Join with Health.com.kh on Telegram

កង្វះអនាម័យមាត់ធ្មេញ ធ្មេញពុក ជំងឺអញ្ចាញធ្មេញ ការជក់បារី សុទ្ធតែត្រូវបានគេដឹងថា ជាដើមហេតុនាំឲ្យមានក្លិនមាត់អាក្រក់បានទាំងអស់។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែតើអ្នកមានដឹងទេថា ការដែលមានក្លិនមាត់អាក្រក់ក៏អាចបណ្តាលមកពីមូលហេតុផ្សេងពីនេះដែរ ដែលមនុស្សជាច្រើនមិនសូវដឹងទេ។ បើសិនជាអ្នកចង់ដឹងបន្ថែម ចូរតាមដានបន្ថែមដូចខាងក្រោមនេះ៖

ច្រាលទឹកអាស៊ីតក្រពះ

ខណៈពេលដែលអ្នកត្រូវបានគ្រូពេទ្យរកឃើញថាមានជំងឺច្រាលទឹកអាស៊ីតក្រពះ វាក៏ទំនងជាធ្វើឲ្យមានបញ្ហាក្លិនមាត់ខ្លាំងណាស់។ ពេលខ្លះអ្នកអាចធំក្លិនខ្យល់ដង្ហើមខ្លួនឯងដូចជាអាស៊ីតអ៊ីចឹង ដោយសារតែវាត្រូវបានច្រាលចេញពីក្រពះមកវិញ។ ករណីធំក្លិនបែបនេះមានន័យថាក្រពះពីតជាមិនអាចធ្វើការបានល្អទេ ហើយក៏ប្រឈមកាន់តែខ្លាំងនឹងបញ្ហាពុកធ្មេញថែមទៀត។ 

ការបង្ករោគនៅផ្លូវដង្ហើមខាងលើ

តើអ្នកកំពុងតែមានជំងឺផ្តាសាយ ឬរលាកប្រហោងឆ្អឹងនៅមុខមែនទេ? បើសិនជាអ៊ីចឹងមែនក៏កុំភ្ញាក់ផ្អើលអីដែរបើសិនជាគេឲ្យអ្នកទំពារស្ករកៅស៊ូបំបាត់ក្លិនមាត់ ព្រោះការបង្ករោគបែបនេះអាចធ្វើឲ្យក្លិនមាត់មិនល្អបាន។ នេះដោយសារតែមានការហូរទឹកសម្បោរនៅក្រោយបំពង់ក និងវត្តមានក្លិនបង្កឡើងដោយបាក់តេរី ឬវីរុសក្នុងមាត់តែមត្ង។ 

បញ្ហាសួត

មានបញ្ហាក្លិនមាត់អាក្រក់ច្រើនណាស់ដែលមានប្រភពពីផ្លូវដង្ហើម ហើយក៏ចេញពីសួតផងដែរ។ តាមអ្នកជំនាញបានឲ្យដឹងថា បញ្ហាសួតស្រួចស្រាវមួយចំនួនដូចជា រលាកទងសួត និងរលាកសួតអាចនាំឲ្យអ្នកជំងឺដកដង្ហើមមកមានក្លិនមាត់អាក្រក់បាន។ ប៉ុន្តែបញ្ហានេះនឹងល្អមកវិញនៅពេលព្យាបាលជំងឺជា។ 

ជំងឺទឹកនោមផ្អែម

បើសិនជាអ្នកកំពុងតែមានជំងឺទឹកនោមផ្អែមប្រភេទទី២ហើយ ចូរប្រាកដថា អ្នកត្រូវមានវិធានការដុសសម្អាតធ្មេញឲ្យបានគ្រប់គ្រាន់ និងត្រឹមត្រូវផង ព្រោះជំងឺមួយនេះអាចធ្វើឲ្យមានក្លិនមាត់អាក្រក់ភាគច្រើនតែម្តងបើសិនជាគ្រប់គ្រងវាមិនបានល្អ។ ក្លិនមាត់អាក្រក់ដោយសារតែជំងឺទឹកនោមផ្អែមប្រភេទទី២ អាចមានលក្ខណៈដូចជា ថ្នាំលាបក្រចក ឬផ្លែឈើ ដោយសារតែកម្រិតចំនួន Ketones កើនឡើងច្រើនក្នុងឈាម។ 

ជំងឺថ្លើម ឬតម្រងនោម

រាងកាយរបស់យើងត្រុវបានបង្កើតឡើងដោយមានសរីរាង្គជាច្រើនដើម្បីជួយបន្សាប ឬបញ្ចេញចោលសារធាតុដែលគ្រោះថ្នាក់ពីក្នុងខ្លួន ហើយសរីរាង្គមួយចំនួនដែលពេញនិយមលើការងារទាំងនេះជាងគេនោះគឺតម្រងនោម និងថ្លើមតែម្តង។ (អាន:ថ្នាំងងុយគេង ពេលអ្នកគួរប្រើ) ការដែលមានបញ្ហាទៅលើសរីរាង្គទាំងពីរនេះ សុទ្ធតែអាចបង្កើនចំនួនជាតិពុលក្នុងរាងកាយបាន ក៏ដូចជាបន្សល់ជាក្លិនមាត់អាក្រក់បានទាំងអស់៕