ការបាក់ទឹកចិត្តគឺមិនរើសអាយុ ឬភេទឡើយ ហើយអាចកើតឡើងលើមនុស្សគ្រប់គ្នា។ វាត្រូវបានគេដឹងថា ជាជំងឺដែលកើតឡើងញឹកញាប់បំផុតសម្រាប់ជីវិតរស់នៅក្នុងយុគ្គសម័យទំនើបមួយនេះ។ មានកត្តាច្រើននាស់ដែលអាចធ្វើឲ្យបាក់ទឹកចិត្តលើមនុស្សម្នាក់ដូចជា បញ្ហាគ្រយសារ លុយកាក ការលេបថ្នាំ ប្រើគ្រឿងស្រវឹង និងជំងឺក្នុងខ្លួន។ ប៉ុន្តែតើអ្នកមានដឹងទេថា របបអាហារក៏អាចដើរតួជាមូលហេតុរបស់វាដែរ។ វាកើតឡើងដោយសារតែ អាហារអ្នកមិនសម្បូរជីវជាតិតែម្តង។ តើការកង្វះជីវជាតិអ្វីខ្លះដែលនាំឲ្យកើតជំងឺបាក់ទឹកចិត្ត?

អាស៊ីតខ្លាញ់អូមេហ្គាបី

តើអ្នកបានញ៉ាំត្រីច្រើនដែរទេ? រាល់ថ្ងៃទេ? ម្តងក្នុងមួយសប្តាហ៍? ឬអត់សោះ? មនុស្សយើងភាគច្រើនគឺមិនចូលចិត្តញ៉ាំត្រីឡើយ។ ជាអកុសល្យ ត្រីសម្បូរខ្លាញ់ដូចជា សាឌីន គឺមានជាតិអាស៊ីតខ្លាញ់អូមេហ្គាបីខ្ពស់ ដែលសំខាន់សម្រាប់ខួរក្បាល និងសុខភាពបេះដូង។ បើគ្មានវាទេ យើងច្រើនតែមានអារម្មណ៍មិនអាចផ្តោតអារម្មណ៍បាន ឬងាយនឹងសាំចិត្តណាស់។ ការញ៉ាំអាហារសមុទ្រគឺជាមធ្យោបាយតែមួយគត់ដើម្បីទទួលបានអាស៊ីតខ្លាញ់អូមេហ្គាបីច្រើន ប៉ុន្តែអ្នកក៏អាចញ៉ាំជាថ្នាំបំប៉នបានដែរ។ 

ជាតិដែក

ការកង្វះជាតិដែកគឺជារឿងដែលកើតឡើងញឹកញាប់បំផុតនៅលើពិភពលោកយើងនេះ។ ការកង្វះជាតិដែកនាំឲ្យ កង្វះគ្រាប់ឈាម អស់កម្លាំង គិតអ្វីមិនចេញ ឆេវឆាវ និងបាក់ទឹកចិត្តផងដែរ។ ស្រ្តីងាយនឹងកង្វះជីវជាតិមួយនេះណាស់ ប៉ុន្តែវាអាចបង្គ្រប់ឡើងវិញបានតាមរយៈការញ៉ាំសាច់ក្រហម សាច់បក្សី និងត្រី។ 

ប្រូតេអ៊ីន

ការកង្វះប្រូតេអ៊ីនក៏អាចកើតឡើងដែរ ហើយវាក៏ជាផ្នែកមួយដែលនាំឲ្យអ្នកជំងឺបាក់ទឹកចិត្តថែមទៀត។ សំណាងដែឬ ការបង្កើនប្រូតេអ៊ីន ឬអាស៊ីតអាមីណេក្នុងខ្លួនគឺជារឿងងាយស្រួល តាមរយៈការញ៉ាំសាច់ ស៊ុត និងត្រី។ 

ជាតិអ៊ីយ៉ូត

ជាតិរ៉ែមួយនេះច្រើនតែមានក្នុងបន្លែសមុទ្រ ទឹក និងអំបិលអ៊ីយ៉ូតតែម្តង។ យ៉ាងណាមិញ អ្នកត្រូវការញ៉ាំសារធាតុមួយនេះឲ្យមានតុល្យភាព ផងដើម្បីឲ្យវាធ្វើការបានត្រឹមត្រូវ។ យ៉ាងណាមិញ ក្រពេញទីរ៉ូអ៊ីតនៅករ ក៏មានត្រូវការជាតិរ៉ែមយយនេះដែរ។ ការខូចក្រពេញទីរ៉អ៊ីតមានជាប់ទាក់ទងនឹងការបាក់ទឹកចិត្តដែរ។ មធ្យោបាយដ៏ល្អមួយដើម្បីទទួលបានជីវជាតិនេះគ្រប់គ្រាន់គឺញ៉ាំអាហារមានអំបិលអ៊ីយ៉ូតតែម្តង។ 

ជាតិស័ង្គសី

ភាគរយតិចតួចនៃប្រជាជនយើងសព្វថ្ងៃនេះគឺកង្វះជាតិស័ង្គសីដែរ។ ការកង្វះជីវជាតិមួយនេះអាចនាំឲ្យខូចមុខងារប្រព័ន្ធភាពស៊ាំ ប្រព័ន្ធជីវសាស្រ្ត និងសុខភាពផ្លូវចិត្តផងដែរ។ ការបាក់ទឹកចិត្តអាចកើតឡើងដោយសារតែកង្វះជាតិស័ង្គសី ហើយវាក៏ជាអ្វីដែលអ្នកត្រូវធ្វើបន្ថែមដើម្បីបង្គ្រប់ជីវជាតិនេះឡើងវិញ។ សាច់ចៀម អាហារសមុទ្រ និងសាច់សត្វសុទ្ធតែមានជាតិស័ង្គសីទាំងអស់៕