បើយើងនិយាយផ្ទុយទីជំនឿដ៏ពេញនិយមនោះគឺថា ការថប់អារម្មណ៍គឺជារឿងដែលអាចប៉ះពាល់ដល់រាងកាយចៀសវាងប៉ះពាល់តែអារម្មណ៍មួយមុខ។ រឿងដែលសាំចិត្តបំផុតនោះគឺថា គ្រាន់ទែមានអារម្មណ៍ថប់អារម្មណ៍ក៏អាចធ្វើឲ្យអស់កម្លាំងជាប់រហូតដែរ។ តើមកពីហេតុអ្វីទៅ? ខាងក្រោមនេះគឺជាហេតុផលរបស់វាហើយ។

ភាពតានតឹង

ភាគច្រើន មនុស្សដែលថប់អារម្មណ៍គឺមានភាពតានតឹងជាប់រហូត ហើយវាក៏ជាអ្វីដែលធ្វើឲ្យមនុស្សយើងមានអារម្មណ៍អស់កម្លាំងបន្តបន្ទាប់ដែរ។ វាគឺជាហេតុផលពិតប្រាកដមួយដែឡថា អ្នកជំនាញណែនាំដល់អ្នកថប់អារម្មណ៍ធ្វើការបន្ធូរអារម្មណ៍ និងតាំសមាធិដើម្បីបំបាត់ភាពតានតឹង ហើយក៏ជួយកុំឲ្យអស់កម្លាំងដែរ។ 

បារម្ភជាប់

មនុស្សគ្រប់គ្នាដែលថប់អារម្មណ៍គឺងាយនឹងបារម្ភច្រើនណាស់។ ការដែលមានគំនិតអវិជ្ជមានច្រើនហើយច្រើនទៀតអាចនឹងអស់កម្លាំងខ្លាំង ហើយក៏ជាមូលហេតុធ្វើឲ្យគ្មានកម្លាំងកំហែងក្នុងខ្លួនស្ទើរតែគ្រប់ពេលដែរ។ 

ស្ត្រេស

ការដែលថប់អារម្មណ៍អាចជារឿងស្រ្តេសខ្លាំង ដោយសារតែក្នុងចិត្តគិតតែរឿងអវិជ្ជមាន។ យើងទាំងអស់គ្នាដឹងហើយថា ផលវិបាកមួយនៃស្រ្តេសគឺអស់កម្លាំង។ វាអាចជាវដ្តមួយត្រង់ថា កាលណាអ្នកថប់អារម្មណ៍កាន់តែខ្លាំង ស្រ្តេសកាន់តែខ្លាំង ហើយកាលណាអ្នកស្រ្តេសកាន់តែខ្លាំង ការថប់អារម្មណ៍ក៏ខ្លាំងដែរ។ 

បាក់ទឹកចិត្ត

នៅបេលមនុស្សម្នាក់រអ៊ូអំពីការចុះខ្សោយ រឿងមួយដែលគ្រូពេទ្យនឹងរកមើលនោះគឺសញ្ញានៃការបាក់ទឹកចិត្ត។ វាច្រើនតែកើតជាញឹកញាប់លើអ្នកដែលថប់អារម្មណ៍ ដោយសារតែបាក់ទឹកចិត្ត និងចេញជាសញ្ញាមួយទាក់ទងនឹងការអស់កម្លាំង។ពីក្នុងខ្លួន។ 

អ័រម៉ូន Adrenaline 

ក្នុងពេលថប់អារម្មណ៍ រាងកាយនឹងបញ្ចេញអ័រម៉ូន Adrenaline ជាច្រើនដើម្បីបញ្ចូលអារម្មណ៍ឆ្លើយតបភាពស្រ្តេស។ នៅពេលអ័រម៉ូននេះធ្លាក់ចុះទាប កម្លាំងរាងកាយក៏បាត់បង់ច្រើនដែរ។ ហេតុដូច្នេះហើយទើបធ្វើឲ្យអ្នកអស់កម្លាំងក្នុងពេលថប់អារម្មណ៍។ 

មិនញ៉ាំអាហារ

ដោយសារតែមនុស្សដែលថប់អារម្មណ៍គឺងាយនឹងបារម្ភច្រើន វាទំនងជាធ្វើឲ្យពួកគេមិនឃ្លានអាហារដែរ។ ដូច្នេះកាលណារាងកាយមិនមានជីវជាតិគ្រប់គ្រាន់ វាក៏មិនមានអ្វីដើម្បីបង្កើតជាថាមពលប្រើប្រាស់ដែរ។ 

គេងមិនគ្រប់

រឿងនេះកើតឡើងជាញឹកញាប់ចំពោះអ្នកដែលថប់អារម្មណ៍ ជាពិសេសអ្នកដែលត្រូវការគេងពេលយប់ច្រើនៗ។ មនុស្សគ្រប់គ្នាដឹងហើយថា ការដែលគេងមិនបាន ៧ ទៅ ៩ម៉ោងទេ អាចធ្វើឲ្យអ្នកអស់កម្លាំងនៅថ្ងៃបន្ទាប់៕