ខាងក្រោមនេះ យើងខ្ញុំនឹងបង្ហាញអ្នកពីផ្លែឈើដែលអ្នកម្តាយអាចបរិភោគបានក្រោយសម្រាលកូនរួច។ តើមានអ្វីខ្លះទៅ? (អាន:ថ្នាំងងុយគេង ពេលអ្នកគួរប្រើ)
- មានអ្នកម្តាយខ្លះ មិនហ៊ានប្រើកម្លាំងខ្លាំងក្នុងពេលបត់ជើងធំទេ ព្រោះខ្លាចត្រូវមុខរបួស ហើយក៏មានអ្នកម្តាយខ្លះប្រឈមមុខនឹងអាការៈទល់លាមក ព្រោះពិសារអាហារដែលប៊ូវច្រើន។ ដូចនេះ អ្នកម្តាយ អាចញ៉ាំផ្លែចេកបាន ព្រោះផ្លែឈើមួយនេះ អាចជួយធ្វើឲ្យក្រពះ និងពោះវៀនអ្នកដំណើរការល្អ ដោយធ្វើឲ្យអ្នកម្តាយងាយស្រួលបត់ជើងធំ។
- អ្នកម្តាយក៏អាចបរិភោគពុទ្ធ្រាក្រហមផងដែរ ព្រោះផ្លែឈើមួយនេះសម្បូរទៅដោយវីតាមីន ដោយធ្វើឲ្យអ្នកម្តាយមានសុខភាពល្អ ថែមទាំងជួយផលិតឈាមដែលអ្នកម្តាយបាត់បង់ក្នុងពេលសម្រាលកូនបានមកវិញយ៉ាងងាយ។
- នៅក្នុងក្រូចមានផ្ទុកវីតាមីនសេ និងកាល់ស្យូម ដោយអាចជួយការពារអ្នកម្តាយមិនឲ្យហូរឈាមច្រើនក្រោយសម្រាលកូនឡើយ។
- អ្នកម្តាយគួរតែពិសារផ្លែប៉ោម ព្រោះក្នុងផ្លែប៉ោម មានផ្ទុកសារធាតុជាច្រើន ព្រមទាំងសារធាតុសរសៃ ដែលអាចជួយឲ្យក្រពះ និងពោះវៀនអ្នកម្តាយដំណើរការបានល្អ។ ដូចនេះ អ្នកម្តាយនឹងអាចចៀសផុតពីអាការៈទល់លាមកបានយ៉ាងងាយ ថែមទាំងសុខភាពឆាប់រឹងមាំទៀតផង៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)