តើវាកំពុងតែត្រូវរឿងអ្នកដែរទេគ្រប់ពេលដែលអ្នកភ្ញាក់ពីគេងរាល់ព្រឹកត្រូវរត់ចូលបន្ទប់ទឹក ដោយសារតែរាក ឬភាពរាកដេញអ្នកឲ្យភ្ញាក់ពីគេងនៅពេលព្រឹក? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បើសិនជាអ៊ីចឹងមែន អ្នកកំពុងតែអានអត្ថបទត្រូវហើយ ព្រោះខាងក្រោមនេះខ្ញុំនឹងបង្ហាញអំពីមូលហេតុញឹកញាប់របស់បញ្ហារាករូសនៅពេលព្រឹក និងរបៀបក្នុងការគ្រប់គ្រងបញ្ហានេះ។ យ៉ាងណាមិញ ការរាករូសនៅពេលព្រឹកច្រើនតែជាប់ទាក់ទងនឹងអាការៈខាងក្រោមនេះបន្ថែមទៀត៖
- ផោមច្រើន
- ហើមពោះ
- ឈឺពោះបែបរមួលៗ
- កូរពោះ
ករណីខ្លះ ការរាករូសនៅពេលព្រឹកក៏អាចកើតឡើងជាមួយនឹងការចង្អោ ក្អួត ក្តៅខ្លួន និងមានឈាមក្នុងលាមកដែរ អាស្រ័យទៅតាមមូលហេតុរបស់វា។ និយាយដល់មូលហេតុ ការរាកនៅពេលព្រឹកមានមូលហេតុរបស់វាច្រើនណាស់។ ពេលខ្លះវាគ្រាន់តែកើតឡើងជាលក្ខណៈបណ្តោះអាសន្នទេ ដូចជា ការលេបថ្នាំ ស្រ្តេស ថប់អារម្មណ៍ ញ៉ាំគ្រឿងស្រវឹង ផ្លាស់ប្តូររបបអាហារ ហាត់ប្រាណច្រើនពេក មានផ្ទៃពោះ និងការបង្ករោគមួយចំនួន។ យ៉ាងណាមិញ ខាងក្រោមនេះគឺជាមូលហេតុញឹកញាប់បំផុតដែលនាំឲ្យរាកនៅពេលព្រឹក៖
- ការលេបថ្នាំ៖ ថ្នាំដែលច្រើនតែបង្កជាផលរំខានជាការរាករូសភាគច្រើន ជាថ្នាំផ្សះតែម្តង។ បើសិនជាអ្នកលេបថ្នាំនេះមុនគេង វាទំនងជាបង្កជាការរាកនៅពេលព្រឹកណាស់។
- ស្រ្តេស និងថប់អារម្មណ៍៖ បញ្ហាផ្លូវចិត្តទាំងនេះងាយនឹងបង្កផលរំខានលើផ្លូវរំលាយអាហារ រហូតដល់រាករូសនៅពេលព្រឹកបាន។
- ញ៉ាំគ្រឿងស្រវឹង៖ ការដែលទើបតែស្រវឹងជោគយប់មិញ មិនគ្រាន់តែធ្វើឲ្យសល់ហាយនៅពេលព្រឹកបន្ថែមទៀតទេ តែក៏អាចបង្កជាការរាករូសបានដែរ។
- ហាត់ប្រាណច្រើនពេក៖ តើអ្នកកំពុងតែសម្រកទម្ងន់មែនទេ ភាពរាករូសគឺជារឿងដែលអ្នកអាចនឹងជួបប្រទះហើយបើសិនជាអ្នកចេះទេខំហាត់ប្រាណខ្លាំងក្លាពេក។
- មានផ្ទៃពោះ៖ ការដែលបង្កើតគ្រួសារមួយអាចនឹងមានការប្រែប្រួលអ័រម៉ូនច្រើន ហេតុដូច្នេះហើយវាក៏អាចបណ្តាលឲ្យមានបញ្ហាដែឬជាពិសេសក្នុងប៉ុន្មានសប្តាហ៍ ឬខែដំបូងនៃការមានផ្ទៃពោះតែម្តង។ អ្វីដែលកើតឡើងញឹកញាប់បំផុតនោះគឺរាករូសនៅពេលព្រឹកតែម្តង។
- ជំងឺរលាកពោះវៀន៖ ជំងឺរលាកពោះវៀននេះមានដូចជា Ulcerative Colitis និង Crohn’s Disease។ ក្រៅពីការរាករូសនៅពេលព្រឹក និងពេលវេលាណាផ្សេងទៀត វាអាចនឹងមានអាការៈផ្សេងទៀតចូលរួមដែរដូចជា ឈឺពោះ ស្រកទម្ងន់ និងអស់កម្លាំងជាដើម។
ការគ្រប់គ្រង
និយាយដល់វិធីព្យាបាលការរាករូសនៅពេលព្រឹកគឺមានច្រើនយ៉ាងណាស់។ នេះដោយសារតែការពិតមួយត្រង់ថា វាអាចបណ្តាលមកពីមូលហេតុច្រើនយ៉ាង។(អាន:ថ្នាំងងុយគេង ពេលអ្នកគួរប្រើ) ណាមួយ ការរាករូសនៅពេលព្រឹកក៏អាចកើតឡើងជាលក្ខណៈបណ្តោះអាសន្ន ឬរ៉ាំរ៉ៃ។ ពិតណាស់ អ្វីដែលសំខាន់គួរតែរកមូលហេតុជាក់លាក់របស់វាឲ្យឃើញសិន។ នៅពេលរកឃើញមូលហេតុហើយ ការគ្រប់គ្រងវាក៏អាចជារឿងកាន់តែងាយស្រួលដែរ៕