ជំងឺខ្យល់ដក់ក្នុងស្រោមសួតកើតឡើងនៅពេលដែលស្រោមសួតស្រាប់តែមានប្រហោងដែលអាចអនុញ្ញាតិឲ្យខ្យល់លេចចូលបាន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខ្យល់នេះអាចចូលទៅក្នុងស្រោមសួតបាននៅពេលមានរបួសនៅទ្រូង ឬមានការរហែកក្នុងសួត ដែលចាហេតុនាំឲ្យដាក់សម្ពាធដល់សួតកាន់តែខ្លាំងបាន។
យ៉ាងណាមិញ ជំងឺខ្យល់ដកក្នុងស្រោមសួតមានពីរប្រភេទគឺ ខ្យល់ដកក្នុងស្រោមសួតដែលបណ្តាលមកពីការប៉ះទង្គិច និងមិនប៉ះទង្គិច។
ខ្យល់ដកក្នុងស្រោមសួតបណ្តាលមកពីការប៉ះទង្គិច
ប្រភេទជំងឺដកក្នុងស្រោមសួតនេះច្រើនតែកើតឡើងក្រោយពីមានការប៉ះទង្គិចនៅទ្រូង ឬជញ្ជាំងសួត។ ការប៉ះទង្គិចនេះអាចបណ្តាលឲ្យខូចខាតដល់រចនាសម្ព័ន្ធរបស់ទ្រូង និងអនុញ្ញាតិឲ្យខ្យល់លេចចូលទៅក្នុងស្រោមសួតបាន។
មូលហេតុដែលបណ្តាលឲ្យមានការប៉ះទង្គិចរហូតដល់កើតជំងឺខ្យល់ដកក្នុងស្រោមសួតមានដូចជា៖
- ការផ្ទុះពងក្នុងឡានដោយសារតែគ្រោះថ្នាក់ចរាចរណ៍
- មានរបស់រឹងប៉ះនឹងទ្រូងក្នុងពេលលេងកីឡា
- មានរបស់មុតស្រួចចាក់ចំទ្រូង
- ពេលធ្វើការងារវេជ្ជសាស្រ្តដែលអាចបណ្តាលឲ្យខូចសួតដូចជា ការចាក់ម្ជុរបង្ហូរចេញពីទ្រូង ការប្រើម៉ាស៊ីនសប់ខ្យល់ ឬច្រឹបសាច់សួតទៅពិនិត្យ។
ការប្រែប្រួលសម្ពាធខ្យល់ក្នុងបំពង់អុកស៊ីសែនសម្រាប់អ្នកហែលមុជទឹកក្នុងបាតសមុទ្រ ឬឡើងភ្នំក៏អាចបណ្តាលឲ្យកើតជំងឺខ្យល់ដកក្នុងស្រោមសួតដែរ។
ខ្យល់ដកក្នុងស្រោមសួតមិនបណ្តាលមកពីការប៉ះទង្គិច
ជំងឺនេះមិនបណ្តាលមកពីការមានរបួស ឬការប៉ះទង្គិចទេ តែវាកើតឡើងដោយខ្លួនឯង។ ករណីបែបនេះមានពីរប្រភេទទៀតគឺបែប Primary និង Secondary។ Primary មានន័យថា ជំងឺនេះបណ្តាលមកពីជំងឺសួតខ្លួនឯង ខណៈពេលដែល Secondary កើតឡើងដោយសារតែបញ្ហានៅសួត។
បញ្ហាមួយចំនួនដែលនាំឲ្យប្រឈមខ្ពស់នឹងជំងឺខ្យល់ដកក្នុងស្រោមសួតដោយខ្លួនឯងបែប Secondary មានដូចជា៖
- មានជំងឺស្ទះសួតរ៉ាំរ៉ៃដូចជា ជំងឺ Emphysema ឬរលាកទងសួតរ៉ាំរ៉ៃ
- ការបង្ករោគស្រួចស្រាវ ឬរ៉ាំរ៉ៃដូចជា ជំងឺរបេង ឬរលាកសួត
- មហារីកសួត(អាន:ថ្នាំងងុយគេង ពេលអ្នកគួរប្រើ)
- ជំងឺ Cystic Fibrosis ដែលជាជំងឺសួតបែបហ្សែនមួយប្រភេទដែលនាំឲ្យកើតស្លេស្មច្រើនក្នុងសួត
- ជំងឺហឺត ដែលជាជំងឺស្ទះផ្លូវដង្ហើមរ៉ាំរ៉ៃមួយប្រភេទ ដែលបង្កការរលាករហូត៕