ជំងឺកូនក្រៅស្បូនកើតឡើងបាននៅពេលដែលមេជីវិតញីឈ្មោលដែលរលាយចូលគ្នារួចនោះ កាច់សម្បុកនៅក្រៅស្បូន។ អ្វីដែលពិបាកនោះគឺថា ការមានផ្ទៃពោះបែបនេះគឺមិនអាចមើលឃើញ ហើយអាចបណ្តាលឲ្យស្លាប់បានបើសិនជាមិនមានការព្យាបាលទាន់ពេលវេលា។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដូច្នេះចូរស្វែងរកសេវាព្យាបាលភ្លាមៗបើសិនជាសង្ស័យថា នរណាម្នាក់កំពុងតែមានអាការៈជំងឺកូនក្រៅស្បូនហើយ។
រោគសញ្ញាជំងឺកូនក្រៅស្បូនគឺស្រដៀងគ្នានឹងរោគសញ្ញានៃការរលូតកូនដែរ។ អ្នកប្រហែលជាធ្លាប់មានការធ្លាក់ឈាមមិនទៀងទាត់ និងឈឺចាប់ក្នុងអាងត្រគាកក្នុងត្រីមាសដំបូង។ ជាធម្មតា រោគសញ្ញាទាំងនេះអាចសម្គាល់ដឹងនៅសប្តាហ៍ទី ៥ ឬទី៦។ ក្រៅពីការឈឺពោះ និងការធ្លាក់ឈាមតាមទ្វារមាស អ្នកប្រហែលជាធ្លាប់មានការឈឺចាប់ក្នុងពេលរួមភេទ ឬពេលពិនិត្យក្នុងអាងត្រគាក។ ការឈឺក្បាលវិលមុខ ធីងធោង រកសន្លប់ ឈឺចាប់នៅស្មា ឬមានអាការៈចង់ស្យុក ក៏អាចជាអាការៈរបស់ជំងឺកូនក្រៅស្បូនដែរ។ ការឈឺនៅស្មាបង្កឡើងដោយការហូរឈាមក្នុងពោះ ជាពិសេសហូរឈាមក្រោមសន្ទះខណ្ឌទ្រូង និងពោះតែម្តង។ (អាន:ថ្នាំងងុយគេង ពេលអ្នកគួរប្រើ)
បើសិនជាអ្នកធ្លាប់មានអាការៈហូរឈាម និងឈឺចាប់ណាមួយ ចូរទាក់ទងទៅគ្រូពេទ្យភ្លាមៗដើម្បីគាត់អាចពិនិត្យ ធ្វើតេស្តឈាម និងថតអេកូរកមើលមូលហេតុរបស់វា៕