វាទំនងជារឿងពិបាកមួយសម្រាប់ស្រ្តីមានផ្ទៃពោះ ដោយសារតែមានការបង្ករោគខ្លះអាចប៉ះពាល់តែស្រ្តីជាម្តាយទេ ខណៈពេលដែលការបង្ករោគផ្សេងៗទៀតសម្តៅវាយប្រហារទាំងម្តាយ និងកូនក្នុងផ្ទះតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ នៅពេលអ្នកឆ្លងជំងឺ វីរុស ឬបាក់តេរីនឹងវាយលុកទៅលើជាលិការាងកាយ បង្កើតកូនចៅ និងបញ្ចេញជាតិពុលរបស់វាទៅក្នុងខ្លួន។ អ្វីដែលជាបញ្ហានោះគឺថា ការបង្ករោគទាំងនេះអាចនឹងផ្តល់ផលវិបាកច្រើនក្នុងពេលមានផ្ទៃពោះ ហើយទំនងជានឹងបង្ករោគដល់ទារកនៅក្នុងផ្ទៃថែមទៀត។ 

សម្រាប់ស្រ្តីមានផ្ទៃពោះពិតជាងាយនឹងឆ្លងជំងឺណាស់ នេះដោយសារតែភាពទន់ខ្សោយនៃប្រព័ន្ធភាពស៊ាំសម្រាប់ការពារមនុស្សពីរនាក់ក្នុងពេលតែមួយ។ ដល់ពេលឆ្លងជំងឺទៅ វាអាចនឹងមានផលវិបាកធ្ងន់ធ្ងរច្រើនដូចជា ការរលូតកូន កូនកើតមិនគ្រប់ខែ កូនស្លាប់ក្នុងផ្ទៃ កូនកើតមកខ្វះអវៈយវៈ និងម្តាយស្លាប់ជាដើម។ 

ដូច្នេះខាងក្រោមគឺជាការបង្ករោគមួយចំនួនដែលស្រ្តីមានផ្ទៃពោះត្រូវតែមានភាពប្រុងប្រយ័ត្ន និងព្យាយាមកុំឲ្យកើតជំងឺនេះ៖

  • ជំងឺរលាកថ្លើមប្រភេទ B, C
  • ការបង្ករោគនៅផ្លូវទឹកម៉ូត្រ
  • ជំងឺកាមរោគ
  • ជំងឺអ៊ុតស្វាយ
  • ជំងឺប៉េសប្រដាប់ភេទ
  • កញ្ជ្រឹល ឬស្អូច
  • ជំងឺបង្កឡើងដោយបាក់តេរី Group B Streptococcus

ការប្រុងប្រយ័ត្ននិងការព្យាបាល

ដូច្នេះចាប់ពីពេលនេះទៅ យើដឹងហើយថាការបង្ករោគអ្វីខ្លះដែលអាចប៉ះពាល់ដល់ការមានផ្ទៃពោះបាន ដូច្នេះយកល្អគួរតែធ្វើដូចខាងក្រោមនេះដើម្បីបង្ការវា៖

  • ធ្វើយ៉ាងណាអាចកើតជំងឺនេះឲ្យហើយមុនពេលមានផ្ទៃពោះ
  • តាមដានរោគសញ្ញា និងពិនិត្យសុខភាពជាទៀងទាត់
  • ចៀសវាងការរួមភេទជាមួយដៃគូរមានជំងឺ
  • ចូរប្រាកដថា គ្រូពេទ្យមិនបានប្រើប្រាស់ឧបករណ៍ និងសឺរ៉ាងដែលធ្លាប់ប្រើជាមួយអ្នកជំងឺពីមុនៗឡើយ
  • សម្រាប់ការប្រើប្រាស់ថ្នាំផ្សះដើម្បីព្យាបាលក្នុងពេលមានផ្ទៃពោះ ត្រូវតែមានការណែនាំឲ្យច្បាស់ពីគ្រូពេទ្យជំនាញ និងជ្រើសរើសថ្នាំណាដែលមិនប៉ះពាល់ដល់កូនក្នុងផ្ទៃ(អាន:ថ្នាំងងុយគេង ពេលអ្នកគួរប្រើ)
  • បើសិនជាកំពុងតែមានការបង្ករោគនៅផ្លូវទឹកម៉ូត្រ ចូរព្យាយាមញ៉ាំទឹកឲ្យបានច្រើន តែបើសិនជាអាការៈរបស់វាកើតឡើងជាប់ច្រើនជាងពីរថ្ងៃ ចូរពិគ្រោះជាមួយគ្រូពេទ្យភ្លាម៕