដែលអាចជំនួសអ្វីដែលបានបាត់បង់ក្រោយហាត់ប្រាណរួចបាន។
អាមីដុង
អ្នកហាត់កាយសម្ព័ន្ធនិយាយថា យកល្អគួរតែញ៉ាំប្រូតេអ៊ីនមានជាមួយនឹងកាបូអ៊ីដ្រាតអាមីដុង ដូចជា ពោត បាយ ឬដំឡូង ព្រោះវាផ្ទុកទៅដោយសារធាតុ Maltodextrin ដែលជាកាបូអ៊ីដ្រាតកំផ្លេច នឹងត្រូវបានបឺតស្រូបចូលទៅក្នុងពោះវៀនដោយផ្ទាល់ ហើយក៏ជួយដល់រាងកាយរំលាយប្រូតេអ៊ីនកាន់តែលឿនផងដែរ៕