Join with Health.com.kh on Telegram

ភាពតានតឹង ការគេងមិនគ្រប់ និងទទួលទានអាហារគ្មានសុខភាពល្អមិនត្រឹមតែជះឥទ្ធិពលចំពោះសុខភាពរាងកាយប៉ុណ្ណោះទេ ប៉ុន្តែក៏ធ្វើឱ្យកើនទម្ងន់ផងដែរ។ ប៉ុន្តែកុំបារម្ភ! ក្រៅពីធ្វើការលំហាត់ប្រាណហើយនោះ ការជ្រើសរើសអាហារត្រឹមត្រូវមកទទួលទានក៏ជួយអោយស្រកទម្ងន់គួរឱ្យកត់សម្គាល់។ ថាតើអាហារទាំងនោះមានអ្វីខ្លះទៅ? ថ្ងៃនេះវេបសាយសុខភាព Health.com.kh នឹងបង្ហាញពីអាហារ រួមទាំងដែលជួយដុតបំផ្លាញជាតិខ្លាញ់ ក៏ដូចជាបង្កើនការដុតរំលាយអាហារក្នុងរាងកាយ ៖ 

១. ផ្កាខាត់ណាខៀវ

ជាប្រភពដ៏ប្រសើរនៃជាតិកាល់ស្យូមដែលជួយពន្លឿនការដុតរំលាយអាហារក្នុងរាងកាយ។ វាក៏មានផ្ទុកសម្បូរទៅដោយជាតិសសៃ វីតាមីន C វីតាមីន K និងវីតាមីន A ល្អចំពោះការសម្រកទម្ងន់គួរឱ្យកត់សម្គាល់។

២. ផ្លែបឺរ

មានផ្ទុកសម្បូរទៅដោយជាតិខ្លាញ់សុខភាពល្អ monounsaturated ប្រូតេអ៊ីន ជាតិសសៃ និងសារធាតុចិញ្ចឹមដែលផ្ដល់អត្ថប្រយោជន៍ចាំបាច់ជាច្រើនពិសេសកំឡុងពេលអ្នកព្យាយាមសម្រកទម្ងន់។ ផ្លែបឺរក៏ជាប្រភពដ៏ល្អនៃអាស៊ីតខ្លាញ់ oleic ដែលជួយធ្វើឱ្យឆាប់ឆ្អែតផងដែរ។

៣. គ្រាប់ធញ្ញជាតិ

ជាប្រភពដ៏ប្រសើរនៃជាតិខ្លាញ់សុខភាពល្អ ជាតិសសៃ ព្រមទាំងអាស៊ីតខ្លាញ់អូមេហ្គា ៣ ខ្ពស់ដែលជួយក្នុងការសម្រកទម្ងន់បានយ៉ាងប្រសើរ។ វាជួយទប់ស្កាត់ចំណង់អាហារ និងជួយអោយឆ្អែតបានយូរ។ ដូច្នេះកុំភ្លេចបន្ថែមគ្រាប់ធញ្ញជាតិមួយក្ដាប់ដៃពេញក្នុងរបបអាហារប្រចាំថ្ងៃរបស់អ្នក។

៤. ទឹកដូង

ទឹកដូងមានផ្ទុកបរិមាណ​ជាតិ​ខ្លាញ់​ទាប​បំផុត ដូច្នេះ​ទើបវាជាជម្រើសនៃភេសជ្ជៈដ៏ប្រសើរសម្រាប់អ្នកចង់ស្រកទម្ងន់។ វា​ក៏ជួយកាត់​បន្ថយ​ចំណង់​អាហារ និង​ធ្វើ​ឱ្យ​អ្នកមាន​អារម្មណ៍​ឆ្អែត​បាន​យូរផងដែរ។

៥. ម្ទេសប្លោក

ម្ទេសប្លោកជាប្រភពដ៏ប្រសើរនៃជាតិសសៃនិងជាតិទឹកដែលធ្វើឱ្យអ្នកមានអារម្មណ៍ឆ្អែតបានយូរបន្ទាប់ពីទទួលទាន។ លើសពីនេះទៅទៀតបន្លែនេះថែមទាំងមានប្រសិទ្ធិភាពធ្វើឱ្យប្រព័ន្ធរំលាយអាហារកាន់តែមានភាពសកម្មជាងមុនទៀតផង។

៦. ប្រេងអូលីវ

ជម្រើសនៃអាហារមួយប្រភេទទៀតដែលអ្នកគួរដាក់បញ្ចូលក្នុងរបបអាហារប្រចាំថ្ងៃដើម្បីស្រកទម្ងន់នោះ គឺប្រេងអូលីវ ហើយប្រេងនេះក៏ប្រសើរសម្រាប់សុខភាពរាងកាយទាំងមូលផងដែរ។ អ្នកអាចបន្ថែមវាក្នុងអាហារសាឡាដនិងទឹកជ្រលក់ជាដើម៕