Join with Health.com.kh on Telegram

បើសិនជាអ្នកកំពុងតែព្យាយាមសម្រកទម្ងន់ អ្នកពិតជាសម្រេចចិត្តចង់ហាត់ប្រាណ និងជ្រើសរើសអាហារណាកុំឲ្យញ៉ាំទៅឡើងទម្ងន់ហើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែខាងក្រោមនេះ ខ្ញុំមានគន្លឹះសម្រកទម្ងន់ពិសេសៗមួយចំនួនតូចដែលអាចជួយអ្នកទទួលបានជោគជ័យបាន៖

ញ៉ាំអាហារពេលព្រឹកណាដែលមានប្រូតេអ៊ីនខ្ពស់

បើសិនជាអ្នកកំពុងតែជ្រើសរើសញ៉ាំអាហារពេលព្រឹកដែលផ្តល់សុខភាពហើយ នោះគឺជារឿងត្រឹមត្រូវ ប៉ុន្តែចូប្រាកដថា អាហារពេលព្រឹករបស់អ្នកពោរពេញទៅដោយប្រូតេអ៊ីនត្រឹមត្រូវផង។ រាងកាយមនុស្សយើងត្រូវការពេលច្រើនក្នុងការរំលាយម៉ាក្រូជីវជាតិជាងខ្លាញ់ ឬកាបូអ៊ីដ្រាត ដូច្នេះអាហារមានជាតិប្រូតេអ៊ីនខ្ពស់អាចជួយឲ្យអ្នកឆ្អែតបានច្រើនម៉ោង ហើយវាក៏គ្រប់គ្រងការឃ្លានអាហារ និងរក្សាតុល្យភាពជាតិស្ករក្នុងឈាមបានដែរ។ សម្រាប់អ្នកដែលចង់បានឡើងសាច់ដុំ ជូរញ៉ាំប្រូតេអ៊ីនសុទ្ធពី ២៥ ទៅ ៣០ក្រាមជាអាហារពេលព្រឹក តាមរយៈយ៉ាអួរក្រិច ស៊ុត និងសាច់មាន់។

ញ៉ាំទឹកឲ្យបានច្រើន

ការចាប់ផ្តើមថ្ងៃថ្មីជាមួយនឹងការញ៉ាំទឹក ១ ទៅ២លីត្រ គឺជាវិធីសាស្រ្តដ៏សាមញ្ញមួយដើម្បីជំរុញដល់ការសម្រកទម្ងន់។ ទឹកអាចជួយបង្កើនថាមពលក្នុងខ្លួន ឬរំលាយជាតិខ្លាញ់ក្នុងខ្លួន យ៉ាងហោចណាស់ ៦០នាទី។ ការសិក្សាភាគច្រើននិយាយថា ការញ៉ាំទឹកមួយទៅពីរលីត្រជារៀងរាល់ថ្ងៃអាចជួយសម្រកទម្ងន់បានផង និងបង្គ្រប់ជាតិទឹកក្នុងខ្លួនបានយ៉ាងល្អផង។ 

ប៉ះពាល់នឹងពន្លឺព្រះអាទិត្យខ្លះ

នៅពេលរៀបគម្រោងសម្រកទម្ងន់សម្រាប់ទម្លាប់ពេលព្រឹក រឿងដំបូងគេដែលគួរធ្វើគឺប៉ះពាល់នឹងពន្លឺព្រះអាទិត្យ។ ការសិក្សាមួយបានឲ្យដឹងថា អ្នកដែលប៉ះពាល់នឹងពន្លឺព្រះអាទិត្យចាំងខ្លាំងនៅពេលព្រឹកក្នុងកម្រិតមធ្យម ឃើញថាអាចបន្ថយចំនួនសន្ទស្សន៍ទម្ងន់ធៀបនឹងកម្ពស់ (BMI) ជាងអ្នកដែលប៉ះពាល់ពន្លឺនេះនៅពេលល្ងាច។ ការដែលមិនសូវប៉ះពាល់នឹងពន្លឺព្រះអាទិត្យ អាចនាំឲ្យប្រែប្រួលដល់សង្វាក់នៃការរំលាយអាហារ ហើយក៏ជំរុញដល់ការធាត់វិញដែរ។ 

តាំងសមាធិ

រឿងនេះមិនចាំបាច់អង្គុយដូចអ្នកសុំសិល្ប៍ ឬលោកសង្ឃឡើយ។ ការដែលអង្គុយស្មឹងស្មាតផ្តោតអារម្មណ៍ទៅលើការដកដង្ហើមរយៈពេលពីរបីនាទីនៅពេលព្រឹកក៏អាចជួយបង្កើនភាពស្ងប់ស្ងាត់ក្នុងអារម្មណ៍ ហើយវាក៏នាំឲ្យកើតចេញជាជម្រើសញ៉ាំអាហារដ៏ឆ្លាតវៃបានដែរ។ ហើយកាលណាមនុស្សយើងមានភាពស្ងប់ស្ងាត់ខាងផ្លូវអារម្មណ៍កាន់តែច្រើន កាន់តែមិនងាយធាត់ឡើយ។ 

ហាត់ប្រាណទៀងទាត់

តាមការស្រាវជ្រាវបានឲ្យដឹងថា ការហាត់ប្រាណនៅពេលព្រឹកអាចជួយសម្រកទម្ងន់បាន។ ការហាត់ប្រាណនៅពេលព្រឹកហាក់បីដូចជា មានឥទ្ធិពលស្រកទម្ងន់ជាប់យូរជាងការហាត់ប្រាណនៅពេលល្ងាច ជាពិសេសអាចជួយគ្រប់គ្រងការញ៉ាំអាហារបានល្អជាងទៀតផង។ 

គេងឲ្យបានច្រើន

ការចូលគេងលឿនបន្តិច ឬការដាក់ម៉ោងរោទ៍យូរជាងធម្មតាបន្តិចប្រហែលជាជួយបង្កើនដល់ការស្រកទម្ងន់បាន។ ការសិក្សាជាច្រើនបានឲ្យដឹងថា ការគេងមិនគ្រប់គ្រាន់ប្រហែលជាជាប់ទាក់ទងនឹងការកើនឡើងចំណង់អាហារបាន។ ដូច្នេះដើម្បីបង្កើនលទ្ធផលនៃការស្រកទម្ងន់កាន់តែបានសម្រេច ចូរធ្វើយ៉ាងណាគេងឲ្យបាន ៨ម៉ោងជារៀងរាល់យប់។ 

ថ្លឹងទម្ងន់ជាទៀងទាត់

អ្នកតមអាហារដែលថ្លឹងទម្ងន់ខ្លួនឯងជាទៀងទាត់ ឃើញថាអាចស្រកទម្ងន់រាងកាយបានច្រើនជាងអ្នកដែលមិនសូវថ្លឹង។ (អាន:ថ្នាំងងុយគេង ពេលអ្នកគួរប្រើ)ពេលវេលាដ៏ល្អបំផុតក្នុងការឡើងជញ្ជីងថ្លឹងនោះគឺ ភ្ញាក់ពីគេងភ្លាមៗ និងពេលដែលអ្នកត្រូវទៅបន្ទប់ទឹក ជារៀងរាល់ព្រឹក ទើបទទួលបានលទ្ធផលសុក្រិត៕