ដោយយោងទៅតាមសេចក្តីរាយការណ៍ពីអង្គការសុខភាពពិភពលោកកាលពីឆ្នាំ ២០១២ បានឲ្យដឹងថា មានស្រ្តីប្រមាណ ២៦៦០០០នាក់បានបាត់បង់ជីវិតដោយសារតែជំងឺនេះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជំងឺមហារីកមាត់ស្បូនគឺជាជំងឺដែលងាយស្រួលរក និងព្យាបាលបំផុត ប៉ុន្តែអ្វីដែលជាចំណុចសំខាន់នោះគឺ ការយល់ដឹងអំពីរាងកាយឲ្យបានល្អសិន ដើម្បីអាចជានិន្នាការមួយស្វែងរកការពិនិត្យដោយខ្លួនឯងជាទៀងទាត់។ ខាងក្រោមនេះគឺជា ៥ចំណុចដែលស្រ្តីគ្រប់គួរតែយល់ដឹងអំពីជំងឺមហារីកចាប់ពីពេលនេះទៅ។
ស្រ្តីម្នាក់ៗគួរតែទៅឲ្យពេទ្យពិនិត្យម្តងជាទៀងទាត់ នៅពេលខ្លួនមានភាពសកម្មខាងផ្លូវភេទ ដោយសារតែវីរុសចម្លងជំងឺមហារីកមាត់ស្បូនឆ្លងតាមការរួមភេទ។ នេះគឺជាហេតុផលដ៏សំខាន់មួយដែលស្រ្តីក្នុងវ័យ ២០ទៅ៥០ឆ្នាំឆ្នង ត្រូវតែឲ្យពេទ្យពិនិត្យរកជំងឺនេះជារៀងរាល់ពីរទៅបីឆ្នាំម្តង។
ការចាក់វ៉ាក់សាំងការពារជំងឺមហារីកមាត់ស្បូនគឺជាមធ្យោបាយដ៏មានប្រសិទ្ធភាពមួយដើម្បីការពារស្រ្តីវ័យក្មេង (អាយុចាប់ពី ១២ ទៅ១៣ឆ្នាំ)។ យ៉ាងណាមិញ ការចាក់វ៉ាក់សាំងនេះមិនមែនតែងតែធានាថាមានប្រព័ន្ធភាពស៊ាំការពារមហារីកមាត់ស្បូនទាំងអស់ឡើយ គ្រាន់តែបន្ថយការប្រឈមមុខប៉ុណ្ណោះ ដូច្នេះវានៅតែមានការប្រឈមមុខដដែលអញ្ចឹងទៅបីជាចាក់វ៉ាក់សាំងហើយក៏ដោយ។
បើសិនជាអាយុលើស ៥០ឆ្នាំ នោះចូរប្រាកដថា អ្នកបានឲ្យគ្រូពេទ្យពិនិត្យជារៀងរាល់ ៤ ទៅ៥ឆ្នាំម្តង។ សម្រាប់ស្រ្តីដែលមានផ្ទៃពោះច្រើន ឬស្រ្តីដែលមានសមាជិកគ្រួសារកើតជំងឺមហារីក គឺមានការប្រឈមមុខខ្ពស់ជាងស្រ្តីធម្មតា។
បើសិនជាអាយុលើស ៦៤ឆ្នាំ ហើយពិនិត្យសុខភាពជាទៀតទាត់ហើយ មិនមានមូលហេតុអ្វីត្រូវបារម្ភថែមទៀតនោះ អ្នកក៏មិនបាច់ធ្វើតេស្តខ្លួនឯងដើម្បីរកជំងឺមហារីកមាត់ស្បូនដែរ។ (អាន:ថ្នាំងងុយគេង ពេលអ្នកគួរប្រើ)
យកល្អ ស្រ្តីគ្រប់រូបត្រូវតែស្វែងរកឲ្យឃើញអាការៈជំងឺមហារីកមាត់ស្បូន ដូច្នេះ ការឈឺចាប់ក្នុងពេលរួមភេទ ការឈឺចាប់ក្នុងអាងត្រគាក ការធ្លាក់ឈាមរដូវមិនធម្មតា ឬការមករដូវច្រើនៗ ការហូរទឹករំអិលពីទ្វារមាសមិនធម្មតា ឬស្រកទម្ងន់ដោយមិនដឹងមូលហេតុ ដែលវាសុទ្ធសឹងតែអាចកំណត់រោគវិនិច្ឆ័យ និងព្យាបាលទាន់ពេលវេលាហើយ៕