ក្នុងនាមជាឪពុកម្តាយច្រើនតែត្រៀមរឿងគ្រប់យ៉ាងដើម្បីការពារកូនតូចៗរបស់ខ្លួនពីជំងឺផ្តាសាយ ឬជំងឺផ្សេងៗទៀតនៅពេលពួកគេចូលសាលា ព្រោះវាជាពេលវេលាមួយដែលត្រូវមានទំនាក់ទំនងច្រើនជាមួយក្មេងដទៃជាមានជំងឺស្រាប់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែតើគួរធ្វើម៉េចដើម្បីកុំឲ្យកូនឈឺបាន?
ប្រព័ន្ធភាពស៊ាំរបស់ក្មេងគឺជារបស់មួយដែលអាចជួយការពារកូនអ្នកពីជំងឺជាច្រើនប្រភេទ ហើយថ្វីបើហ្សែនរបស់អ្នកអាចដើរតួនាទីជាផ្នែកមួយនៃសុខភាពទាំងមូលក៏ដោយ ក៏មានរឿងច្រើនទៀតដែលអាចធ្វើបានដើម្បីបង្កើនមុខងារប្រព័ន្ធភាពស៊ាំរបស់កូនកាន់តែខ្លាំងបានដែរដូចជា៖
ជំរុញដល់របបអាហារផ្តល់សុខភាព
ប្រព័ន្ធភាពស៊ាំកូនអាចចុះខ្សោយដោយសារតែរបបអាហារមិនត្រឹមត្រូវ។ បើសិនជាពួកគេជ្រើសរើសអាហារលឿន របស់ផ្អែម ឬអាហារកៃឆ្នៃច្រើន នោះឱកាសប្រព័ន្ធភាពស៊ាំចុះខ្សោយនឹងកាន់តែខ្លាំង។ ដូច្នេះយកល្អគួរតែចាប់ផ្តើមឲ្យកូនចូលចិត្តញ៉ាំអាហារដែលត្រឹមត្រូវតាំងពីក្មេងទៅដូចជា បន្លែពណ៌បៃតង ផ្លែឈើ គ្រាប់ធញ្ញជាតិ និងសាច់គ្មានខ្លាញ់។
បង្រៀនគេអំពីរបៀបលាងដៃដែលត្រឹមត្រូវ
ចូរបង្រៀនកូនឲ្យចេះពីរបៀបលាងដៃដែលត្រឹមត្រូវ និងស្អាតល្អផង ជាពិសេសការលាងសម្អាតដៃជាមួយសាប៊ូ និងទឹកក្រោយពីចេញពីបន្ទាប់ទឹក ឬប្រើទឹកអនាម័យសម្រាប់លាងដៃជានិច្ចគ្រប់ពេលពួកគេកណ្តាស ឬក្អក ដើម្បីកុំឲ្យចម្លងមេរោគទៅអ្នកផ្សេងបាន។
បន្ថយស្រ្តេស និងការថប់អារម្មណ៍
ភាពស្រ្តេសមិនមែនកើតឡើងតែលើមនុស្សធំទេ ក្មេងៗក៏មានស្រ្តេសដែរ។ ការងារសាលា និងសកម្មភាពនានាជាមួយក្មេងដទៃ ព្រមទាំងមជ្ឈដ្ឋានក្នុងផ្ទះអាចជាដើមហេតុនាំឲ្យស្រ្តេសកើនឡើងបាន។ អ្នកប្រហែលជាមិនដឹងថាកូនកំពុងតែស្រ្តេសទេ ហើយនេះហើយគឺជាហេតុនាំឲ្យប្រព័ន្ធភាពស៊ាំចុះខ្សោយបាន។ បើសិនជាអ្នកចង់ការពារកូនពីការឧស្សាហ៍ឈឺ អ្នកគួរតែធ្វើយ៉ាងណាកាត់បន្ថយភាពស្រ្តេស និងថប់អារម្មណ៍របស់គេឲ្យបានដូចជា នាំគេទៅលើសួនច្បាស និងធ្វើអ្វីៗជាគ្រួសារ។
ឲ្យតម្លៃការគេងជារឿងអតិភាព
ពិតណាស់ អ្នកតែងតែចង់ឲ្យកូនរៀនសូត្របន្ថែមទៀត ប៉ុន្តែបើសិនជារឿងនេះធ្វើឲ្យកូនមិនអាចគេងគ្រប់គ្រាន់ទែ មានន័យថាអ្នកកំពុងតែធ្វើឲ្យប្រព័ន្ធភាពស៊ាំគេចុះខ្សោយហើយ។ ក្មេងត្រូវការគេងរហូតដល់ ១០ម៉ោង ដោយគ្មានការរំខានអ្វីទាំងអស់ ដោយសារតែពួកគេកំពុងតែស្ថិតក្នុងដំណាក់កាលលូតលាស់ និងធំធាត់។ (អាន:ថ្នាំងងុយគេង ពេលអ្នកគួរប្រើ) បើសិនជាក្មេងពិបាកគេង អញនកគួរតែចាប់ផ្តើមទម្លាប់គេងមួយដែលអាចជួយបន្ធូរអារម្មណ៍គេងឲ្យល្អសិនមុនគេង។ ដូច្នេះកាលណាក្មេងគេងបានគ្រប់គ្រាន់ហើយ ប្រព័ន្ធភាពស៊ាំរបស់ពួកគេក៏ធ្វើការកាន់តែមានប្រសិទ្ធភាពល្អផងដែរ៕