អ្នកប្រាកដជាធ្លាប់ដឹងហើយថា តុល្យភាពរបស់ជាតិអេឡិចត្រូលីត្រក្នុងរាងកាយគឺមានសារៈសំខាន់ណាស់ ជាពិសេសសម្រួលដល់មុខងារបេះដូងតែម្តង ប៉ុន្តែបើសិនជាមានការកង្វះជាតិប៉ូតាស្យូមវិញ វាអាចនឹងប្រឈមនឹងផលវិបាកចំពោះសុខភាពច្រើនដូចជាបញ្ហានៅផ្លូវរំលាយអាហារជាដើម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះខ្ញុំនឹងបង្ហាញអំពីអាការៈមួយចំនួននៃការកង្វះជាតិកាលស្យូមក្នុងឈាម ដែលអ្នកគួរតែខ្វល់ខ្វាយ។
រឹងសាច់ដុំ
ការថយចុះរបស់ជាតិប៉ូតាស្យូម នឹងបណ្តាលឲ្យខូចដល់មុខងារសាច់ដុំដូចជា ខ្សោយសាច់ដុំ រឹងសាច់ដុំ និងរមួលសាច់ដុំ (រមួលក្រពើ)។ បើសិនជាមិនយកចិត្តទុកដាក់ពីរឿងនេះទេ វានឹងបណ្តាលឲ្យកង្វះសារធាតុក្នុងកោសិកា និងខូចសាច់ដុំ ដែលនាំឲ្យរឹងសាច់ដុំ និងឈឺសាច់ដុំបាន។
បេះដូងលោតខុសធម្មតា
ការបំពេញមុខងាររបស់សាច់ដុំបេះដូងត្រូវបានគ្រប់គ្រងដោយប្រព័ន្ធប្រមូលចរន្តអគ្គិសនីពិសេស។ យ៉ាងណាមិញ ការកង្វះជាតិប៉ូតាស្យូមក្នុងការដឹកនាំការកន្ត្រាក់បេះដូងនឹងនាំឲ្យបេះដូងលោតខុសចង្វាក់បាន។
បញ្ហាក្រពះពោះវៀន
មានមនុស្សមិនច្រើនទេដែលដឹងថា ការទល់លាមក និងហើមពោះអាចជាសញ្ញាមួយនៃការកង្វះជាតិប៉ូតាស្យូម។ ព្រោះកាលណាមានជាតិប៉ូតាស្យូមមិនគ្រប់គ្រាន់ វានឹងធ្វើឲ្យសាច់ដុំក្នុងពោះវៀនមិនអាចធ្វើការបានល្អឡើយ។
ធីងធោងនិងវិលមុខ
នេះដោយាសរតែតុល្យភាពទឹក និងអេឡិចត្រូលីត្រត្រូវបានរំខាននៅពេលកង្វះជាតិប៉ូតាស្យូម។ រឿងនេះក៏ធ្វើឲ្យនោមច្រើន និងបណ្តាលឲ្យកង្វះសម្ពាធឈាម បូករួមនឹងបអាការៈធីងធោង និងវិលមុខទៀត។
នោមញឹក
នៅពេលតម្រងនោមមិនអាចថែរក្សាតុល្យភាពជាតិទឹក និងអេឡិចត្រូលីត្របានដោយាសរការកង្វះជាតិប៉ូតាស្យូម វានឹងបណ្តាលឲ្យបាត់បង់ជាតិទឹកធ្ងន់ធ្ងរ និងបណ្តាលឲ្យនោមញឹក និងស្រេកទឹកខ្លាំង ដែលទាំងនេះសុទ្ធតែជាសញ្ញារបស់អាការៈកង្វះជាតិប៉ូតាស្យូមហើយ។
ជ្រុះសក់
ការកង្វះជាតិប៉ូតាស្យូមអាចនឹងធ្វើឲ្យកើនឡើងនូវជាតិសូដ្យូមច្រើននៅជុំវិញឬសសក់ ដែលមិនអាចបឺតស្រូបជីវជាតិសំខាន់ៗដើម្បីសក់លូតលាស់បាន។ (អាន:ថ្នាំងងុយគេង ពេលអ្នកគួរប្រើ)ដូច្នេះ ការបង្កើនការទទួលទានជាតិប៉ូតាស្យូមប្រហែលជាជួយដោះស្រាយបញ្ហាសក់ជ្រុះ និងជំរុញដល់ការលូតលាស់សក់ទៀតផង៕