ការសិក្សាថ្មីមួយបានបញ្ជាក់ឲ្យដឹងថា ការញ៉ាំគ្រាប់ផ្លែឈើយ៉ាងហោចណាស់ពីរដងក្នុងមួយសប្តាហ៍ ឃើញថា អាចជួយបន្ថយការស្លាប់ដោយសារតែជំងឺបេះដូងសរសៃឈាមបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការសិក្សានេះធ្វើឡើងដោយអ្នកស្រាវជ្រាវមកពីវិទ្យាស្ថាន Isfahan Cardiovascular Research Institute ប្រទេសអ៊ីរ៉ង ដែលធ្វើការសើបអង្កេតទៅលើភាពអាចទៅរួចនៃទំនាក់ទំនងរវាងការញ៉ាំគ្រាប់សណ្តែកដី និងការប្រឈមជំងឺបេះដូងសរសៃឈាម ព្រមទាំងការស្លាប់លើប្រជាជនអ៊ីរ៉ង។ ការសិក្សានេះត្រូវបានចូលរួមដោយមនុស្សពេញវ័យសរុប ៥៤៣២នាក់ អាយុចាប់ពី ៣៥ឆ្នាំឡើងទៅ ដោយមិនមានប្រវត្តិជំងឺបេះដូងសរសៃឈាមអ្វីឡើយ។ ពួកគេត្រូវបានគេជ្រើសពីតំបន់ជនបទ និងទីប្រជុំជុន នៃតំបន់ Arak, Isfahan, និង Najafad ហើយការញ៉ាំគ្រាប់ផ្លែឈើរបស់ពួកគេ (គ្រាប់ផ្លែអាលម៉ុន សណ្តែកដី គ្រាប់រីករាយជាដើម) ត្រូវបានវាយតម្លៃតាមរយៈគារប្រើតារាងសំណួរ។ បន្ទាប់មក អ្នកស្រាវជ្រាវក៏បានតាមដាន និងកត់ត្រាអត្រានៃការស្លាប់ និងការកើតជំងឺបេះដូងសរសៃឈាមដែលមានដូចជា ដាច់សរសៃឈាមខួរក្បាល ជំងឺបេះដូងសរសៃឈាម ការស្លាប់ដោយសារមូលហេតុគ្រប់ប្រភេទ ជំងឺបេះដូងសរសៃឈាមសរុប និងការស្លាប់ដោយសារតែជំងឺបេះដូងសរសៃឈាម។ ក្រោយមកគេបានរកឃើញថា ការមានទម្លាប់ញ៉ាំគ្រាប់ផ្លែឈើខាងលើ យ៉ាងហោចណាស់ពីរដងឡើងទៅក្នុងមួយសប្តាហ៍មានទំនាក់ទំនងមួយក្នុងការបន្ថយការស្លាប់ដោយសារតែជំងឺបេះដូងសរសៃឈាមបាន ១៧ភាគរយ នៅពេលប្រៀបធៀបជាមួយអ្នកដែលញ៉ាំគ្រាប់ផ្លែឈើនេះតែម្តងក្នុងមួយសប្តាហ៍។ 

យោងទៅតាមប្រធានដឹកនាំការសិក្សានេះបានឲ្យដឹងទៀតថា គ្រាប់ផ្លែឈើផ្ទុកទៅដោយជាតិខ្លាញ់ប្រភេទ Saturated Fat តិចតួច ហើយក៏ជាប្រភពដ៏ល្អមួយនៃខ្លាញ់ Unsaturated Fat ផងដែរ។ ក្រៅពីនេះវាមានវីតាមីន ជាតិរ៉ែ ប្រូតេអ៊ីន Phytosterols ជាតិសរសៃ និង Polyphenols ដែលមានប្រយោជន៍ចំពោះបេះដូង។ (អាន:ថ្នាំងងុយគេង ពេលអ្នកគួរប្រើ)

ការញ៉ាំគ្រាប់ធញ្ញជាតិដែលគ្មានជាតិប្រៃ ៣០ក្រាមរាល់ថ្ងៃគឺជាផ្នែកមួយនៃរបបអាហារដែលផ្តល់សុខភាព ខណៈពេលដែលកម្រិតថាមពលនៃគ្រាប់ធញ្ញជាតិនៃមានខ្ពស់ផងដែរ៕