តើអ្នកធ្លាប់ឆ្ងល់ដែរទេថា ហេតុអ្វីបានជាភ្នែកអ្នកតែងតែមានដីជាប់ ឬខ្មែរយើងចំណាំថាអាចម៌ភ្នែកនៅពេលភ្ញាក់ឡើងនៅព្រឹកឡើងអញ្ជឹង?(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) មិនខ្វល់ថាវាជាអាចម៌មែនឬអត់ទេ តែវាជារបៀបដែលរាងកាយរបស់យើងធ្វើការបញ្ចេញកាកសំណល់ ឬកំទិចកំទីគ្រោះថ្នាក់ចេញពីផ្ទៃភ្នែករបស់យើងតែម្តង។
តើអ្វីទៅជាអាចម៌ភ្នែក? តើវាកើតឡើងដោយរបៀបម៉េចហើយហេតុអ្វីបានជាវាកើតអញ្ជឹង?
អាចម៌ភ្នែកគឺជាការផ្សំចូលគ្នានៃជាតិប្រេង ធូលីដី និងកោសិកាស្បែកដែលបង្កើតបានជាកំទិចកំទីស្អិតមួយប្រភេទដែលប្រមូលផ្តុំនៅគែមភ្នែក។ ភ្នែករបស់យើងក៏ផលិតទឹកភ្នែករាល់ថ្ងៃដែរ ប៉ុន្តែពេលខ្លះ ទឹកភ្នែកនេះអាចនឹងថយចុះដោយសារតែហេតុផលជាច្រើន ហើយជាធម្មតាវានឹងមិនអាចលាងសម្អាតភ្នែកបានល្អទាំងអស់ឡើយនៅពេលភ្នែករងការប៉ះពាល់នឹងធូលីដី ឬជាតិពុលក្នុងខ្យល់ច្រើននោះ។ ហេតុដូច្នេះហើយ ទើបការផ្តុំចូលគ្នានៃទឹកភ្នែក និងធូលីដីទាំងនោះបង្កើតបានជាអាចម៌ភ្នែកកើតឡើង។ នៅពេលយើងគេង យើងនឹងមិនបើកភ្នែកទៀតឡើយ។ ដូច្នេះការហូរទឹកភ្នែកនឹងប្រមូលផ្តុំនៅគែមរបស់ភ្នែកយើងពេលយប់ ដែលជាហេតុនាំឲ្យភ្ញាក់ពីគេងឡើងគឺមានអាចម៌ភ្នែកនៅគែមភ្នែកតែម្តងទៅ។
តើអាចម៌ភ្នែកគ្រោះថ្នាក់ដែរទេ?
ពេលខ្លះនៅពេលប្រព័ន្ធភាពស៊ាំរបស់ភ្នែកត្រូវកាត់បន្ថយ និងអាចម៌ភ្នែកពោរពេញទៅដោយបាក់តេរីគ្រោះថ្នាក់នោះ វាអាចនឹងបង្កជាបញ្ហារលាកភ្នែក ក្រហមភ្នែក ហូរទឹកភ្នែក ភ្នែកមើលឃើញពីរៗ និងរកាំភ្នែក។ បើសិនជាអ្នកទៅជួបគ្រូពេទ្យភ្នែកភ្លាមនោះ អាការៈនឹងមិនប៉ះពាល់ដល់ភ្នែកធ្ងន់ធ្ងរឡើយ។ ជាមួយគ្នានេះដែរ បើសិនជាអ្នកពាក់ឡេននៅភ្នែក ហើយធ្លាប់មានអាការៈចេញអាចម៌ភ្នែកជាញឹកញាប់នោះ អ្នកគួរតែដោះវាចេញ ហើយទៅជួបពេទ្យភ្លាមទៅ។
សញ្ញានៃការហូរទឹកភ្នែកមិនធម្មតា
នៅពេលដែលមានអាចម៌ភ្នែកកើតឡើងច្រើនជាមួយ ការក្រហមភ្នែក រកាំភ្នែក ហូរទឹកភ្នែកពណ៌លឿង ឬភ្នែកមើលឃើញព្រឹលនោះ វាអាចជាសញ្ញានៃការបង្ករោគនៅភ្នែកហើយ។
វិធីក្នុងការចៀសវាងការហូរទឹកភ្នែកច្រើន
ការអនាម័យទៅលើគ្រាប់ភ្នែកគឺជារឿងដែលត្រូវធ្វើ។ (អាន:ថ្នាំងងុយគេង ពេលអ្នកគួរប្រើ)បើសិនជាអ្នកសង្កេតឃើញថាមានអាចម៌ភ្នែកច្រើនស្អិតៗជាប់ភ្នែកនៅពេលព្រឹកនោះ ចូរលាងភ្នែងជាសិនមុនពេលចូលគេងលើកក្រោយ។ អ្នកក៏គួរតែការពារភ្នែកជាមួយនឹងវ៉ែនតាការពារកម្តៅព្រះអាទិត្យនៅពេលចេញទៅខាងក្រៅផ្ទះ៕