គ្រប់គ្នាដឹងហើយថា ការញ៉ាំអាហារលឿនជាប្រចាំ អាចបណ្តាលឲ្យឡើងទម្ងន់ខុសធម្មតាបាន។ តើអ្នកមានដឹងទេថា វាក៏អាចបង្កជាបញ្ហាដល់សុខភាពច្រើនដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះគឺជាគ្រោះថ្នាក់ចំពោះសុខភាពយ៉ាងគួរឲ្យភ្ញាក់ផ្អើលនៃការញ៉ាំអាហារលឿនច្រើនៗពេក៖
ជំងឺបេះដូងសរសៃឈាម
មានហេតុផលខុសៗគ្នាច្រើនណាស់ដែលថា ការញ៉ាំអាហារលឿនអាចប្រឈមខ្លាំងនឹងជំងឺបេះដូងសរសៃឈាមបាន តាមលក្ខណៈ៖
- អាហារលឿនមានជាតិសូដ្យូម ដែលអាចធ្វើឲ្យលើសសម្ពាធឈាម ដែលជាកត្តាប្រឈមដ៏សំខាន់នៃជំងឺបេះដូងសរសៃឈាម
- កូឡេស្តេរ៉ុលអាក្រក់មានច្រើនណាស់ក្នុងអាហារលឿន ហើយវាក៏គ្រប់គ្រាន់ធ្វើឲ្យសរសៃឈាមអាក់ទែទៅជារឹង និងមានកំណកផងដែរ។
កាលណាមានជំងឺបេះដូងសរសៃឈាមនឹងបង្កើនឱកាសជំងឺគាំងបេះដូង និងដាច់សរសៃឈាមខួរក្បាលកាន់តែខ្លាំងថែមទៀត។
ជំងឺទឹកនោមផ្អែមប្រភេទទី២
អាហារលឿនក៏ផ្ទុកទៅដោយជាតិកាបូអ៊ីដ្រាត និងជាតិស្ករកៃឆ្នៃ ហើយកាលណាញ៉ាំរបស់ទាំងនេះជាប្រចាំ គឺប្រឈមខ្ពស់នឹងជំងឺទឹកនោមផ្អែមប្រភេទទី២។ យ៉ាងណាមិញ ជំងឺទឹកនោមផ្អែមប្រភេទទី២ គឺមិនមានការព្យាបាលអ្វីឲ្យជាសះស្បើយឡើយ។ បើសិនជាអ្នកគ្រប់គ្រងជំងឺនេះមិនបានល្អ វានឹងបង្កជាផលវិបាកជាច្រើនដូចជា៖
- ជំងឺបេះដូង
- ខូតម្រងនោម
- ជំងឺសរសៃប្រសាទ
- ត្រូវការកាត់ជើង ឬប្រអប់ជើង
- ខ្វាក់ភ្នែក
- ថ្លង់
មិនអាចមានកូនបាន
តើអ្នកកំពុងតែពិបាកមានកូនមែនទេ ហើយក៏កំពុងតែចូលចិត្តញ៉ាំអាហារលឿនរាល់ថ្ងៃទៀតដែរទេ? នេះហើយជាផលវិបាកមួយនៃការញ៉ាំអាហារមិនផ្តល់សុខភាព។ យោងទៅតាមការស្រាវជ្រាវតាមបែបវិទ្យាសាស្រ្តបានឲ្យដឹងថា សារធាតុគីមីជាច្រើនដែលមានក្នុងអាហារលឿនអាចរំខានដល់ការងារត្រឹមត្រូវរបស់អ័រម៉ូន ហើយមួយក្នុងចំណោមនោះក៏ទាក់ទងនឹងអ័រម៉ូនជំរុញដល់លទ្ធភាពមានកូនដែរ។ ម៉្យាងវិញទៀត អាហារលឿនអាចបង្កើនការប្រឈមនឹងកូនកើតមកខូចអវៈយវៈ និងផលវិបាកនៃការមានផ្ទៃពោះធ្ងន់ធ្ងរផ្សេងៗទៀត។
ការបាក់ទឹកចិត្ត
បើសិនជាអ្នកគិតថា សុខភាពរាងកាយគឺជារឿងតែមួយគត់ដែលរងឥទ្ធិពលអវិជ្ជមានពីការញ៉ាំអាហារលឿននោះ ចូរគិតឡើងវិញម្តងទៀត។ អ្នកជំនាញខាងសុខភាពផ្លូវចិត្តបានបញ្ជាក់ថា ការញ៉ាំអាហារលឿនក៏អាចប៉ះពាល់ដល់ផ្លូវចិត្តបានដែរ។ (អាន:ថ្នាំងងុយគេង ពេលអ្នកគួរប្រើ)ការបាក់ទឹកចិត្តមិនត្រឹមតែជាបញ្ហាផ្លូវចិត្តមួយដែលកើតចេញពីការញ៉ាំអាហារលឿនជាប្រចាំទេ តែវាក៏បង្កជាបញ្ហាផ្សេងៗជាច្រើនទៀតដែរ។ ការញ៉ាំអាហារលឿនក៏ប្រហែលជាជំរុញដល់ការធ្វើទុក្ខដល់បញ្ហាសុខភាពផ្លូវចិត្តជាច្រើនថែមទៀត៕