ជាធម្មតា ប្រអប់ដៃរបស់យើងនឹងមានអារម្មណ៍ថាត្រជាក់នៅពេលសីតុណ្ហភាពចុះទាប។ យ៉ាងណាមិញ មានរឿងខ្លះកើតឡើងក្នុងខ្លួនដែឬបើសិនជាប្រអប់ដៃទៅជាត្រជាក់ខណៈពេលដែលអ្នកផ្សេងទៀតមានសីតុណ្ហភាពធម្មតា។ ប៉ុន្តែបើសិនជាប្រអប់ដៃអ្នកចេះតែត្រជាក់ជាប់រហូត អ្នកកំពុងតែអានអត្ថបទដែលត្រឹមត្រូវហើយ ព្រោះយើងនឹងបង្ហាញមូលហេតុរបស់វាដូចខាងក្រោមនេះ។ 

របត់ឈាមរត់មិនល្អ

នៅពេលលំហូរឈាមទៅប្រអប់ដៃមិនគ្រប់គ្រាន់ វាទំនងជាធ្វើឲ្យប្រអប់ដៃនោះទៅជាមានអារម្មណ៍ត្រជាក់ខ្លាំងណាស់។ មានហេតុផលខុសៗគ្នាជាច្រើនដែលរបត់ឈាមទៅដៃមានមិនគ្រប់គ្រាន់ ដូចជា ការជក់បារី មានកំណកស្ទះក្នុងសរសៃឈាមដោយសារតែស្រ្តេសច្រើនពេក ឬរបៀបរស់នៅបែបស៊ីដេកៗ។ បើសិនជា អ្នកមានជំងឺទឹកនោមផ្អែម នោះ វាក៏អាចធ្វើឲ្យត្រជាក់ប្រអប់ដៃដែរ ដោយសារតែចរន្តឈាមរត់ទៅចុងដៃចុងជើងមិនបានគ្រប់គ្រាន់ទេ។ 

មូលហេតុប្រព័ន្ធសរសៃប្រសាទ

ការត្រជាក់ប្រអប់ដៃគឺជាសញ្ញាមួយដែលបញ្ជាក់អំពីបញ្ហានៅប្រព័ន្ធសរសៃប្រសាទ។ នេះដោយសារតែសរសៃប្រសាទក៏មានឥទ្ធិពលដោយផ្ទាល់ទៅលើរបត់ឈាមរត់ដែរ។ ជំងឺសរសៃប្រសាទចុងដៃចុងជើងគឺជាផ្នែកមួយនៃបញ្ហាប្រព័ន្ធសរសៃប្រសាទ ដែលធ្វើឲ្យប្រអប់ដៃទៅជាស្ពឹក ឬឈឺឈៀបៗ ហើយក៏ងាយនឹងធ្វើឲ្យត្រជាក់ផងដែរ។ ភាគច្រើនជំងឺនេះកើតឡើងដោយសារតែជំងឺទឹកនោមផ្អែមដែលមិនមានការគ្រប់គ្រង ឬព្យាបាល។ បើសិនជាអ្នកមានបញ្ហាថប់អារម្មណ៍ច្រើន វាក៏មិនមែនជារឿងដែលគួរឲ្យភ្ញាក់ផ្អើលថាក្នុងការត្រជាក់ប្រអប់ដៃដែរ ដោយសារតែពេលនេះគឺសរសៃឈាមកំពុងតែរួមតូចស្រាប់។ 

អតុល្យភាពអ័រម៉ូន

មានឧទាហរណ៍ច្រើនទៅលើការត្រជាក់ប្រអប់ដៃគ្រប់ពេលដោយសារតែបញ្ហាជាច្រើនជាមួយនឹងក្រពេញផលិតអ័រម៉ូន ដូច្នេះវាក៏នឹងធ្វើឲ្យអតុល្យភាពអ័រម៉ូនក្នុងរាងកាយថែមទៀត។ ឧទាហរណ៍ដ៏ល្អបំផុតនោះគឺបញ្ហាទៅលើក្រពេញទីរ៉ូអ៊ីត។ មិនខ្វល់ថាក្រពេញនេះផលិតអ័រម៉ូនតិចពេក ឬច្រើនពេកទេ សុទ្ធតែធ្វើឲ្យអតុល្យភាពអ័រម៉ូន និងបង្ករោគសញ្ញាខុសៗគ្នាជាច្រើន ហើយក្នុងនោះក៏មានត្រជាក់ប្រអប់ដៃដែរ។ 

ការបង្ករោគដោយបាក់តេរី ឬវីរុស

មេរោគដូចជា បាក់តេរីនិងមេរោគផ្សេងៗកំពុងតែវាយប្រហារឿងការយើង។ ក្នុងពេលដែលប្រព័ន្ធភាពស៊ាំអាចសម្លាប់មេរោគទាំងនេះបាន តែពេលខ្លះក៏មិនអាចធ្វើបានដែរ។ នៅពេលរឿងនេះកើតឡើង ការបង្ករោគមួយប្រហែលជាកើតឡើងក្នុងរាងកាយ។ ការបង្ករោគមួយដែលអាចធ្វើឲ្យត្រជាក់ប្រអប់ដៃគឺរលាកស្រោមខួរក្បាលតែម្តង។ ទោះបីជាជំងឺផ្តាសាយធម្មតាក៏ធ្វើឲ្យត្រជាក់ប្រអប់ដៃដែរ ជាពិសេសនៅពេលក្តៅខ្លួន និងគ្រុនបន្ថែមទៀត៕