ការធាត់ជ្រុលបានក្លាយទៅជាបញ្ហាដ៏ធំមួយ ដោយសារតែវាជាបញ្ហារូបរាងកាយតែមួយមុខទេ តែក៏អាចបង្កជាបញ្ហាសុខភាពជាច្រើនទៀតផងដែរ។ ជាក់ស្តែង បើសិនជាយើងមិនទៅក្នុងបណ្តាញសង្គមនានា ជាពិសេស Facebook យើងច្រើនតែជួបយុវវ័យជាច្រើនរអ៊ូរទាំអំពីការឡើងទម្ងន់របស់ខ្លួនដោយនិយាយថា “អ្នកស្គមគេញ៉ាំអីក៏នៅតែស្គម អ្នកធាត់វិញ គ្រាន់តែហិតក្លិនក៏ធាត់ដែរ”។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដូច្នេះវាពិតជាធ្វើឲ្យពួកគេឆ្ងល់ខ្លាំងណាស់ ហើយក៏មិនដឹងមកពីហេតុអ្វីបានជាអញ្ចឹងដែរ។ ខាងក្រោមនេះខ្ញុំនឹងបង្ហាញអំពីមូលហេតុមួយចំនួនដែលធ្វើឲ្យមនុស្សយើងធាត់ឡើងទម្ងន់ដោយមិនទាក់ទងនឹងការញ៉ាំចំណីអាហារទេ។
អតុល្យភាព
ករណីនេះចង់និយាយថា បើសិនជាអ្នកញ៉ាំ ១០០០កាឡូរី អ្នកគួរតែចំណាយវាចោលវិញ តែបើសិនជាអ្នកមិនព្រមធ្វើការដើម្បីរំលាយវាទេនោះ វានឹងបំលែងទៅជាជាតិខ្លាញ់ក្នុងរាងកាយ ដែលវាកក់នៅតាមក្បាលពោះ ភ្លៅ ជាដើម។ មិនត្រឹមតែប៉ុណ្ណោះវាក៏អាចកកនៅក្នុងសរសៃឈាម ដែលជាហេតុនាំឲ្យមានគ្រោះថ្នាក់យ៉ាងខ្លាំងដល់សុខភាព ជាពិសេសជំងឺបេះដូងសរសៃឈាមតែម្តង នោពេលអាយុកាន់តែច្រើន។
គំរូពីឪពុកម្តាយនិងខ្លួនឯង
ទំនួលខុសត្រូវសម្រាប់សុខភាពកូនម្នាក់ៗ និងការផ្គត់ផ្គង់អាហារូបត្ថម្ភត្រឹមត្រូវបំផុតនោះគឺ ឪពុកម្តាយ ជាពិសេសម្តាយតែម្តង ព្រោះពួកគេជាអ្នកដែលងាយដែលត្រូវបានកូនៗរបស់ខ្លួនងាយសម្របខ្លួន និងធ្វើតាមណាស់។ ឧទាហរណ៍ បើសិជាអ្នកចូលចិត្តញ៉ាំផ្អែមច្រើននោះ កូនរបស់អ្នកពិតជាមិនចូលចិត្តញ៉ាំបន្លែ ឬផ្លែឈើឡើយ។
ការរំលាយអាហារខុសគ្នា
មានមនុស្សមួយចំនួនដែលមានសំណាងបានញ៉ាំអ្វីដែលពួកគេចង់ញ៉ាំហើយ តែមិនឡើងទម្ងន់។ នេះដោយសារតែការរំលាយរបស់ពួកគេមានលក្ខណៈលឿនជាងគេ។ ពួកគេអាចញ៉ាំច្រើនជាង ៣៥០០កាឡូរីក្នុងមួយថ្ងៃ នៅតែមិនអាចឡើងទម្ងន់បានទៀត។ ផ្ទុយទៅវិញ អ្នកផ្សេងញ៉ាំតែពីរបីកាឡូរីប៉ុណ្ណោះ បែរជានៅតែឡើងទម្ងន់ទៅវិញ។
ទម្លាប់អាក្រក់
ចូរប្រាកដថា អ្នកបានលុបបំបាត់ទម្លាប់អាក្រក់ទាំងនោះដូចជា ញ៉ាំអាហារពេលព្រឹកលឿន ញ៉ាំអាហារថ្ងៃត្រង់សម្បូរខ្លាញ់ និងក្រញ៉ាំអាហារពេលយប់ និងញ៉ាំច្រើនៗ។
ដំណរពូជ
ពេលខ្លះ និន្នាការនាំឲ្យធាត់ខ្លាំងអាចជារឿងមួយបង្កឡើងដោយដំណរពូជដែរ។ រឿងនេះក៏អាស្រ័យទៅតាមអ្វីដែលជារាងកាយរបស់ពួកគេមានដែរ។ ប៉ុន្តែរឿងនេះមិនមែនមានន័យថា បើសិនបើឪពុកម្តាយស្គមៗ កូនៗត្រូវតែស្គមដែរនោះទេ។
ហេតុផលចិត្តសាស្រ្ត
ខួរក្បាលរបស់យើងមិនអាចឆ្លើយតបត្រឹមត្រូវឡើយទេនៅពេលយើងខឹង សាំចិត្ត ឬស្រ្តេស។ ស្ថិតក្នុងស្ថានភាពបែបនេះ ពួកគេនឹងមានតម្រូវការកាឡូរី និងថាមពលកាន់តែច្រើន។ យ៉ាងណាមិញ អ្នកអាចយកឈ្នះបញ្ហានេះបានតាមរយៈការហាត់ប្រាណ។ (អាន:ថ្នាំងងុយគេង ពេលអ្នកគួរប្រើ)ទោះបីជាការហាត់ប្រាណធម្មតាៗបំផុតក៏នឹងជួយបន្ធូរអារម្មណ៍ និងបង្ការការឃ្លានអាហារខ្លាំងបានដែរ៕