Join with Health.com.kh on Telegram

មានហេតុផលខុសៗគ្នាច្រើនណាស់ដែលបណ្តាលឲ្យលិង្គមនុស្សប្រុសមិនព្រមឡើងរឹង។ ពេលខ្លះវាក៏អាចបណ្តាលមកពីបញ្ហាធម្មតាៗដែរដូចជា ស្រ្តេសផ្លូវចិត្ត ឬបញ្ហាទំនាក់ទំនង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ក្រៅពីនេះ ការជក់បារី ញ៉ាំគ្រឿងស្រវឹងច្រើន និងប្រើថ្នាំព្យាបាលជំងឺក៏អញ្ជឹងដែរ។ អ្នកជំនាញនិយាយថា អ្នកដែលមានបញ្ហាងាប់លិង្គរហូតដល់ ៧០ភាគរយឯណោះដែលបង្កឡើងដោយជំងឺដូចជា ជំងឺទឹកនោមផ្អែម ក្រិនរឹងសរសៃឈាម បញ្ហាតម្រងនោម ជំងឺសរសៃឈាម ឬបញ្ហាសរសៃប្រសាទ។ 

សំណាងដែរ យើងមានដំណោះស្រាយបែបធម្មជាតិមួយចំនួនដែលអាចជួយដោះស្រាយរឹងនេះបាន។

បន្ធូរអារម្មណ៍

ភាពស្រ្តេសគឺជារឿងមួយដែលអាចធ្វើឲ្យមនុស្សប្រុសមិនអាចបញ្ជាលិង្គឡើងរឹងបានឡើយ។ ពេលខ្លះ វាក៏បណ្តាលឲ្យអស់ចំណង់ផ្លូវភេទដែរ។ ចូរជ្រើសរើសការបន្ធូរអារម្មណ៍ណាមួយដែលអ្នកពេញចិត្តដូចជា ការហាត់ក្បាច់យូហ្គា ស្តាប់ចម្រៀង ឬម៉ាស្សា។ 

ហាត់ប្រាណទៀងទាត់

ការហាត់ប្រាណពីកម្រិតតិចតួចទៅមធ្យមជាទៀងទាត់នឹងជួយបំបាត់ភាពស្រ្តេស ដែលអាចពង្រឹងដល់របត់ឈាមរត់ទៅចន្លោះជើងដែរ។ ការដើរ រត់យឺតៗ ហែលទឹក ជិះកង់ ឬលែងបាល សុទ្ធតែមានផលល្អទាំងអស់សម្រាប់ការឡើងរឹងរបស់លិង្គតែម្តង។ 

គេងគ្រប់គ្រាន់

ការគេងមិនបានគ្រប់គ្រាន់គឺជារឿងដ៏អាក្រក់មួយសម្រាប់សុខភាព និងជីវិតផ្លូវភេទ។ បើសិនជាអ្នកចង់ដោះស្រាយបញ្ហាលិង្គមិនឡើងរឹងនោះ ចូរធ្វើយ៉ាងណាគេងឲ្យបានទៀងទាត់ និងចំណាយពេលវេលាគេងឲ្យបានគ្រប់គ្រាន់រហូតប្រហែលពី ៧ ទៅ៩ម៉ោងក្នុងមួយយប់។ 

ដោះស្រាយបញ្ហាទំនាក់ទំនងស្នេហា

យកល្អគួរតែពិភាក្សាបញ្ហាផ្សេងៗជាមួយដៃគូ ឬប្តីប្រពន្ធ ដើម្បីបំបាត់ភាពតានតឹងផ្សេងៗរបស់អ្នកទៅព្រោះវាកំពុងតែប៉ះពាល់ដល់ជីវិតផ្លូវភេទអ្នកហើយ។ អ្នកមិនអាចនឹងរួមភេទឡើយបើសិនជាអ្នកគ្មានអារម្មណ៍សោះនោះ។ 

ឈប់ជក់បារី

វាគឺជារឿងពិតមួយដែលថា ការញ៉ាំគ្រឿងស្រវឹងប្រហែលជាជំរុញចំណង់ផ្លូវភេទបាន ប៉ុន្តែវាក៏បង្ការមិនឲ្យលិង្គឡើងរឹងដែរ។ បើសិនជាអ្នកកំពុងតែមានសកម្មភាពនេះហើយ ចូរកាត់បន្ថយសិនទៅ។ 

ជួយខ្លួនឯង

ក្រៅពីសប្បាយជាមួយប្រពន្ធ ឬដៃគូហើយ យកល្អអ្នកគួរតែផ្តល់ពេលវេលាសប្បាយចិត្តដល់ខ្លួនឯងផង។ រឿងនេះចង់មានន័យថា អ្នកគួរតែចេះនូវវិធីជួយខ្លួនឯងដោយប្រើដៃខ្លះផង។ នៅពេលអ្នកដឹងពីរបៀបជួយខ្លួនឯងហើយ វាក៏ដល់ពេលចែករំលែករឿងនេះជាមួយដៃគូរនៅលើគ្រែម្តងដែរ។ 

សម្រកទម្ងន់

យកល្អ សម្រាប់អ្នកមានបញ្ហាលិង្គមិនព្រមឡើងរឹងគួរតែថែរក្សាទម្ងន់រាងកាយឲ្យបានល្អសិន។ ភាពធាត់ជ្រុលមិនត្រឹមតែបង្កើនការប្រឈមនឹងជំងឺបេះដូង មហារីក និងទឹកនោមផ្អែមឡើយ តែក៏នាំឲ្យលិង្គមិនព្រមឡើងរឹងដែរ។ (អាន:ថ្នាំងងុយគេង ពេលអ្នកគួរប្រើ) ក្រៅពីនេះ ការដែលរក្សារាងបានស្លីមល្អនឹងជួយផ្តល់ជាទំនុកចិត្តលើខ្លួនឯង និងជំរុញដល់ចំណង់ផ្លូវភេទបានទៀតផង៕