រឿងនេះបើយើងវិភាគមើលទៅឃើញថា រស់ជាតិដ៏ផ្អែមឆ្ងាញ់របស់ផ្លែល្មុតគឺត្រូវចិត្តរបស់មនុស្សគ្រប់វ័យតែម្តង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) វាអាចប្រើជាបង្អែមដ៏ល្អបំផុតសម្រាប់មនុស្សយើង។ ដូច្នេះតើអ្នកមានដឹងទេថា វាមានប្រយោជន៍បែបណាខ្លះចំពោះសុខភាពមនុស្សយើងដែរទេ?
ជាថ្នាំងងុយគេងធម្មជាតិ
ផ្លែល្មុតត្រូវបានចាត់ទុកថាជាថ្នាំងងុយគេងធម្មជាតិ និងត្រូវបានគេប្រើដើម្បីបំបាត់ស្រ្តេស និងបន្ធូរសរសៃប្រសាទ។ ជាញឹកញាប់អ្នកដែលឧស្សាហ៍ខ្លាចខុសធម្មតា និងគេងមិនល្អតែងតែត្រូវបានគ្រូពេទ្យណែនាំញ៉ាំផ្លែល្មុតនេះតែម្តង។ វាក៏ត្រូវបានគេចាត់ទុកថាជាថ្នាំប្រឆាំងការបាក់ទឹកចិត្តដ៏ល្អបំផុតដែរ។
ប្រភពដ៏ល្អនៃជាតិរ៉ែ
ល្មុតទំ និងស្រស់សុទ្ធតែជាប្រភពដ៏ល្អមួយនៃជាតិរ៉ែដូចជា ទងដែង ប៉ូតាស្យូម និងដែក។ វាក៏មានវីតាមីនច្រើនដែរដូចជា Niacin, Folate និង Pantothenic Acid។ សារធាតុទាំងនេះមានសារៈសំខាន់ណាស់សម្រាប់សុខភាព ព្រោះវានឹងចូលរួមក្នុងដំណើរការណ៍រំលាយអាហារក្នុងរាងកាយក្នុងនាមជា Co-factors សម្រាប់ជួយដល់អង់ស៊ីម។
ជាប្រភពដ៏ល្អនៃជាតិសរសៃ
ផ្លែល្មុតជាប្រភពដ៏ល្អមួយនៃជាតិសរសៃដែលមានហូតដល់ ៥,៦ក្រាមឯណោះ ក្នុងចំនួនល្មុត ១០០ក្រាម ដូច្នេះវាពិតជាដើរនាទីដ៏ល្អមួយសម្រាប់បន្ទន់លាមក។ ជាតិសរសៃនឹងជួយបំបាត់ការទល់លាមក និងការពារស្រទាប់របស់ពោះវៀនពីជាតិពុលបង្កមហារីកបាន។
សម្បូរអង់ទីអុកស៊ីដង់
ផ្លែល្មុតផ្ទុកទៅដោយអង់ទីអុកស៊ីដង់ Poly-phenolic មួយប្រភេទឈ្មោះថា Tannins ដែលត្រូវបានគេដដឹងថា មាននាទីជួយប្រឆាំងនឹងបាក់តេរី វីរុស ប៉ារ៉ាសិត និងការរលាកបានយ៉ាងល្អ។ វាក៏មានប្រយោជន៍ក្នុងការឃាត់ឈាម និងព្យាបាលជំងឺឬសដូអបាតដែរ។ ចំណែកឯឥទ្ធិពលប្រឆាំងការរលាករបស់ Tannins វិញ នឹងជួយកាត់បន្ថយបញ្ហាជាច្រើនដូចជា រលាកបំពង់លើក្រពះដោយការច្រាលទឹកអាស៊ីតពីក្រពះ រលាកក្រពះ រលាកពោះវៀនជាដើម។ ផ្លែឈើមួយចំនួនដែលសម្បូរសារធាតុ Tannins រួមមាន ផ្លែទន្លាប់ ទទឹម ទំពាំងបាយជូរជាដើម។
ផ្តល់កម្លាំងបែបធម្មជាតិ
ផ្លែល្មុតមានជាតិស្ករប្រភេទ Sucrose និង Fructose ដែលវាទាំងពីរនេះសុទ្ធតែជួយសាងសងភាពថ្មីឡើងវិញដល់រាងកាយជាមួយនឹងថាមពលបែបធម្មជាតិតែម្តង។
វីតាមីន
ផ្លែល្មុតមានអង់ទីអុកស៊ីដង់ល្អៗមួយចំនួនដូចជា វីតាមីន A និង C។ វីតាមីន A ល្អចំពោះសុខភាពភ្នែក ហើយក៏អាចជួយថែរក្សាសុខភាពស្បែក និងភ្នាសរំអិលរបស់ស្បែកបានដែរ។
ការញ៉ាំផ្លែឈើធម្មជាតិដែលមានវីតាមីន A និងផ្តល់ការការពារមិនឲ្យកើតជំងឺមហារីកមាត់ និងសួតទៀត។(អាន:ថ្នាំងងុយគេង ពេលអ្នកគួរប្រើ) ម៉្យាងវិញទៀត ការញ៉ាំអាហារសម្បូរវីតាមីន C នឹងជួយរាងកាយបង្កើតភាពស៊ាំនឹងការបង្ករោគ និងជួយលុបបំបាត់រ៉ាឌីកាលសេរីពីក្នុងខ្លួនទៀតផង៕
