រស់នៅរាល់ថ្ងៃតែងតែស្រ្តេស ចូរញ៉ាំអាហារទាំងនេះឲ្យបានច្រើន

គ្រប់គ្នាដឹងហើយថា ការដែលត្រូវបានអ្នកជំនាញម៉ាស្សាឲ្យ ការងូតទឹកក្តៅ ស្តាប់ចម្រៀងរំងាប់អារម្មណ៍ និងស្រូបក្លិនប្រេងផ្កាឡាវ៉ែនឌឺ សុទ្ធតែជាវិធីអាចជួយបំបាត់ស្រ្តេសបានទាំងអស់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែបើសិនជា ការងារប្រចាំថ្ងៃរបស់អ្នកធ្វើឲ្យមានភាពតានតឹងខ្លាំងពេក អ្នកកំពុងតែរកអូសប្រទះចង្ក្រានហ្គាសហើយ ព្រោះ ខាងក្រោមនេះខ្ញុំនឹងបង្ហាញអំពីអាហារមួយចំនួនដែលអាចជួយបន្ថយស្រ្តេសបានយ៉ាងល្អនៅពេលទទួលទានវាបានទៀងទាត់៖

គ្រាប់ធញ្ញជាតិ

មានមនុស្សជាច្រើនតែងតែរកញ៉ាំនំដូណាត់ ឬនំ ម៉ូហ្វីនគ្រប់ពេលដែលស្រ្តេសម្តងៗ ព្រោះវាអាចជួយបន្ថយសម្ពាធ និងផ្តល់ផាសុកភាពដល់ផ្លូវអារម្មណ៍បាន។ នេះដោយសារតែជាតិកាបូអ៊ីដ្រាតដែលមានក្នុងអាហារទាំងនេះនឹងបង្កើនចំនួនអ័រម៉ូនសប្បាយចិត្តក្នុងខួរក្បាល។ ប៉ុន្តែការជ្រើសរើសប្រភពកាបូអ៊ីដ្រាតដែលល្អគួរតែ ជាគ្រាប់ធញ្ញជាតិវិញដូចជា អង្ករសម្រូប សណ្តែកដី គ្រាប់ស្វាយចន្ទី ឬស្រូវអូដជាដើម ព្រោះវានឹងមិនបង្កជាផលវិបាកអ្វីឡើយ។

យ៉ាអួរ

គ្រប់គ្នាដឹងហើយថា យ៉ាអួរគឺជាអាហារដ៏ល្អមួយសម្រាប់រាងកាយ ដោយសារតែវាផ្តល់ជាបាក់តេរីមានប្រយោជន៍ដល់ពោះវៀន។ ប៉ុន្តែការវត្តមានដ៏ល្អរបស់បាក់តេរីប្រភេទនេះក៏សំខាន់ក្នុងការទប់ស្កាត់ភាពស្រ្តេសដែរ។ អ្នកវិទ្យាសាស្រ្តបានបញ្ជាក់ថា អ័រម៉ូនសប្បាយចិត្តមួយចំនួនក្នុងខួរក្បាលត្រូវបានផលិតចេញពីក្នុងពោះវៀន។ ដូច្នេះហើយការញ៉ាំយ៉ាអួរទៀងទាត់អាចជួយបំបាត់ស្រ្តេសបាន។ 

ត្រីសម្បូរខ្លាញ់

ត្រីសម្បូរខ្លាញ់នេះចង់សម្តៅទៅលើត្រីណាដែលផ្ទុកទៅដោយអាស៊ីតខ្លាញ់អូមេហ្គាបី ដែលសំខាន់សម្រាប់បន្ថយស្រ្តេស ហើយក៏ជួយដល់សុខភាពផ្លូវភេទផងដែរ។ 

សូកូឡាខ្មៅ

សមត្ថភាពរបស់សូកូឡាខ្មៅក្នុងការផ្តល់អារម្មណ៍រីករាយគឺល្អគ្រប់គ្រាន់ក្នុងការបន្ថយស្រ្តេសហើយ។ (អាន:ថ្នាំងងុយគេង ពេលអ្នកគួរប្រើ)ប៉ុន្តែអ្នកវិទ្យាសាស្រ្តជាច្រើនបានឲ្យដឹងថា សូកូឡាខ្មៅក៏ជួយបន្ធូរភាពតានតឹងទាំងផ្លូវកាយ និងចិត្ត។ វត្តមានម៉ាញ៉េស្យូមដែលមានក្នុងសូកូឡាខ្មៅក៏ដើរតួនាទីដូចគ្នាអ៊ីចឹងដែរ៕