Join with Health.com.kh on Telegram

ទឹកដូងគឺជាភេសជ្ជៈផ្តល់ភាពស្រស់ស្រាយ និងមានរសជាតិផ្អែមបែបធម្មជាតិ។ វាផ្ទុកទៅដោយសារធាតុកាបូអ៊ីដ្រាតងាយរំលាយក្នុងទម្រងជាអេឡិចត្រូលីត្រ និងជាតិស្ករ។ វាក៏មានកាឡូរី និងកូឡេស្តេរ៉ុលទាបដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) វាមានជាតិប៉ូតាស្យូមច្រើនជាងផ្លែចេកបួនដង និងជួយបង្កើនការគ្រប់គ្រងជាតិទឹកទៀត។ 

ភេសជ្ជៈធម្មជាតិនេះក្រៅពីផ្ទុកទៅដោយជីវជាតិសំខាន់ៗដែលរាងកាយត្រូវការហើយ វាក៏មានអត្ថប្រយោជន៍ចំពោះសុខភាពច្រើនគួរសមដែរដូចជា៖

បញ្ចុះសម្ពាធឈាម

យោងទៅតាមសមាគមន៍ជំងឺបេះដូងអាមេរិកបានឲ្យដឹងថា អ្នកអាចបញ្ចូលចំនួនប៉ូតាស្យូមដ៏សមរម្យមួយទៅក្នុងរបបអាហារដើម្បីរក្សា ឬកាត់បន្ថយសម្ពាធឈាម។ ការសិក្សាបានបង្ហាញទៀតថា មនុស្សម្នាក់ដែលញ៉ាំទឹកដូងយ៉ាងហោចណាស់ ២ដងសប្តាហ៍ គឺអាចបន្ថយទាំងសម្ពាធឈាម Diastolic ៧១ភាគរយ និង Systolic  ២៩ភាគរយ ឯណោះ។ 

ជំនួយដល់ការរំលាយអាហារ

ទឹកដូងផ្តល់ជាប្រភពបន្ធូរអារម្មណ៍មួយបើសិនជាអ្នកមានបញ្ហាពិបាករំលាយអាហារ។ នេះដោយសារតែវាមានជាតិសរសៃខ្ពស់តែម្តង ដែលអាចធ្វើការជាជំនួយដល់ការច្រាលទឹកអាស៊ីតក្រពះ និងបង្ការបញ្ហាក្រពះមិនកិនទៀត។ 

ជួយដល់មុខងារតម្រងនោម

របបអាហារភាគច្រើនមិនសូវមានជាតិប៉ូតាស្យូមទេ តែសម្បូរជាតិសូដ្យូមទៅវិញ។ សូដ្យូមអាចនឹងដាក់សម្ពាធច្រើនដល់តម្រងនោម ព្រោះវាជំរុញដល់ការចាលជាតិទឹកក្នុងខ្លួន។ តម្រងនោមនឹងធ្វើការកាន់តែពិបាកនៅពេលសូដ្យូមរុញទឹកច្រើនពេក។ យ៉ាងណាមិញ ប៉ូតាស្យូមនឹងដើរតួជាអ្នកបញ្ចុះទឹកនោមដើម្បីជួយតម្រងនោមច្រោះឈាមក្លាយជាទឹកបានកាន់តែល្អ។ 

ទឹកដូងមួយពែងអាចផ្តល់ជាជាតិប៉ូតាស្យូមគ្រប់គ្រាន់ដើម្បីតម្រងនោមមានសុខភាពល្អវិញ នេះដោយសារតែវាមានឥទ្ធិពលបញ្ចុះទឹកនោម ដែលជួយបង្ការគ្រួសក្នុងតម្រងនោមបាន។ សារធាតុ Arginine ក្នុងទឹកនោមនឹងជួយបង្កើនរបត់ឈាមរត់ទៅសរីរាង្គគ្រប់ទាំងអស់ រួមទាំងតម្រងនោមផងដែរ។​

ពង្រឹងដល់ការបង្គ្រប់ជាតិទឹក

បើយើងប្រៀបធៀបនឹងភេសជ្ជៈប៉ូវកម្លាំងផ្សេងៗ សារធាតុក្នុងទឹកដូងអាចជំរុញដល់ការបង្គ្រប់ជាតិទឹកក្នុងខ្លួនយ៉ាងមានប្រសិទ្ធភាពបំផុត។ ក្នុងពេលហាត់ប្រាណខ្លាំងក្លា រាងកាយនឹងបាត់បង់ជាតិរ៉ែយ៉ាងច្រើន។ តែទឹកដូងមួយកែវមានជាតិប៉ូតាស្យូម ២៩៤មីលីក្រាម និងជាតិស្ករ ៥មីលីក្រាម ដែលគ្រប់គ្រាន់នឹងការបង្គ្រប់ឡើងវិញនូវអ្វីដែលបាត់បង់ហើយ។ 

ជំរុញដល់ការស្រកទម្ងន់

ទឹកដូងមានជាតិសរសៃច្រើនដែលអាចជួយជំរុញដល់អារម្មណ៍ឆ្អែតបានយូរ។(អាន:ថ្នាំងងុយគេង ពេលអ្នកគួរប្រើ) បើសិនជាអ្នកញ៉ាំទឹកដូងមួយកែវមុនញ៉ាំអាហារកន្លះម៉ោង អ្នកនឹងមិនសូវញ៉ាំច្រើនឡើយ៕