Join with Health.com.kh on Telegram

តើអ្នកមានដឹងទេថាជំងឺស្ទះសួតរ៉ាំរ៉ៃ (Chronic Obstructive Pulmonary Disease, COPD) គឺជាឃាតករលំដាប់ថ្នាក់ទីបួនហើយដែលសម្លាប់មនុស្សច្រើនជាងគេនៅសហរដ្ឋអាមេរិក។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាជំងឺនេះមិនអាចត្រឡប់មកភាពដើមវិញក៏ដោយ តែរោគសញ្ញារបស់វាគឺអាចគ្រប់គ្រងបាន។ 

អ្នកជំនាញនិយាយថា សួតរបស់មនុស្សយើងនឹងមានលក្ខណៈល្អរហូតមួយជីវិតបើសិនជាមិនមានកត្តាគ្រោះថ្នាក់ណាពីខាងក្រៅប៉ះពាល់ដល់វា។ យ៉ាងណាមិញ មានទម្លាប់អាក្រក់មួយចំនួនដែលកំពុងតែដាក់សម្ពាធគ្រោះថ្នាក់ដល់សួតរបស់យើងបាន។ 

ជក់បារី

ដូចធ្លាប់ដឹងហើយថាការជក់បារីគឺជាទម្លាប់ដ៏អាក្រក់មួយសម្រាប់សួត ហើយក៏ធ្វើឲ្យប្រឈមខ្លាំងនឹងជំងឺ COPD និងមហារីកសួតបានដែរ។ បើសិនជាអ្នកជក់បារីមែននោះ វាមិនត្រឹមតែប៉ះពាល់ដល់សួតម្នាក់ឯងទែ តែមនុស្សជុំវិញខ្លួនក៏ប្រឈមនឹងបញ្ហាសួតដែរ។ 

ប៉ះពាល់នឹងផ្សែបំពុលច្រើន

ការរស់នៅក្នុងកន្លែងដែលមានការអភិវឌ្ឈន៍ច្រើនអាចប្រឈមកាន់តែខ្លាំងនឹង COPD ដោយសារតែការបំពុលបរិយាកាសតែម្តង។ ដូច្នេះពេលចេញទៅណាមកអ្នកត្រូវតែពាក់ម៉ាសជាប់ខ្លួនជានិច្ច។ យកល្អគួរតែប្រាប់រឿងនេះដល់មនុស្សគ្រប់គ្នាធ្វើតាមផង។ 

របៀបរស់នៅបែបស៊ីដេកៗ

ដោយសារតែសួតមិនមែនជាសាច់ដុំ ការហាត់ប្រាណនឹងមិនធ្វើឲ្យវាកាន់តែរឹងមាំ ឬមិនងាយខូចខាតនោះទេ។ យ៉ាងណាមិញ​ការដែលរស់នៅបែបសកម្មលើរាងកាយនឹងផ្តល់នូវសួរតែលមានសុខភាពល្អគ្រប់គ្រាន់។ ការហាត់ប្រាណតិចតួចទៅកម្រិតមធ្យមនឹងមានប្រយោជន៍ជាពិសេសក្នុងការប្រឆាំងនឹងជំងឺរ៉ាំរ៉ៃរបស់សួតដែរ។ 

មិនបានញ៉ាំអាហារសម្បូរជាតិអង់ទីអុកស៊ីដង់

ការសិក្សាបានបង្ហាញថា អង់ទីអុកស៊ីដង់មានលក្ខណៈល្អណាស់ចំពោះសួត ដូច្នេះហើយរបបអាហារសម្បូរសារធាតុមួយនេះអាចជួយការពារសួតពីហានិភ័យនានាបាន។ បន្លែ និងផ្លែឈើគឺជាប្រភពដ៏ល្អមួយរបស់អង់ទីអុកស៊ីដង់នេះឯង។ ចំពោះបន្លែដូចជា ប្រូខូលី ឬស្ពៃប៉កចយគឺមានសមត្ថភាពការពារសួតបានយ៉ាងល្អបំផុត។ 

មិនពិគ្រោះជាមួយគ្រូពេទ្យ

ជាចុងក្រោយ ការដែលមិនពិគ្រោះជាមួយគ្រូពេទ្យពេលសម្គាល់ឃើញអាការៈមិនធម្មតាទាក់ទងនឹងសួតហើយ ពិតជារឿងមួយមិនល្អឡើយ។ វាមិនខុសគ្នានឹងជំងឺផ្សេងៗឡើយ ការដែលកំណត់រោគវិនិច្ឆ័យ និងព្យាបាលបានទាន់ពេលវេលាអាចជារឿងមួយមានប្រយោជន៍ខ្លាំងណាស់។ (អាន:ថ្នាំងងុយគេង ពេលអ្នកគួរប្រើ) ដូច្នេះចូរទៅពិគ្រោះជាមួយគ្រូពេទ្យនៅពេលដែលអ្នកមានបញ្ហាខ្លាំងក្នុងការដកដង្ហើម ឈឺទ្រូង ឬក្អករយៈពេលយូ៕