ការសម្រាលកូនគឺជាភាពរីករាយមួយក្នុងជីវិត ហើយក៏ជាពេលវេលាតានតឹងបំផុតមួយក្នុងជីវិតរបស់មនុស្សស្រីដែរ។ រឿងមួយដែលអាចបន្ថែមទៅភាពតានតឹងក្នុងជីវិតប្រចាំថ្ងៃរបស់ស្រ្តីនោះគឺវត្តមានស្បែកយារតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដំណឹងល្អនោះគឺថា ស្បែកដែលយារគឺអាចត្រឡប់ទៅសភាពដើមវិញបាន។ ប៉ុន្តែអ្វីដែលជាដំណឹងអាក្រក់នោះគឺ វាអាចត្រូវការពេលច្រើនសប្តាហ៍ឬខែឯណោះទើបដូចដើមវិញ។ ប៉ុន្តែមានវិធីច្រើនដែលអាចជួយឲ្យស្បែកត្រឡប់ទៅសភាពដើមវិញលឿនដូចជា៖
សម្រកទម្ងន់យឺតៗ
វាអាចជារឿងមួយឃ្លានខ្លាំងហើយត្រូវញ៉ាំសិន ចាំហាត់ប្រាណថ្ងៃក្រោយវិញ។ ប៉ុន្តែវាមិនមែនជារឿងល្អឡើយដែលអ្នកធ្វើបែបនេះហើយចង់បានស្បែកត្រឡប់ពីយារមកធម្មតាវិញនោះ។ មិនខ្វល់ថាអ្នកទើបសម្រាលកូនរួចឬអត់ទេ ការស្រកទម្ងន់លឿនពេកមិនមែនជារឿងល្អឡើយ ព្រោះវាគ្រាន់តែធ្វើឲ្យស្បែកធូរ និងមានផ្នត់ៗច្រើនទៅវិញទេ។ យកល្អគួរតែសម្រកទម្ងន់ឲ្យបានតិចៗ ត្រឹម កន្លះទៅមួយកីឡូក្នុងមួយសប្តាហ៍អីបានហើយ។ ប៉ុន្តែត្រូវប្រាកដថា ហាត់ប្រាណបានយ៉ាងហោចណាស់ ២០នាទីក្នុងមួយដងបានហើយ។
បំបៅដោះកូន
គ្រប់គ្នាដឹងហើយថា ទឹកដោះម្តាយគឺជាជម្រើសដ៏ល្អបំផុតក្នុងការចិញ្ចឹមកូនដោយសារតែវាមានជីវជាតិសំខាន់ៗដែលទ្រទ្រង់ដល់ការលូតលាស់ និងធំធាត់របស់ទារកយ៉ាងល្អឥតខ្ចោះ។ វាក៏ជួយថែរក្សាប្រព័ន្ធភាពស៊ាំរបស់ទារកឲ្យនៅខ្លាំង ១០០ភាគរយផងដែរ។ ប្រយោជន៍មួយទៀតនៃការបំបៅដោះកូនសម្រាប់ស្រ្តីជាម្តាយ គឺវាអាចជួយរំលាយជាតិខ្លាញ់ក្នុងខ្លួនបានយ៉ាងល្អ ហើយក៏សម្រកទម្ងន់បានយ៉ាងមានសុខភាពទៀតផង ដូច្នេះអ្នកនឹងអាចត្រឡប់មករាងស្លីមវិញបានឆាប់រហ័សដែរ។
ញ៉ាំអាហារពង្រឹងដល់ស្បែកតឹងវិញជាទៀងទាត់
សព្វថ្ងឺនេះមានក្រែម និងឡូសិនច្រើនណាស់ដែលធានាថាអាចបំបាត់ស្បែកយារធ្លាក់ដោយសារតែហេតុផលគ្រប់យ៉ាងបាន។ ប៉ុន្តែផលិតផលទាំងនេះភាគច្រើនមិនមានប្រសិទ្ធភាពដូចការពពាយនាយឡើយ។ ដូច្នេះអ្វីដែលអ្នកគួរតែធ្វើគឺញ៉ាំអាហារដែលជួយបន្តឹងស្បែកវិញដូចជា ផ្លែឈើជូរៗ ម្ទេសប្លោក និងបន្លែដូចជា ស្ពៃក្តោប និងប្រូខូលី ព្រោះវាសម្បូរវីតាមីន C ដែលរាងកាយត្រូវការដើម្បីផលិតកូឡាជែន ដែលជំនួយដល់ភាពតឹងរបស់ស្បែកបាន។
ញ៉ាំទឹកឲ្យបានគ្រប់គ្រាន់រាល់ថ្ងៃ
មិនខ្វល់ថា អ្នកចង់ឲ្យស្បែកដែលយារត្រឡប់មកធម្មតាវិញដោយសារតែ ការមានផ្ទៃពោះ ឬចង់មានសុខភាពល្អទេ យកល្អគួរតែធ្វើយ៉ាងណាបង្គ្រប់ជាតិទឹកក្នុងខ្លួនឲ្យបានល្អតាមរយៈការញ៉ាំទឹកយ៉ាងហោចណាស់ពីរលីត្រក្នុងមួយថ្ងៃជារៀងរាល់ថ្ងៃ។ មានហេតុផលពីរយ៉ាងដែលបញ្ជាក់ថា ការញ៉ាំទឹកបានគ្រប់គ្រាន់អាចជួយពន្លឿនភាពតឹងរបស់ស្បែកឡើងវិញ។(អាន:ថ្នាំងងុយគេង ពេលអ្នកគួរប្រើ) ទី១ វាជួយបំប៉ោងស្បែក។ ទី២ ជំរុញដល់សង្វាក់នៃការរំលាយអាហារកាន់តែលឿន៕