ការមករដូវទៀងទាត់មានន័យថា បើអ្នកមករដូវចុងក្រោយនៅថ្ងៃទី ២៨ នៅខែក្រោយគឺនៅថ្ងៃទី ២៨ដដែល ប៉ុន្តែបើសិនជាការមករដូវចុងក្រោយម្តង ថ្ងៃទី ២០ ឬថ្ងៃទី ៣០ ឬ ៣១ នោះមានន័យថា រដូវអ្នកមិនទៀងឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ចំពោះវិធានការព្យាបាលវិញក៏អាស្រ័យទៅតាមមូលហេតុរបស់វាដែរ ប៉ុន្តែអ្វីដែលជាដំណឹងល្អនោះគឺថា មានអាហារជាច្រើនអាចជួយសម្រួលដល់ការមករដូវមិនទៀងទាត់មកទៀងទាត់វិញបានដូចជា៖
ខ្ញី
ខ្ញីធ្លាប់តែជាគ្រឿងផ្សំធ្វើម្ហូប តែវាក៏អាចជួយពង្រឹងដល់ប្រព័ន្ធរំលាយអាហារ និងបំបាត់ជំងឺផ្តាសាយបាន។ ម៉្យងាវិញទៀត ខ្ញីមានវីតាមីន C និងម៉ាញ៉េស្យូមដែលអាចជួយដោះស្រាយរដូវមិនទៀងទាត់បាន។ អ្នកគ្រាន់តែយកមឺមខ្ញីធ្វើជាតែញ៉ាំធម្មតាទៅគឺគ្រប់គ្រាន់ហើយ។
ជីវ៉ាន់ស៊ុយ
ជីប្រភេទនេះត្រូវបានប្រជាជនខ្មែរយើងស្គាល់យ៉ាងច្បាស់ ក្នុងការផ្តល់ជំនួយជាក្លិនដ៏ឆ្ងាញ់ដល់អាហារ ប៉ុន្តែវាក៏អាចជួយឲ្យរដូវមកទៀងទាត់បានដែរ។ អ្នកគ្រាន់តែស្ងោរជីនេះជាមួយទឹកធម្មតា ហើយញ៉ាំវាពីរដងក្នុងមួយថ្ងៃ នោះនឹងទទួលបានលទ្ធផលហើយ។
ម្នាស់
ផ្លែម្នាស់ផ្ទុកទៅដោយសារធាតុ Bromelain ដែលអាចជួយជម្រុះភ្នាស់របស់ស្បូនដែលខូចៗចោល ឬយ៉ាងហោចណាស់ក៏ជួយឲ្យស្បូនទន់បានដែរ។ ដូច្នេះវាពិតជាសំខាន់សម្រាប់ស្រ្តីដែលមករដូវមិនទៀង ព្រោះវាអាចជួយសម្អាតស្បូន ចាប់ពីឈាមរដូវ រហូទដល់មេជីវិតញីដែលមិនទាន់បង្កកំណើត។ ការញ៉ាំផ្លែម្នាស់ក៏អាចជួយបង្កើតគ្រាប់ឈាមក្រហម និងស ដែលពង្រឹងដល់លំហូរឈាមបាន។
ត្រីសម្បូរខ្លាញ់
អាហារផ្សេងមួយទៀតដែលអាចជួយដល់រដូវមិនទៀងដែរនោះគឺត្រីសម្បូរខ្លាញ់ ជាពិសេសត្រីសាលម៉ុងតែម្តង។ ត្រីប្រភេទនេះសម្បូរទៅដោយខ្លាញ់ ប្រូតេអ៊ីន ផ្តល់សុខភាព ក៏ដូចជា អាស៊ីតខ្លាញ់អូមេហ្គាបីតែម្តង។ អូមេហ្គាបីត្រូវបានគេរកឃើញថា អាចជួយបន្ថយការរលាកក្នុងរាងកាយ ដែលវាជាដើមហេតុមួយនៃការឈឺចាប់ពេលមករដូវផងដែរ។
ល្ហុង
ល្ហុងអាចជួយសម្រួលដល់ការកន្ត្រាក់របស់ស្បួននៅពេលមករដូវមិនទៀង។អាន:ថ្នាំងងុយគេង ពេលអ្នកគួរប្រើ) ក្រៅពីផ្តល់ភាពក្តៅដល់រាងកាយ ល្ហុងក៏មានសារធាតុឈ្មោះ Carotene ដែលអាចសម្រួល ឬជំរុញដល់ការផលិតអ័រម៉ូនអេស្រ្តូជែនបានដែរ សម្រាប់ជួយឲ្យរដូវទៀងទាត់មកវិញ៕