តើរបស់ដែលល្វីងៗមានប្រយោជន៍ដល់សុខភាពដែរទេ?

ដូចអ្នកទាំងអស់គ្នាធ្លាប់ដឹងហើយថា ភាពល្វីងតែងតែមិនមែនជាចម្រើសដែលមនុស្សទូទៅចង់បាននោះទេ ជាពិសេសរបស់ដែលដាក់ចូលទៅក្នុងមាត់តែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែបើសិនជាអ្នកជាមនុស្សដែលតែងតែគិតអំពីសុខភាព ឬកំពុងតែដោះស្រាយបញ្ហាដូចជា ទល់លាមក ជំងឺទឹកនោមផ្អែមប្រភេទទី២ និងជំងឺថ្លើម ការញ៉ាំរបស់ល្វីងពីធម្មជាតិ នឹងមានប្រយោជន៍វិញ។ ត្រង់ចំណុចនេះភាពល្វីងដែលខ្ញុំលើកមកនិយាយនេះគឺល្វីងពីធម្មជាតិ ជាពិសេសពីបន្លែតែម្តង ដែលអ្នកនឹងទទួលបានប្រយោជន៍ពីវាយ៉ាងច្រើននៃការញ៉ាំបន្លែល្វីដូចខាងក្រោមនេះ៖

បញ្ចុះជាតិស្ករក្នុងឈាម

បើសិនជាអ្នកកំពុងតែមានជំងឺទឹកនោមផ្អែមប្រផេទទី២ ឬត្រៀមកើតជំងឺទឹកនោមផ្អែមហើយ យកល្អគួរតែបញ្ចូលរបបអាហារល្វីងៗក្នុងជីវិតផង។ នេះដោយសារតែវាអាចបញ្ចុះជាតិស្ករក្នុងឈាម ហើយក៏មិនឲ្យអ្នកឃ្លានរបស់ផ្អែមដែរ។ 

សម្រកទម្ងន់

ដោយសារតែភាពល្វីងមិនជំរុញឲ្យអ្នកឃ្លានរបស់ផ្អែមៗ ដូច្នេះវាគឺជារឿងដ៏ល្អបំផុតដែលអ្នកអាចសម្រកទម្ងន់បាន។ ក្រៅពីនេះ វាមានសមត្ថភាពទប់ស្កាត់ភាពឃ្លានអាហារបានតិចតួចដែរ។ ពិតណាស់ ការបញ្ចូលអាហារល្វីជាមួយគ្នានឹងការញ៉ាំអាហារផ្តល់សុខភាព ព្រមទាំងហាត់ប្រាណទៀងទាត់ទៀតនោះ នឹងជំរុញដល់ការស្រកទម្ងន់កាន់តែមានប្រសិទ្ធភាព។ 

ពង្រឹងដល់បញ្ហានៃការរំលាយអាហារ

មានបញ្ហាក្រពះពោះវៀនប្រចាំថ្ងៃច្រើនណាស់ដែលភាពល្វីងអាចជួយបាន។ ឧទាហរណ៍ ការញ៉ាំតែល្វីងខ្លះអាចជួយបំបាត់បញ្ហាក្រពះមិនកិន និងការច្រាលអាស៊ីតក្រពះ។ មនុស្សជាច្រើនក៏បានទទួលស្គាល់ថា ភាពល្វីងមានប្រសិទ្ធភាពបំបាត់អាការៈចង្អោ ហើមពោះ ផោមច្រើន និងទល់លាមកផង។ 

បង្កើនសុខភាពពោះវៀន

ភាពល្វីងនឹងជួយបង្កើនចំនួនបាក់តេរីល្អៗក្នុងពោះវៀន។ យោងទៅតាមអ្នកវិទ្យាសាស្រ្តបានឲ្យដឹងថា ភាពល្វីងផ្ទុកទៅដោយ  Prebiotic ដែលអាចជួយបង្កើនការលូតលាស់បាក់តេរីល្អៗក្នុងពោះវៀន។ 

បង្កើនការបឺតស្រូបជីវជាតិ

ដោយសារតែភាពល្វីងផ្តល់ផលល្អខ្លាំងដល់ក្រពះ ថ្លើម ប្រមាត់ និងលំពែង ដូច្នេះវាក៏គ្មានអ្វីត្រូវឆ្ងល់ថា ហេតុអ្វីបានជាអាចជួយបង្កើនការរំលាយអាហារ និងបឺតស្រូបជីវជាតិក្នុងពោះវៀនដែរ។ កាលណារាងកាយទទួលបានជីវជាតិកាន់តែគ្រប់គ្រាន់ និងច្រើន ដូច្នេះវាក៏អាចពង្រឹងដល់ប្រព័ន្ធភាពស៊ាំកាន់តែខ្លាំងថែមទៀតដែរ។

ពន្យាភាពចាស់របស់ស្បែក

តើអ្នកកំពុងតែខ្វាយខ្វល់អំពីបញ្ហាសម្រស់មែនទេ?(អាន:ថ្នាំងងុយគេង ពេលអ្នកគួរប្រើ) បើចឹងមែន ចូរប្រាកដថាអ្នកញ៉ាំបន្លែល្វីងៗទៀងទាត់ផង ព្រោះអាហារល្វីងភាគច្រើនដូចជា បន្លែជាស្ពៃក្តោបៗមានសមត្ថភាពបន្សាបជាតិពុលដែល ដូច្នេះវានឹងជំរុញដល់សុខភាពស្បែកកាន់តែល្អ ហើយស្រស់ស្អាត៕