ជំងឺមហារីកពោះវៀនធំជាបញ្ហាសុខភាពដ៏គួរឱ្យព្រួយបារម្ភបំផុតមួយដែលអាចឆក់យកអាយុជីវិតបានយ៉ាងងាយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណាជំងឺមហារីកមិនលូតលាស់ភ្លាមៗត្រឹមរយៈពេលតែមួយយប់នោះទេ ហើយមានវិធីបង្ការបែបសាមញ្ញច្រើនណាស់ដែលអ្នកគួរអនុវត្តដើម្បីកាត់បន្ថយហានិភ័យនៃជំងឺគ្រោះថ្នាក់នេះដោយគ្រាន់តែកែប្រែសកម្មភាពប្រចាំថ្ងៃដូចជាការទទួលទានអាហារនិងភេសជ្ជៈ ព្រមទាំងការធ្វើលំហាត់ប្រាណជាប្រចាំ។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារមួយចំនួនដែលអ្នកគួរទទួលទានដើម្បីទប់ស្កាត់ហានិភ័យនៃជំងឺមហារីកពោះវៀនធំ ៖

១. រមៀត

ជាប្រភពដ៏ប្រសើរនៃសារធាតុ curcumin ដែលមានលក្ខណៈសម្បត្តិប្រឆាំងការរលាក ហើយទប់ស្កាត់ការលូតលាស់កោសិកាមហារីកនៅក្នុងពោះវៀនធំ។

២. ប្រេងអូលីវ

ក៏មានលក្ខណៈសម្បត្តិប្រឆាំងការរលាកដែលជួយកាត់បន្ថយហានិភ័យនៃជំងឺមហារីកពោះវៀនធំបានយ៉ាងប្រសើរ។ ដូច្នេះកុំភ្លេចរួមបញ្ចូលប្រេងអូលីវក្នុងរបបអាហារប្រចាំថ្ងៃរបស់អ្នក។

៣. ប៉េងប៉ោះ

ជាប្រភពដ៏ល្អបំផុតមួយនៃសារធាតុ lycopene ដែលជាសារធាតុប្រឆាំងអុកស៊ីតកម្មជួយទប់ស្កាត់ហានិភ័យនៃជំងឺមហារីកពោះវៀនធំ។ ទោះជាយ៉ាងណាកុំភ្លេចចម្អិនប៉េងបោះសិនសឹមទទួលទាន។

៤. ខ្ទឹមស

ជាប្រភពដ៏ប្រសើរនៃស្ពាន់ធ័រ សារធាតុ arginine និងសេលេញ៉ូមដែលមានប្រសិទ្ធិភាពខ្ពស់ក្នុងការកាត់បន្ថយហានិភ័យនៃជំងឺមហារីក។ ដូច្នេះការទទួលទានខ្ទឹមសជាប្រចាំអាចជួយកាត់បន្ថយការវិវត្តនៃកោសិកាមហារីកផ្សេងៗនៅក្នុងរាងកាយ។

៥. បន្លែបៃតងនិងផ្លែឈើ

មានផ្ទុកសម្បូរទៅដោយជាតិសសៃដែលអាចកាត់បន្ថយហានិភ័យនៃជំងឺមហារីកពោះវៀនធំ។ ការទទួលទានបន្លែបៃតងនិងផ្លែឈើជួយកម្ចាត់សារធាតុពុលនិងកាកសំណល់ចេញពីពោះវៀនធំបានយ៉ាងប្រសើរ។

៦. សណ្ដែក

នោះក៏ព្រោះតែសណ្ដែកជាប្រភពដ៏ប្រសើរនៃជាតិសសៃដែលល្អសម្រាប់សុខភាពពោះវៀនជួយទប់ស្កាត់ហានិភ័យនៃជំងឺមហារីកពោះវៀនគួរអោយកត់សម្គាល់។ លើសពីនេះទៅទៀតសណ្ដែកមានផ្ទុកសារធាតុ folate ដែលជួយជួសជុល DNA មិនប្រក្រតីក្នុងពោះវៀនធំមុនពេលវាបង្កជាជំងឺមហារីក៕