ភាពយារធ្លាក់របស់សុដន់គឺជាបញ្ហាមួយដែលស្រ្តីអាចនឹងត្រូវដោះស្រាយក្រោយពីសម្រាលកូនរួច ធាត់ និងអាយុកាន់តែច្រើន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ការពាក់អាវទ្រនាប់ដើម្បីទ្រទ្រង់ភាពយារអាចជួយកុំឲ្យវាធ្លាក់ខ្លាំងពេកបាន ប៉ុន្តែការពាក់អាវទ្រនាប់នៅពេលគេងប្រហែលជាមិនមែនជារឿងសំខាន់ឡើយ។
មានពេលច្រើនណាស់ដែលក្មេងស្រីត្រូវការការទ្រទ្រង់បន្ថែមដើម្បីរក្សាសុដន់របស់ពួកគេមានសភាពធម្មតា។ ហើយការពាក់អាវទ្រនាប់នៅពេលហាត់ប្រាណក៏ជារឿងដែលគួរធ្វើដែរ។ ចុះពេលគេងតើគួរពាក់ដែរទេ? តើការពាក់អាវទ្រនាប់ពេលគេងអាចជួយបង្ការការយារធ្លាក់ដែរទេ?
មុននឹងឆ្លើយសំណួរមួយនេះ យកល្អគួរតែដឹងថា ហេតុអ្វីបានជាសុដន់ចាប់ផ្តើមយារធ្លាក់។ ក្នុងចំណោមមូលហេតុជាច្រើន ភាពចាស់របស់អាយុក៏ជាផ្នែកមួយនៃភាពយារធ្លាក់នេះដែរ ដោយសារតែសាច់ដុំសម្រាប់ទ្រទ្រង់សុដន់ចុះខ្សោយ។ ហេតុផលមួយផ្សេងទៀតគឺការមានផ្ទៃពោះតែម្តង។ នេះដោយសារតែពេលសម្រាលកូនរួច សុដន់នឹងហើម ហើយមានទឹកដោះច្រើន ទើបធ្វើឲ្យវាងាយនឹងយារធ្លាក់បែបនេះ។
វាមិនមានអំណះអំណាងតាមបែបវិទ្យាសាស្រ្តណាមួយគ្រប់គ្រាន់នៅឡើយទេដែលនិយាយថា ការពាក់អាវទ្រនាប់ពេលគេងអាចជួយបង្ការភាពយារធ្លាក់របស់សុដន់។ ប៉ុន្តែមានការយល់ឃើញមួយថា ការពាក់អាវទ្រនាប់ពេលគេងអាចជួយកាត់បន្ថយទំនាញរបស់ផែនដី ហើយក៏ជួយទ្រទ្រង់ស្បែករបស់សុដន់បានយ៉ាងល្អដែរ។ ដូច្នេះវាក៏អាចបង្ការភាពយារធ្លាក់បានដែរ។
សម្រាប់ស្រ្តីដែលមានសុដន់ធំៗវិញប្រហែលជាពិបាកក្នុងការពាក់អាវទ្រនាប់ពេលគេង ហើយក៏ធ្វើឲ្យពួកគេពិបាកគេងផងដែរ។ គេនិយាយថា ការពាក់អាវទ្រនាប់ទ្រទ្រង់សុដន់អាចជួយបង្ការភាពយឺតរបស់ស្បែក និងកុំឲ្យមានស្នាមយឺតនៅពេលគេង ហើយសុដន់ក៏មិនធ្លាក់ខ្លាំងដែរ។ ប៉ុន្តែរឿងនេះត្រូវតែមានការស្រាវជ្រាវបន្ថែមសិនទើបអាចយកជាការបាន។
បើសិនជាអ្នកពាក់អាវទ្រនាប់គេង យកល្អគួរតែជ្រើសរើសអាវណាដែលត្រូវនឹងសុដន់ខ្លួនផង។ (អាន:ថ្នាំងងុយគេង ពេលអ្នកគួរប្រើ) សម្រាប់អាវទ្រនាប់ដែលមានខ្សោយមួយ ឬគ្រាន់តែរុញសុដន់ឡើងទេ គឺមិនល្អក្នុងការប្រើប្រាស់ឡើយ ព្រោះវាអាចបណ្តាលឲ្យស្ទះរបត់ឈាម គេងមិនស្រួល ហើយបែកញើសថែមទៀត។ ចូរជ្រើសរើសអាវណាដែលពាក់ទៅទន់ល្អ និងផ្តល់ផាសុកភាព៕