អត្ថប្រយោជន៍នៃការញ៉ាំផ្លែជម្ពូរដែលអ្នកមិនធ្លាប់ដឹង

លែជម្ពូរគឺមានលក្ខណៈដូចជាផ្លែប៉ោមដែរ ព្រោះវាអាចញ៉ាំទាំងឆៅ និងអាចប្រើសម្រាប់បង្កើតជាបង្អែមផ្សេងៗទៀតផង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថ្វីបើមិនមានការសិក្សាស្រាវជ្រាវច្រើនទៅលើផ្លែជម្ពូរថាមានប្រយោជន៍អាចប្រើជាឱសថច្រើនក៏ដោយ ក៏វាមានអត្ថប្រយោជន៍ចំពោះសុខភាពមួយចំនួនតូចដែរ។ 

គ្រប់គ្រងជំងឺទឹកនោមផ្អែម

ផ្លែជម្ពូរមានសមត្ថភាពជា Alkaloid ដែលមានឥទ្ធិពលក្នុងការសម្រួលដល់ការបំលែងជាតិអាមីដុងទៅជាស្ករ។ តាមពិត គ្រាន់តែផ្លែជម្ពូរមួយមុខក៏អាចមានប្រយោជន៍ក្នុងការព្យាបាល និងបង្ការជំងឺទឹកនោមផ្អែមប្រភេទទី២ហើយ។ 

ការរំលាយអាហារ

ផ្លែជម្ពូរត្រូវបានគេស្គាល់ថាមានជាតិសរសៃខ្ពស់ដែលល្អបំផុតក្នុងការគ្រប់គ្រងការធ្វើដំណើររបស់ចំណីអាហារក្នុងផ្លូវរំលាយអាហារ។ អាហារសម្បូរជាតិសរសៃនឹងជួយដោះស្រាយបញ្ហាផ្លូវរំលាយអាហារបានដូចជា ទល់លាមក និងផោមច្រើន។ ក្រៅពីនេះ គ្រាប់ផ្លែជម្ពូរត្រូវបានគេរកឃើញថាអាចជួយបង្ការជំងឺរាកមួលបានទៀតផង។ 

បង្ការជំងឺមហារីក

សារធាតុដ៏សកម្មជាច្រើនក្នុងផ្លែជម្ពូរមានលក្ខណៈល្អបំផុតក្នុងការបង្ការការលូតលាស់របស់ជំងឺមហារីក។ នៅពេលមានការផ្សំគ្នារវាងវីតាមីន C និង A ដែលមានក្នុងផ្លែជម្ពូរនោះ វាពិតជាអាចបង្ការការលូតលាស់ជំងឺមហារីកសុដន់ និងក្រពេញប្រូស្តាត។

ច្រោះជាតិពុលពីក្នុងថ្លើមនិងតម្រងនោម

បើសិនជាអ្នកចង់ច្រោះជាតិពុលពីក្នុងថ្លើម និងតម្រងនោម អ្នកគួរតែប្រើប្រាស់ផ្លែជម្ពូរហើយ។ វាគឺជាសារធាតុច្រោះជាតិទឹកនោមដ៏ល្អមួយដែលត្រូវបានកេប្រើប្រាស់សម្រាប់ច្រោះជាតិពុលតែម្តង។ វាក៏ជួយបង្កើនសកម្មភាពនៃការរំលាយអាហារ និងពង្រឹងដល់សុខភាពទូទៅ និងមុខងារសំខាន់ៗរបស់សរីរាង្គក្នុងខ្លួនទៀតផង។ 

គ្រប់គ្រងកូឡេស្តេរ៉ុល

ផ្លែជម្ពូរសម្បូរជាតិសរសៃណាស់ដូច្នេះវាពិតជាអាចជួយបញ្ចុះកូឡេស្តេរ៉ុលអាក្រក់ៗពីក្នុងឈាមបានយ៉ាងល្អ។ (អាន:ថ្នាំងងុយគេង ពេលអ្នកគួរប្រើ) កាលណាកូឡេស្តេរ៉ុលក្នុងឈាមធម្មតាហើយ វានឹងកាត់បន្ថយការប្រឈមនឹងជំងឺបេះដូងសរសៃឈាមបានដូចជា ជំងឺគាំងបេះដូង ក្រិនរឹងសរសៃឈាម និងជំងឺសរសៃឈាមបេះដូង៕