យុទ្ធសាស្ត្រ៤នេះ នឹងធ្វើឲ្យការងារអ្នកបានផលខ្ពស់

ខាងក្រោមនេះ យើងខ្ញុំនឹងបង្ហាញអ្នកពីរបៀបធ្វើឲ្យការងារអ្នកទទួលបានផលខ្ពស់។ តើមានអ្វីខ្លះទៅ?

1.    អ្នកគួរតែរៀបចំផែនការឲ្យបានច្បាស់ពីការងារដែលអ្នកត្រូវធ្វើក្នុងថ្ងៃនេះ។ នៅពេលដែលអ្នកទុកកាលវិភាគនេះបានល្អ នោះការងារអ្នកនឹងអាចដើរទៅមុខបានយ៉ាងរលូន គ្មានឧបសគ្គអ្វីអាចមករារាំងបានឡើយ។

2.    នៅពេលដែលក្នុងកាលវិភាគអ្នកមានការងារច្រើន អ្នកគួរតែជ្រើសរើសការងារដែលចាំបាច់ និងបន្ទាន់មកបំពេញជាមុនសិន ទើបអ្នកអាចទទួលបានផលពីការងារទាំងឡាយដែលមានលើដៃអ្នក។

3.    អ្នកគួរតែចៀសឲ្យឆ្ងាយពីការបំពេញការងារច្រើនក្នុងពេលតែមួយ ព្រោះវាមិនត្រឹមតែមិនអាចធ្វើឲ្យអ្នកជោគជ័យនោះទេ វានឹងធ្វើឲ្យការងារអ្នកមានលក្ខណៈច្របូលច្របល់ខ្លាំងណាស់។ ចុងក្រោយ អ្នកនឹងមិនអាចធ្វើបានផលអ្វីមួយនោះទេ។

4.    ការងារគឺធ្វើមិនអស់ឡើយ ដូចនេះ អ្នកគួរតែរកពេលសម្រាកខ្លះ ទើបអ្នកអាចទទួលបានថាមពលគ្រប់គ្រាន់ក្នុងការបន្តការងារដែលនៅសល់។ ដូចនេះ អ្នកអាចអនុវត្តតាមវិធីទាំងឡាយខាងលើនេះ ដើម្បីទទួលបានផលខ្ពស់ពីការងារអ្នកបានយ៉ាងងាយស្រួល៕