គួរអាន! អាហារអ្វីខ្លះជួយរក្សានិងផ្ដល់សំណើមដល់ស្បែក?

ក្រៅពីទទួលទានទឹកយ៉ាងហោចណាស់ ២ លីត្រក្នុងមួយថ្ងៃហើយនោះ ការជ្រើសរើសអាហារបានត្រឹមត្រូវក៏ចាំបាច់ណាស់ដែរដើម្បីរក្សាសំណើមស្បែក។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារអ្វីខ្លះទៅដែលអ្នកគួរទទួលទានជាប្រចាំដើម្បីរក្សាសំណើមនៃស្បែក? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារទាំងនោះ ៖ 

១. គ្រាប់ធញ្ញជាតិ

ជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ ដែលប្រសើរសម្រាប់សុខភាពស្បែកជួយទប់ស្កាត់បញ្ហានៃភាពស្ងួត។ ដូច្នេះដើម្បីរក្សាជាតិសំណើមនៃស្បែក អ្វីដែលអ្នកត្រូវធ្វើ គឺគ្រាន់តែទទួលទានគ្រាប់ធញ្ញជាតិមួយក្ដាប់ដៃពេញក្នុងមួយថ្ងៃ។

២. ត្រីសម្បូរខ្លាញ់

ត្រីសម្បូរខ្លាញ់ក៏ជាប្រភពដ៏ល្អបំផុតមួយនៃអាស៊ីតខ្លាញ់អូមេហ្កា​​​ ៣ ដែលជួយរក្សានិងផ្ដល់សំណើមដល់ស្បែកគួរអោយកត់សម្គាល់។ ដូច្នេះចូរព្យាយាមទទួលទានអោយបានយ៉ាងហោចណាស់ពី ២ ទៅ
៣ ដងក្នុងមួយសប្តាហ៍។

៣. ប្រេងអូលីវ

នោះក៏ព្រោះតែប្រេងអូលីវជាប្រភពដ៏ប្រសើរនៃវីតាមីន E ដែលមានលក្ខណៈសម្បត្តិផ្ដល់សំណើមដល់ស្បែក។

៤. គ្រាប់ជី

គ្រាប់ជីក៏អាចផ្ដល់សំណើមដល់ស្បែកផងដែរតាមរយៈជាតិសសៃ អាស៊ីតខ្លាញ់អូមេហ្កា ៣ ប្រូតេអ៊ីន 
និងសារធាតុប្រឆាំងអុកស៊ីតកម្មដែលវាមានផ្ទុក។

៥. ផ្លែបឺរ

ផ្លែឈើនេះជាប្រភពដ៏ល្អបំផុតមួយនៃសារធាតុប្រឆាំងអុកស៊ីតកម្ម ជាតិខ្លាញ់សុខភាពល្អ និងវីតាមីន E ដែលមិនត្រឹមតែជួយរក្សា ប៉ុន្តែក៏ផ្ដល់សំណើមដល់ស្បែកដោយកាត់បន្ថយការរលាកទៀតផង។

៦. ឪឡឹក

ផ្លែឈើនេះមានផ្ទុកសម្បូរទៅដោយជាតិទឹក វីតាមីន A វីតាមីន B6 ក៏ដូចជាវីតាមីន C ដែលស្បែកត្រូវការចាំបាច់ដើម្បីរក្សាជាតិសំណើមគ្រប់គ្រាន់នៃស្បែក៕