Join with Health.com.kh on Telegram

ទម្លាប់ល្អនឹងធ្វើឲ្យអ្នកក្លាយជានារីដែលស្អាត ប៉ុន្តែទម្លាប់អាក្រក់នឹងធ្វើឲ្យអ្នកក្លាយជានារីអាក្រក់ ដូចនេះការជ្រើសរើសគឺស្ថិតលើអ្នក បើអ្នកចង់មានរាងដែលស្អាត និងមិនចាស់ អ្នកអាចធ្វើតាមទម្លាប់ខាងក្រោមនេះបាន។តើមានទម្លាប់អ្វីខ្លះទៅ? (អាន:ថ្នាំងងុយគេង ពេលអ្នកគួរប្រើ)

  1. អ្នកត្រូវតែមានទម្លាប់ល្អក្នុងការបរិភោគអាហារ ដោយត្រូវតែបរិភោគអាហារគ្រប់មុខ ជាពិសេសអាហារដែលមានសារធាតុចិញ្ចឹម ហើយមិនត្រូវបរិភោគអាហារដែលមានកាឡូរី និងខ្លាញ់ខ្ពស់ទេ ជាងនេះទៅទៀត មិនត្រូវផឹកកាហ្វេ និងតែច្រើនឡើយ។
  2. អ្នកត្រូវតែបរិភោគពពួកសណ្តែកឲ្យបានច្រើន ព្រោះសណ្តែកគ្រប់ពណ៌ និងគ្រប់ប្រភេទ អាចជួយអ្នកឲ្យមានសម្រស់កាន់តែស្អាត និងក្មេងជាងវ័យ។
  3. អ្នកត្រូវតែបរិភោគត្រីមួយថ្ងៃមួយកន្ទុយ ព្រោះនៅក្នុងត្រីមានសារធាតុដែលអាចជម្រះនិងធ្វើឲ្យសរសៃឈាមអ្នកទន់ ជាពិសេសវានឹងជួយពន្យារស្បែកអ្នកមិនឲ្យចាស់ឡើយនៅពេលដែលអ្នកបរិភោគរាល់ថ្ងៃ។
  4. អ្នកអាចផឹកទឹកផ្លែឈើស្រស់បាន ព្រោះទឹកផ្លែឈើស្រស់ទាំងនេះមានវីតាមីនC ដែលអាចការពាររាងកាយអ្នកមិនឲ្យចាស់បាន ជាពិសេសទឹកផ្លែឈើដែលធ្វើពីផ្លែគីវីគឺល្អជាងផ្លែឈើដទៃ។
  5. អ្នកត្រូវតែបរិភោគអាហារដែលមានជាតិសរសៃឲ្យបានច្រើន  ព្រោះអាហារទាំងនេះអាចជួយរាងកាយអ្នកឲ្យបញ្ចេញជាតិពុលចេញមកក្រៅបាន ដូចនេះសុខភាពអ្នកនឹងល្អ ហើយអ្នកក៏អាចមានរាង និងសម្រស់ស្អាតដូចគ្នា។
  6. អ្នកអាចបរិភោគមើមឈូកបាន ព្រោះមើមឈូកមានវីតាមីនC និងជាតិរ៉ែ ដូចនេះវានឹងធ្វើឲ្យស្បែកអ្នកភ្លឺរលោង មិនស្ងួត ថែមទាំងអាចធ្វើឲ្យស្បែកថ្មីងាយដុះឡើងវិញ ជាងនេះទៅទៀត វានឹងធ្វើឲ្យបេះដូងអ្នកមានសុខភាពល្អទៀតផង។
  7. ត្រចៀកកណ្តុរក៏ជាអាហារដែលអាចធ្វើឲ្យអ្នកមិនចាស់ដែរ ដោយសារតែវាមានវីតាមីន ជាតិរ៉ែ និងមានសារធាតុសរសៃដែលអាចជំនួយដល់ស្បែកអ្នកបានយ៉ាងល្អ៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)