បញ្ហាស្ទះសសៃឈាមអាចបង្កើនហានិភ័យនៃជំងឺផ្សេងៗគួរអោយព្រួយបារម្ភ រួមបញ្ចូលទាំងជំងឺស្ទះសសៃឈាមបេះដូង ​​​និងជំងឺដាច់សសៃឈាមខួរក្បាល។ ដូច្នេះហើយទើបអ្នកមិនគួរមើលរំលងបញ្ហានេះឡើយ! បញ្ហាស្ទះសសៃឈាមជាញឹកញយបណ្ដាលមកពីរបៀបនៃការរស់នៅមិនត្រឹមត្រូវដោយសារកង្វះសកម្មភាពរាងកាយ និងរបបអាហារគ្មានសុខភាពល្អ។ ជាតិខ្លាញ់ និងកូឡេស្តេរ៉ូលអាចកកើតឡើងនៅក្នុងសសៃឈាមដែលបណ្ដាលឱ្យសសៃឈាមរួមតូចកកស្ទះបង្កជាជំងឺស្ទះសសៃឈាមដែលនឹងកាត់បន្ថយលំហូរឈាមនៅក្នុងសសៃឈាមអាកទែ។ ប៉ុន្តែកុំបារម្ភ! អាហារនិងភេសជ្ជៈមួយចំនួនមានប្រសិទ្ធភាពលាងសម្អាតសសៃឈាមបានយ៉ាងប្រសើរតាមបែបធម្មជាតិ។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារ ក៏ដូចជាភេសជ្ជៈទាំងនោះ ៖

១. បន្លែបៃតង

ព្យាយាមទទួលទានបន្លែបៃតងអោយបានច្រើន ក៏ព្រោះបន្លែទាំងនេះមានផ្ទុកសម្បូរទៅដោយសារធាតុប្រឆាំងអុកស៊ីតកម្ម ក្លរ៉ូភីល វីតាមីន ជាតិរ៉ែ ពិសេសជាតិសសៃដែលជួយទប់ស្កាត់ជាតិស្ករក្នុង
ឈាមមិនអោយឡើងខ្ពស់និងហានិភ័យនៃជំងឺធាត់ជ្រុល ខណៈដែលបញ្ហាទាំង ២ នេះជាកត្តាចម្បងនាំអោយស្ទះសសៃឈាម។

២. គ្រាប់ធញ្ញជាតិ

ជាប្រភពដ៏ប្រសើរនៃជាតិសសៃ dietary អាស៊ីតខ្លាញ់អូមេហ្គា ៣ និងអាស៊ីតខ្លាញ់ល្អ monounsaturated ដែលជួយកាត់បន្ថយកម្រិតនៃជាតិកូឡេស្តេរ៉ូលទប់ស្កាត់ហានិភ័យនៃជំងឺដាច់សសៃឈាមខួរក្បាល ជំងឺស្ទះសសៃឈាមបេះដូង គាំងបេះដូងគួរអោយកត់សម្គាល់។ គ្រាប់ធញ្ញជាតិក៏មានប្រសិទ្ធិភាពកាត់បន្ថយការរលាកនិងធ្វើអោយមុខងារសសៃឈាមក្នុងរាងកាយកាន់តែមានលក្ខណៈប្រសើរឡើងផងដែរ។

៣. ផ្លែបឺរ

ទោះបីផ្លែបឺរមានផ្ទុកសម្បូរទៅដោយជាតិខ្លាញ់ ប៉ុន្តែជាប្រភេទនៃជាតិខ្លាញ់ល្អ ហើយអាចជួយធ្វើឲ្យកម្រិតជាតិកូឡេស្តេរ៉ូលល្អមានភាពប្រសើរឡើងដោយកាត់បន្ថយកម្រិតនៃជាតិកូឡេស្តេរ៉ូលមិនល្អ។ កម្រិតកូឡេស្តេរ៉ូលត្រឹមត្រូវក្នុងឈាមអាចជួយបំបាត់ការស្ទះក្នុងសសៃឈាម។ ផ្លែបឺរ​ក៏ជាប្រភពនៃវីតាមីន E ដែលអាចបញ្ឈប់អុកស៊ីតកម្មនៃកូឡេស្តេរ៉ូលផងដែរ។ ដូច្នេះចូរព្យាយាមទទួលទានផ្លែបឺរម្ខាងរាល់ថ្ងៃជាប្រចាំដើម្បីជៀសផុតពីបញ្ហាស្ទះសសៃឈាម។

៤. ប្រេងអូលីវ

មិនមែនខ្លាញ់គ្រប់ប្រភេទសុទ្ធតែអាក្រក់ចំពោះសុខភាពឡើយ! ហើយប្រេងអូលីវជាប្រភពដ៏ប្រសើរនៃជាតិខ្លាញ់ល្អ monounsaturated ដែលមានប្រសិទ្ធិភាពកាត់បន្ថយហានិភ័យនៃបញ្ហាស្ទះសសៃឈាម។

៥. ទឹកក្រូចស្រស់

ជាប្រភពដ៏ល្អបំផុតមួយនៃវីតាមីន C ម៉ាញ៉េស្យូម សារធាតុ folate វីតាមីន B វីតាមីន A និងប៉ូតាស្យូមដែលជួយគ្រប់គ្រងកម្រិតនៃជាតិកូឡេស្តេរ៉ូលទប់ស្កាត់ហានិភ័យនៃបញ្ហាសសៃឈាម និងជំងឺបេះដូង។ ដូច្នេះចូរទទួលទានទឹកក្រូចស្រស់ជាប្រចាំ។

៦. តែបៃតង

តែបៃងមានផ្ទុកសម្បូរទៅដោយសារធាតុប្រឆាំងអុកស៊ីតកម្មដែលជួយរារាំងការស្រូបយកជាតិកូឡេ
ស្តេរ៉ូលនៅពេលវាត្រូវបានរំលាយ។ ការទទួលទានតែបៃតងយ៉ាងហោចណាស់ ២ ពែងជាប្រចាំ គឺសម្អាតសសៃឈាមបានយ៉ាងឆាប់រហ័សក្នុងរយៈពេលត្រឹមតែប៉ុន្មានសប្តាហ៍ប៉ុណ្ណោះ។

៧. ទឹកផ្លែទទឹមស្រស់

ផ្លែទទឹមមានផ្ទុកសម្បូរទៅដោយសារធាតុប្រឆាំងអុកស៊ីតកម្មដែលជួយការពារសសៃឈាមពីការបំផ្លាញ ឬខូចខាតនិងរក្សាសុខភាពសសៃឈាមល្អប្រសើរ។ ទទឹមក៏ជួយកាត់បន្ថយជាតិខ្លាញ់ដែលប្រមូលផ្ដុំនៅក្នុងសសៃឈាមអាកទែ។ លើសពីនេះទៅទៀត ផ្លែទទឺម ជម្រុញការផលិតអុកស៊ីតនីទ្រិកនៅក្នុងរាងកាយដើម្បីរក្សាសសៃឈាមពីការស្ទះធ្វើអោយឈាមហូរបានស្រួល។ ដូច្នេះការទទួលទានទឹកផ្លែទទឺមជួយទប់ស្កាត់បញ្ហាស្ទះសសៃឈាមបានយ៉ាងប្រសើរ។

៨. តែខ្ញី 

ក្រៅពីមានប្រសិទ្ធិភាពដោះស្រាយបញ្ហាចង្អោរចង់ក្អួត ពិបាករំលាយអាហារ ក្អួត និងរាគហើយនោះ តែខ្ញីក៏មានលក្ខណៈសម្បត្តិប្រឆាំងការរលាកដែលជួយកាត់បន្ថយកម្រិតនៃកូឡេស្តេរ៉ូលមិនល្អទប់ស្កាត់បញ្ហាស្ទះសសៃឈាមបានយ៉ាងប្រសើរទៀតផង៕