រឿងនេះសបញ្ជាក់ឲ្យដឹងថា មិនមែនមានតែការញ៉ាំផ្លែប៉ោមមួយផ្លែអាចថែរក្សាសុខភាពកុំឲ្យឈឺមួយមុខទេ តែជម្រើសផ្លែឈើដ៏មានសុខភាពផ្សេងៗទៀតក៏គួរតែមានតួនាទីដូចគ្នាផងដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខាងក្រោមនេះខ្ញុំនឹងបង្ហាញអំពីផ្លែឈើ ១០ប្រភេទដែលអ្នកគួរតែញ៉ាំរាល់ថ្ងៃ។
ផ្លែប៉ោម
ផ្លែប៉ោមគឺជាផ្លែឈើដ៏ល្អបំផុតមួយដែលអាចជួយសម្រកទម្ងន់បាន។ យ៉ាងណាមិញ សារធាតុ Flavonoids Polymers ក្នុងផ្លែប៉ោមនឹងជួយទប់ស្កាត់អង់ស៊ីមដែលបំបែកជាតិស្ករ។ មានន័យថា ជំនួសឲ្យការរក្សាជាតិស្ករទុកជាប្រភេទខ្លាញ់ អញនកនឹងអាចបញ្ចេញវាចោលពីក្នុងខ្លួនកាន់តែច្រើនថែមទៀត។ មួយវិញទៀត ផ្លែប៉ោមមានសារធាតុ Pectin ជាប្រភេទជាតិសរសៃដែលលាយជាមួយនឹង Flavonoids សម្រាប់កាត់បន្ថយជាតិខ្លាញ់ដែលចរាចរណ៍ក្នុងឈាម។
ចេក
ផ្លែចេកសម្បូរទៅដោយជាតិប៉ូតាស្យូមសម្រាប់ជួយបញ្ចុះសម្ពាធឈាម។ វាក៏ជាប្រភពដ៏អស្ចារ្យមួយនៃអាមីដុង ដែលជាកាបូអ៊ីដ្រាតដ៏ផ្តល់សុខភាពមួយប្រភេទសម្រាប់ជួយឲ្យឆាប់ឆ្អែត នឹងបង្កើនការរំលាយអាហារ។
ផ្លែបឺរីពណ៌ខៀវ
ផ្លែបឺរីប្រភេទនេះមានកំហាប់សារធាតុ Flavonoid ដ៏ខ្ពស់មួយឈ្មោះថា Anthocyanin ដែលជាអង់ទីអុកស៊ីដង់ដ៏ខ្លាំងក្លាមួយសម្រាប់ជួយបង្ការជំងឺបេះដូង។ ការកើនឡើងចំនួនសារធាតុ Anthocyanin តែបន្តិចក៏ជួយពង្រឹងដល់ការថែរក្សាទម្ងន់នៅធម្មតាដែរ។
ផ្លែគីវី
ផ្លែឈើប្រភេទនេះមានវីតាមីន C ខ្ពស់ជាងផ្លែក្រូចរហូតដល់ ២ដងឯណោះ។ ដូច្នេះអ្នកគួរតែញ៉ាំវាបន្ថែមបើសិនជាចង់កាត់បន្ថយការប្រឈមនឹងជំងឺភ្នែកឡើងបាយ និងការពារការខូចខាតរបស់ DNA។
ផ្លែសារី
ផ្លែឈើមួយនេះក៏មានសារធាតុ Pectin និងសម្បូរទៅដោយសារធាតុ Flavonols និង Flavan-3-ols សម្រាប់ជួយការពារកុំឲ្យកើតជំងឺទឹកនោមផ្អែមប្រភេទទី២ និងឡើងទម្ងន់។
ស្រ្តបឺរី
ផ្លែស្រ្តបឺរីមានអង់ទីអុកស៊ីដង់ច្រើនណាស់ដូចជា Falvonols និង Anthocyanins។ ការសិក្សាបានឲ្យដឹងថា គ្រាន់តែញ៉ាំស្ត្របឺរី ៥០ ទៅ៨០ក្រាម ក៏អាចកាត់បន្ថយការរលាក និងមិនឲ្យជាតិស្ករក្នុងឈាមឡើងខ្ពស់ក្រោយពីញ៉ាំអាហារសម្បូរជាតិកាបូអ៊ីដ្រាតរួច។
ផ្លែក្រូច
ផ្លែក្រូចមានវីតាមីន C និង ប៉ូតាស្យូមច្រើន ហើយក៏ត្រូវបានគេចាត់ទុកថាជាផ្លែឈើដ៏ល្អមួយដែលអាចកាត់បន្ថយកូឡេស្តេរ៉ុលក្នុងឈាមបានទៀត។
ម្នាស់
ផ្លែម្នាស់មានសារធាតុ Bromelain ដែលជាអង់ស៊ីមរំលាយអាហារមួយសម្រាប់បំបែកអាហារដើម្បីកាត់បន្ថយការហើមពោះ។ វាក៏ជួយបន្ថែមរសជាតិផ្អែមដល់អាហារដែរ។
ល្ហុង
ល្ហុងមានសារធាតុ Papain ដែលជាសារធាតុអាចជួយពង្រឹងដល់ការរំលាយអាហារ។ (អាន:ថ្នាំងងុយគេង ពេលអ្នកគួរប្រើ)ក្រៅពីនេះវាក៏ជាប្រភពដ៏ល្អមួយនៃសារធាតុ Folate និងវីតាមីន C ដែរ៕