តើអ្នកធ្លាប់មានបញ្ហាភ្ញាក់ពីគេងព្រឹកឡើងគាំងសន្លាក់ដែរទេ? ខណៈពេលដែលវាគឺជាការពិតមួយដែលថា ជាបញ្ហាកើតឡើងជាញឹកញាប់នៅពេលអាយុកាន់តែច្រើន ប៉ុន្តែវាក៏អាចកើតឡើងលើមនុស្សគ្រប់វ័យដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ក្រៅពីសន្លាក់ទៅជាគាំង វាក៏ទំនងជាធ្វើឲ្យមិនមានផាសុកភាព ឈឺចាប់ ហើម និងឡើងក្រហមនៅឡើសន្លាក់ដែលមានបញ្ហាទាំងនោះដែរ។ ខាងក្រោមនេះគឺជាមូលហេតុញឹកញាប់មួយចំនួនដែលបណ្តាលឲ្យសន្លាក់ងាយនឹងគាំងជាញឹកញាប់នៅពេលព្រឹក៖
- ការមានរបួសលើសន្លាក់ ដោយសារតែកីឡា ឬការប៉ះទង្គិចនឹងអ្វីមួយ
- ជំងឺរលាកឆ្អឹងខ្ចីក្នុងសន្លាក់
- ជំងឺរលាកសន្លាក់ប្រភេទ Rheumatoid Arthritis ដែលបណ្តាលមកពីប្រព័ន្ធភាពស៊ាំធ្វើការខុសប្រក្រតី
- ការរលាកថង់ទឹកទ្រនាប់ក្នុងសន្លាក់ ឬហៅថា Bursitis
ដូច្នេះតើអ្វីទៅដែលអ្នកអាចធ្វើបានដើម្បីបន្ថយការគាំសន្លាក់ដោយសារតែជំងឺខាងលើ? ខាងក្រោមនេះគឺជាជម្រើសព្យាបាលដោយខ្លួនឯងមួយចំនួនដែលអ្នកអាចធ្វើបាន៖
- ស្អំទឹកកក៖ អ្នកអាចចំណាយពេលស្អំទឹកកកប្រហែល ២០នាទីឲ្យបានច្រើនដងក្នុងមួយថ្ងៃ។ រឿងនេះមិនត្រឹមតែអាចបន្ថយការគាំងទេ ថែមទាំងបន្ថយការឈឺចាប់ថែមទៀត។
- តែខ្ញី ឬរមៀត៖ នេះដោយសារតែតែប្រភេទនេះផ្ទុកទៅដោយសារធាតុប្រឆាំងការរលាក ដែលអាចជួយបន្ថយការហើម និងគាំងក្នុងសន្លាក់បាន
- សកម្មភាពរាងកាយ៖ វាទំនងជាងាយធ្វើឲ្យសន្លាក់ទៅជាឈឺ និងគាំងខ្លាំងណាស់បើសិនជាអ្នកចំណាយពេលគេងលើគ្រែយូរពេក ដូច្នេះគួរតែធ្វើសកម្មភាពរាងកាយឲ្យបានច្រើន។
- សម្រកទម្ងន់៖ ការដែលធាត់ពុកអាចបង្កជាអាការៈនៃការរលាកសន្លាក់កាន់តែធ្ងន់ធ្ងរជាងមុន ហើយក៏ដាក់សម្ពាធកាន់តែខ្លាំងទៅលើសន្លាក់ផងដែរ ដូច្នេះហើយការថែរក្សាទម្ងន់ឲ្យស្ថិតក្នុងកម្រិតធម្មតាគឺជារឿងល្អមួយ។
- ប្រេងអូលីវ៖ ក្នុងប្រេងអូលីវមានសារធាតុជាច្រើនដែលអាចជួយផ្តល់ភាពរអិលដល់សន្លាក់បាន។ ក្រៅពីនេះ ការបន្ថយប្រេងអូលីវក្នុងរបបអាហារ ក៏អាចជួយផ្តល់ឥទ្ធិពលកាន់តែល្អចំពោះសន្លាក់ដែលមានបញ្ហាដែរ។
- អូមេហ្គាបី៖ អ្នកជំនាញបានបញ្ជាក់ថា អូមេហ្គាបីគឺជាប្រេងដ៏ល្អបំផុតមួយក្នុងការដោះស្រាយបញ្ហាគាំងសន្លាក់ ហើម និងឈឺចាប់បាន។(អាន:ថ្នាំងងុយគេង ពេលអ្នកគួរប្រើ) ប្រភពដ៏ល្អនៃអូមេហ្គាបីមានដូចជា ត្រីសម្បូរខ្លាញ់ ផ្លែប័រ គ្រាប់ធញ្ញជាតិ និងគ្រាប់ផ្លែឈើជាដើម។
អ្វីដែលកាន់តែសំខាន់ទៀតនោះ បើសិនជាការគាំងសន្លាក់កំពុងតែរំខានដល់ការងារប្រចាំថ្ងៃ ខ្លាំង គួរតែប្រាប់ឲ្យគ្រូពេទ្យដឹងផងដើម្បីអាចមានដំណោះស្រាយកាន់តែប្រសើរ៕