សព្វថ្ងៃនេះ មនុស្សយើងគ្រប់គ្នាមិនខ្វល់ថាអាយុប៉ុន្មាន ភេទអី សញ្ជាតិអី និងមានឬក្រទេ សុទ្ធតែអាចកើតជំងឺមហារីកបានទាំអអស់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជំងឺមួយនេះក៏ធ្វើឲ្យមនុស្សស្លាប់ច្រើនជាងគេណាស់ដែរនៅលើពិភពលោកយើងនេះ ជាពិសេសប្រភេទដែលកំពុងអភិវឌ្ឈន៍តែម្តង។
ថ្វីបើវាជាការពិតមែននោះ តែក៏មានការស្លាប់ជាច្រើនដែលទាក់ទងនឹងមហារីកអាចបង្ការបានដែរ។ អ្នកជំនាញនិយាយថា មានជំងឺមហារីករហូតដល់ ៣០ភាគរយអាចកាត់បន្ថយបានច្រើនបំផុតតាមរយៈការរស់នៅប្រកបដោយសុខភាព និងការចាក់វ៉ាក់សាំងប្រឆាំងនឹងការបង្ករោគតែម្តង។ មានជំងឺមហារីកច្រើនណាស់ដែលអាចព្យាបាលជាបើសិនជារកឃើញទាន់ពេលវេលា។
មានរឿងមួយចំនួនដែលអញនកប្រហែលជាត្រូវពិចារណាដែរបើសិនជាចង់កាត់បន្ថយឱកាសកើតជំងឺមហារីក។
ចៀសវាងការជក់បារី
ការជក់បារីមានទំនាក់ទំនងខ្លាំងមួយនឹងជំងឺមហារីកជាច្រើន ហើយក៏វាមិនមែនកើតឡើងតែលើសួតដែរ។ ការប៉ះពាល់នឹងផ្សែងបារី ឬស្រូបផ្សែងបារីពីគេក៏ប្រឈមនឹងមហារីកដែរ។ បើសិនជាអ្នកមិនជក់បារីទេ ចូរព្យាយាមសាកល្បងអី។ បើសិនជាអ្នកជក់ហើយ យកល្អគួរតែដល់ពេលផ្តាច់វាដែរ។
ញ៉ាំអាហារផ្តល់សុខភាព
ចូរប្រាកដថា របបអាហារអ្នករាល់ថ្ងៃមានការញ៉ាំផ្លែឈើ និងបន្លែច្រើន។ ផលិតផលស្រស់ៗនឹងមានអង់ទីអុកស៊ីដង់ដែលអាចលុបបំបាត់ជំងឺមហារីកបាន។ វាគឺជាគំនិតមួយដ៏អស្ចារ្យណាស់ដែលជ្រើសរើសយកបន្លែ និងផ្លែឈើធម្មជាតិ និងគ្មានជាតិគីមីមកទទួលទាន។
ថែរក្សាទម្ងន់ឲ្យនៅធម្មតា
ការដែលធាត់គឺជាកត្តាប្រឈមមុខមួយរបស់ជំងឺមហារីក។ អ្នកឯកទេសជាច្រើននិយាយថា កាលណារាងកាយធ្ងន់ពេកអាចប្រឈមនឹងជំងឺមហារីកក្រពេញប្រូស្តាត សួត និងតម្រងនោម។ បើសិនជាថ្មីៗនេះអ្នកធ្លាប់មានទម្ងន់ធម្មតាហើយ ចូរព្យាយាមរក្សាទម្ងន់នេះរហូតទៅ។
ហាត់ប្រាណជាទៀងទាត់
មនុស្សយើងគួរតែមានទម្លាប់ហាត់ប្រាណរាល់ថ្ងៃ។ ចូរពញយាយាមធ្វើលំហាត់ប្រាណរាងកាយយ៉ាងហោចណាស់ ៣០នាទីតាមរយៈការដើរ រត់យឺតៗ ជិះកង់ លេងតេនីស ហែលទឹក រាំ ឬជូតសម្អាតផ្ទះ។ ការហាត់ប្រាណទៀងទាត់គឺជាទម្លាប់ល្អបំផុតសម្រាប់លុបបំបាត់ជំងឺមហារីកសុដន់ និងពោះវៀនធំ។
កាត់បន្ថយការប៉ះពាល់នឹងពន្លឺព្រះអាទិត្យ
ជំងឺមហារីកស្បែកគឺជារឿងដែលកើតមានញឹកញាប់បំផុត ហើយក៏ងាយស្រួលក្នុងការបង្ការដែរ។ ខណៈពេលដែលវាជារឿងល្អក្នុងការប៉ះពាល់នឹងពន្លឺព្រះអាទិត្យគ្រប់គ្រាន់នោះ តែគួរតែចៀសវាងវាវិញនៅចន្លោះម៉ោង ១០ព្រឹក ដល់ម៉ោង ៤រសៀល។ បើសិនជាមិនអាចចៀសបាន អ្នកគួរតែប្រើឡេការពារកម្តៅព្រះអាទិត្យ ឬស្លៀកសម្លៀកបំពាក់គ្រប់រាងកាយឲ្យបានពេញលេញ។
ជ្រើសរើសផលិតផលធម្មជាតិទាំងអស់
ផលិតផលថែរក្សាសម្ផស្ស និងលាងសម្អាតផ្ទះដែលលក់តាមទីផ្សាយើងសព្វថ្ងៃនេះច្រើនតែមានសារធាតុបង្កមហារីក។ ដូច្នេះយកល្អគួរតែទិញ ឡូសិន សាប៊ូកក់សក់ គ្រឿងសម្អាង ឬផលិតផលផ្តល់ភាពស្រស់ស្រាយដល់បរិយាកាសណាដែលមានគ្រឿងផ្សំធម្មជាតិទាំងអស់។
កុំញ៉ាំអាហារកុំប៉ុង
វិធីសាស្រ្តដ៏ងាយស្រួលបំផុតមួយដើម្បីចៀសផុតពីសារធាតុ Bisphenol-A (BPA) ដែលគេស្គាល់ថាមានទំនាក់ទំនងនឹងមហារីក និងបញ្ហាសុខភាពជាច្រើននោះ គឺតាមរយៈការចៀសឲ្យឆ្ងាយពីការញ៉ាំអាហារកំប៉ុង។ BPA ក៏មានក្នុងផលិតផលក្នុងថង់ផ្លាស្ទិចដែរ។ ដូច្នេះចូរប្រាកដថា អ្នកបានប្រើប្រាស់របស់ផ្ទុកអាហារជាប្រភេទកែវនៅពេលត្រូវការរក្សាទុក ឬកម្តៅអាហារ។
ការពារពីការបង្ករោគផ្សេង
មានការបង្ករោគមួយចំនួនដែលអាចនាំឲ្យកើតមហារីកបាន។ ឧទាហរណ៍ ជំងឺរលាកថ្លើមប្រភេទ B អាចប្រឈមកាន់តែខ្លាំងនឹងជំងឺមហារីកថ្លើមបាន។ (អាន:ថ្នាំងងុយគេង ពេលអ្នកគួរប្រើ)ការឆ្លងជំងឺដែលបង្កឡើងដោយវីរុស HPV ប្រហែលជាបណ្តាលឲ្យកើតមហារីកមាត់ស្បូន និងមហារីកប្រដាប់ភេទផ្សេងៗទៀតបាន។ ហេតុដូច្នេះហើយ អ្នកគួរតែចាក់វ៉ាក់សាំការពារជំងឺទាំងនេះ៕