ប្រព័ន្ធភាពស៊ាំដែលខ្លាំងមានន័យថា វាអាចជួយបង្ការជំងឺបានច្រើនប្រភេទ។ ប្រព័ន្ធភាពស៊ាំដែលកាន់តែខ្លាំងមានន័យថា វានឹងជួយរាងកាយប្រឆាំងនឹងជំងឺទាំងឡាយដែលឆ្លងចូលក្នុងខ្លួន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខណៈពេលដែលមានកត្តាច្រើនដែលអាចប៉ះពាល់ដល់ប្រព័ន្ធមួយនេះ តែក៏អាចមានវិធីច្រើនទៀតអាចជួយបង្កើនមុខងារប្រព័ន្ធភាពស៊ាំឲ្យកាន់តែខ្លាំងថែមទៀតដែរ។ រឿងដែលសំខាន់បំផុតនោះ បើសិនជាអ្នកដឹងថា ខ្លួនឯងឧស្សាហ៍ឈឺមែននោះ គួរតែធ្វើយ៉ាងណាឲ្យប្រព័ន្ធភាពស៊ាំរឹងមាំរហូតផងទៅ។  ខាងក្រោមនេះខ្ញុំសូមណែនាំនូវអាហារបង្កើនមុខងារប្រព័ន្ធភាពស៊ាំបែបធម្មជាតិមួយចំនួនដែលអ្នកអាចរកបាន៖

ម្សៅសម្បកឈើអ៊ែម

សម្បកឈើអ៊ែមគឺជាគ្រឿងផ្សំធ្វើម្ហូបដ៏អស្ចារ្យមួយប្រភេទក្នុងការបន្ថែមរសជាតិដល់អាហារ ប៉ុន្តែវាក៏មានប្រយោជន៍ចំពោះសុខភាពច្រើនដែរ ជាពិសេសអាចជួយគ្រប់គ្រងជំងឺគីសច្រើនគ្រាប់ក្នុងក្រពេញអូវ៉ែ ជំងឺទឹកនោមផ្អែម សុខភាពបេះដូង និងការបង្ករោគ។ ក្រៅពីនេះវាអាចជួយសម្រកទម្ងន់ថែមទៀត។ ការបន្ថែមម្សៅសម្បកឈើអ៊ែមក្នុងរបបអាហារអាចពង្រឹងដល់មុខងារប្រព័ន្ធភាពស៊ាំបានយ៉ាងល្អ។ 

ផ្លែឈើជូរៗ

មានអ្នកជំងឺផ្តាសាយជាច្រើនតែងតែជ្រើសរើសវីតាមីន C ទទួលទាន ដោយសារតែវាអាចជួយបង្កើនមុខងារប្រព័ន្ធភាពស៊ាំ។ វីតាមីនមួយនេះត្រូវបានគេដឹងថា អាចបង្កើនចំនួនកោសិកាគ្រាប់ឈាមសបាន ដែលជាផ្នែកមួយនៃប្រព័ន្ធភាពស៊ាំដែរ។ ផ្លែឈើជូរៗដែលគេទទួលទានភាគច្រើនមានដូចជា ក្រូច ស្វាយ ឬម្កាកជាដើម។ 

ខ្ទឹមស

ខ្ទឹមប្រភេទនេះងាយស្រួលរកខ្លាំងណាស់ ជាពិសេសតាមផ្ទះបាយរបស់យើងតែម្តង ដោយសារតែវាជាគ្រឿងផ្សំធ្វើម្ហូបដែលស្ទើរតែមិនអាចខ្វះបានតែម្តង។ យ៉ាងណាមិញ តម្លៃរបស់វាមានច្រើនជាងគ្រឿងផ្សំធ្វើម្ហូបទៅទៀត គឺអាចប្រឆាំងនឹងការបង្ករោគបាន។ សមាសធាតុជួយបង្កើនមុខងារប្រព័ន្ធភាពស៊ាំរបស់ខ្ទឹមស កើតចេញពីកំហាប់យ៉ាងខ្ពស់នៃសារធាតុ Sulfur ឬហៅថា Allicin តែម្តង។ 

ខ្ញី

ខ្ញីគឺជាគ្រឿងផ្សំធ្វើម្ហូបមួយដែលមនុស្សជាច្រើនតែងតែញ៉ាំក្រោយពីដឹងថាខ្លួនមានជំងឺហើយ។ ខ្ញីក៏អាចបន្ថយការរលាក ដើម្បីបន្ថយការឈឺបំពង់ក និងជំងឺដោយសារតែរលាកផ្សេងៗទៀតដែរ។ យ៉ាងណាមិញ ខ្ញីផ្ទុកទៅដោយសារធាតុ ផ្តល់កម្តៅដល់រាងកាយ ឬហៅថា Gingerol។ ខ្ញីប្រហែលជាអាចបន្ថយការឈឺចាប់រ៉ាំរ៉ៃ និងបញ្ចុះកូឡេស្តេរ៉ុលបានថែមទៀតផង។ 

តែបៃតង

តែបៃតង និងខ្មៅសុទ្ធតែផ្ទុកទៅដោយសារធាតុ Flavonoids ដែលជាអង់ទីអុកស៊ីដង់ ខណៈពេលដែលតែបៃតងមានសារធាតុ Epigallocatechin Gallate (EGCG) ដែលជាអង់ទីអុកស៊ីដង់ខ្លាំងក្លាមួយផ្សេងទៀត។ សារធាតុមួយនេះត្រូវបានគេរកឃើញថា ជំរុញដល់មុខងារប្រព័ន្ធភាពស៊ាំ ហើយក៏ប្រឆាំងដល់ការបង្ករោគក្នុងខ្លួនផងដែរ។ 

ស្ពៃស្ពីណាច

បន្លែពណ៌បៃតងចាស់មួយនេះផ្ទុកទៅដោយសារធាតុ ស័ង្គសីដែលជួយបង្ការជំងឺផ្តាសាយបាន។ ស្ពៃនេះក៏សម្បូរវីតាមីន A ក្នុងការជំរុញដល់មុខងារប្រព័ន្ធភាពស៊ាំថែមទៀត។ (អាន:ថ្នាំងងុយគេង ពេលអ្នកគួរប្រើ)ការសិក្សាមយយដែលចុះផ្សាយក្នុងសារព័ត៌មាន Nature បានឲ្យដឹងថា ការញ៉ាំវីតាមីន A ពេលមានផ្ទៃពោះនឹងជួយបង្កើនមុខងារប្រព័ន្ធភាពស៊ាំរបស់ទារកក្នុងផ្ទៃបានមួយជីវិតតែម្តង៕