គ្មាននរណាម្នាក់មិនបានដឹងថា តែបៃតងគឺជាភេសជ្ជៈដែលផ្តល់សុខភាពល្អបំផុតនោះទេ។ ក្នុងទឹកតែបៃតងមួយពែងៗអាចមានអង់ទីអុកស៊ីដង់ជាច្រើនដែលអាចជួយប្រឆាំងសម្ពាធអុកស៊ីតកម្ម និងការរលាក បូករួមនឹងមានជីវជាតិជាច្រើនដូចជា ស័ង្គសី ម៉ងហ្គាណេស និងវីតាមីន A, B និងC ជាដើម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ថ្វីបើវាពិតជាល្អចំពោះសុខភាពមែនក៏ដោយ តែការញ៉ាំតែបៃតងច្រើនជាងតម្រូវការពេក អាចបង្កជាផលអាក្រក់ច្រើនជាងទៅវិញ។ អ្នកជំនាញបាននិយាយថា យកល្អគួរតែកាត់បន្ថយការញ៉ាំតែបៃតងកុំឲ្យច្រើនជាង ៥ពែងក្នុងមួយថ្ងៃបើសិនជាអ្នកជាមនុស្សចូលចិត្តញ៉ាំតែបៃតងច្រើនៗ។ យ៉ាងណាមិញ ការដែលញ៉ាំតែបៃតងច្រើនពេកក្នុងមួយថ្ងៃ ឬច្រើនជាងការណែនាំខាងលើនេះ អ្នកអាចនឹងប្រឈមនឹងផលរំខានរបស់វាដូចខាងក្រោមនេះ៖
ចង្វាក់បេះដូងដើរញ៉ាប់ និងសម្ពាធឈាមឡើងខ្ពស់
បើសិនជាអ្នកកំពុងតែញ៉ាំតែបៃតងច្រើនៗក្នុងមួយថ្ងៃ វាទំនងជាងាយនឹងធ្វើឲ្យបេះដូងលោតញ៉ាប់ និងលើសសម្ពាធឈាមបាន ដោយសារតែញ៉ាំជាតិកាហ្វេអ៊ីនច្រើនពេក។ ជាពិសេសបើសិនជាអ្នកត្រូវបានគេរកឃើញថាមានជំងឺបេះដូងហើយ ការដែលបេះដូងលោតញ៉ាប់ៗ ឬខ្លាំងពេក ហើយសម្ពាធឈាមឡើងខ្ពស់ទៀត វាពិតាមិនមែនជារឿងធម្មតាឡើយ។
ស្រ្តេស និងថប់អារម្មណ៍កាន់តែខ្លាំង
មនុស្សជាច្រើនដែលស្រ្តេសខ្លាំងតែងតែត្រូវការញ៉ាំតែបៃតងមួយពែកដើម្បីរំសាយអារម្មណ៍មួយនេះ។ ខណៈពេលដែលវាអាចមានប្រសិទ្ធភាពបែបនេះមែន តែការញ៉ាំវាច្រើនពេក កាន់តែធ្វើឲ្យស្រ្តេសខ្លាំងលើសដើម ដោយសារតែជាតិកាហ្វេអ៊ីនរបស់វាជំរុញដល់ការបញ្ចេញអ័រម៉ូនស្រ្តេសក្នុងឈាម។ ប៉ុន្តែអ្នកអាចញ៉ាំតែពីរបីពែងក្នុងមួយថ្ងៃគឺបានហើយ។
ស្លេកស្លាំង អស់កម្លាំង និងដកដង្ហើមខ្លីៗ
ការដែលញ៉ាំតែបៃតងច្រើនៗពេកក្នុងមួយថ្ងៃ អាចធ្វើឲ្យកង្វះជាតិដែកក្នុងឈាមបាន ដែលរឿងនេះនឹងបង្កជាការកង្វះគ្រាប់ឈាមក្រហមក្នុងខ្លួនទៀត។ ការពិតនោះគឺថា តែបៃតងមានសមត្ថភាពទប់ស្កាត់ការបឺតស្រូបជាតិដែកពីចំណីអាហារដូចជា សាច់ក្រហម ត្រី គ្រាប់ធញ្ញជាតិ ស្ពៃស្ពីណាចជាដើម។ ហេតុដូច្នេះហើយទើបការញ៉ាំតែបៃតងភ្លាមៗក្រោយបាយរួចត្រូវបានអ្នកវិទ្យាសាស្រ្តមិនណែនាំឲ្យញ៉ាំឡើយ ព្រោះវាអាចជំរុញដល់ការកង្វះគ្រាប់ឈាមក្រហមក្នុងខ្លួន។
ឈឺក្រពះ និងរាករូស
ក្រៅពីអង់ទីអុកស៊ីដង់ និងមីក្រូជីវជាតិជាច្រើន តែបៃតងក៏មានសារធាតុ Tannins ផងដែរ ដែលវាដើរតួនាទីជា Astringent សម្រាប់ជំរុញដល់ជាលិកាមួយជំនួនរួញស្វិត។ ការញ៉ាំសារធាតុនេះច្រើនពេកអាចធ្វើឲ្យស្ងួតមាត់ ចង្អោ និងឈឺក្រពះបាន។ (អាន:ថ្នាំងងុយគេង ពេលអ្នកគួរប្រើ)មួយវិញទៀត ការញ៉ាំតែបៃតងច្រើន អាចធ្វើឲ្យរាករូសបានដោយសារតែសមត្ថភាពរបស់ជាតិកាហ្វេអ៊ីនជំរុញដល់ការបន្ទន់លាមក៕
