ថូផ្កាចិន មួយដែលបានរងការ ខូចខាតយ៉ាងខ្លាំង ដោយសារតែត្រូវគេ យកទៅដាក់ឈើច្រត់ នៅរានហាល ខាងក្រៅអស់រយៈពេលជាង៤០ឆ្នាំ លក់បានថ្លៃខ្ពស់រហូតដល់ទៅជាង ១៤៦.០០០ ដុល្លារអាមេរិក ស្ទើរមិន គួរឱ្យជឿនេះបើយោងតាមគេហទំព័រ ម៉េលអនឡាញចុះផ្សាយ កាលពីថ្ងៃទី៤ ខែកក្កដា។
ថូផ្កាបុរាណ ដែលមានកម្ពស់២៥,៦០សង់ទីម៉ែត្រនេះ បានបែកជ្រុះ បាត់បំណែកធំៗ មួយចំនួនពីមាត់គែម លើ និងមានស្នាមប្រេះជាច្រើនកន្លែង តាំងពីលើដល់ក្រោម។ ដោយសារតែ បែបនេះ អ្នកជំនាញវាយតម្លៃថា វាអាច លក់បានយ៉ាងច្រើនត្រឹមជិត ៣០០ដុល្លារអាមេរិក ប៉ុណ្ណោះ។
ប៉ុន្តែគ្មានអ្នកនឹកស្មានដល់ថា វាជាថូផ្កាដែលគេផលិតឡើងសម្រាប់ ស្វាយព្រះចៅអធិរាជចិន នៅដើម សតវត្សរ៍ទី១៩ ដើម្បីយកទៅដាក់តាំង នៅព្រះបរមរាជវាំងឡើយ។ អ្នកជំនាញ និយាយថា ថូផ្កានេះមានប្រថាប់ត្រាព្រះ ចៅអធិរាជ ជាឈីង (Emperor Jiaqing) ដែលមានព្រះនាមដើម យ៉ុនយ៉ាន (Yongyan)។
លោកយាយអាយុ ៨០ ប្លាយ ម្នាក់ដែលរស់នៅអែលទ្រីនឈែម (Altrincham) សង្កាត់ ហ្គ្រេតធ័រ មែន ឆេស្ទ័រ (Greater Manchester) ប្រទេស អង់គ្លេស ទទួលបានមរតកនេះកាលពី ប៉ុន្មានទសវត្សរ៍មុន ហើយគាត់ត្រូវ ការលក់វាព្រោះគាត់ត្រូវការប្រាក់ផ្លាស់ទៅរស់នៅមណ្ឌល ចាស់ជរា ៕
ប្រភព៖ rasmeinews.com