នៅពេលយើងនិយាយអំពីអ្វីដែលជំរុញដល់សុខភាពកាន់តែល្អ គេតែងតែលើកឡើងអំពីការហាត់ប្រាណជានិច្ច ព្រោះវាមិនត្រឹមមានប្រយោជន៍ច្រើនដល់សុខភាព និងសម្រកទម្ងន់ប៉ុណ្ណោះទេ តែក៏ជួយឲ្យមានអារម្មណ៍ល្អដែរ។​ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាអ្នកញ៉ាំបន្លែធម្មជាតិ ១០០ភាគរយ ដោយគ្មានការហាត់ប្រាណក៏ដោយ ក៏វានៅតែមិនសូវល្អចំពោះសុខភាពប៉ុន្មានដែរ។ ប៉ុន្តែតាមការសិក្សាថ្មីមួយបានឲ្យដឹងថា វីតាមីន C អាចជំរុញដល់ឥទ្ធិពលថែរក្សាសុខភាពបេះដូងដូចក្នុងពេលហាត់ប្រាណដែរ។ 

អ្នកស្រាវជ្រាវបានបង្ហាញថា ខណៈពេលដែលវីតាមីន C អាចបង្កើតបានជាអត្ថប្រយោជន៍ចំពោះបេះដូងសរសៃឈាមស្រដៀងគ្នាក្នុងពេល និងក្រោយពេលហាត់ប្រាណក៏ដោយ ក៏វាមិនអាចផ្តល់នូវការបង្កើនការរំលាយអាហារដូចគ្នា ទ្រទ្រង់ដល់អារម្មណ៍ និងបង្កើនមុខងារប្រព័ន្ធភាពស៊ាំដែលការហាត់ប្រាណផ្តល់នោះទេ។ មែនហើយ វីតាមីន C ប្រហែលជាបង្កើតបានជាឥទ្ធិពលទាំងនេះខ្លះ ប៉ុន្តែការហាត់ប្រាណឃើញថាផ្តល់ប្រយោជន៍ច្រើនជាង។ តាមពិត ការផ្សំគ្នានៃការហាត់ប្រាណ បូករួមនឹងរបបអាហារផ្តល់សុខភាពទៀតនោះ វាពិតជាផ្តល់ឥទ្ធិពលវិជ្ជមានកាន់តែច្រើនដល់សុខភាព។ 

រាល់ការហាត់ប្រាណទាំងអស់ដែលបង្កើនចង្វាក់បេះដូងគឺមានប្រយោជន៍ណាស់ដល់សុខភាពបេះដូង ប៉ុន្តែការដើរ រត់ និងហាត់ក្បាច់យូហ្គាគឺជាលំហាត់ប្រាណដែលអាចពង្រឹងដល់ភាពរឹងមាំរបស់បេះដូងយ៉ាងអស្ចារ្យ។ ការបន្ថយស្រ្តេសក៏ជាលំហាត់ប្រាណមួយផ្សេងទៀតដែលអ្នកគួរតែអនុវត្តរាល់ថ្ងៃដើម្បីផ្តល់ប្រយោជន៍ដល់បេះដូងដែរ។ ចាប់តាំងពីរស្រ្តេសមានឥទ្ធិពលទៅលើបេះដូងយ៉ាងខ្លាំងមក យកល្អគួរតែធ្វើការតាំងមាធិ ឬប្រើវិធីគ្រប់គ្រងស្រ្តេស។ (អាន:ថ្នាំងងុយគេង ពេលអ្នកគួរប្រើ)ចូរគេង និងដើរហាលថ្ងៃឲ្យបានច្រើនដើម្បីទទួលបានវីតាមីន D ច្រើន។ បើសិនជាអ្នកមិនអាចចេញទៅខាងក្រៅទេ ចូរញ៉ាំថ្នាំបំប៉នវីតាមីន D ក៏បានដែរ៕